USD 336.23 EUR 360.3 RUB 5.28
استانا:

ەلوردادا «تاۋەلسىزدىك پەن جاسامپازدىق جىلدارى» اتتى دوڭگەلەك ۇستەل ٴوتتى

فوتو: Ұларбек Дәлейұлы

بۇگىن قر تۇڭعىش پرەزيدەنتىنىڭ مۋزەيىندە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «تاۋەلسىزدىك پەن جاسامپازدىق جىلدارى» اتتى دوڭگەلەك ۇستەل وتكىزدى، دەپ حابارلايدى baq.kz ٴتىلشىسى.

«تاۋەلسىزدىك كۇنى – ەلدىڭ ەڭ ماڭىزدى ۇلتتىق مەرەكەسى، حالىقتىڭ عاسىرلار بويى اڭساعان ارمانىنىڭ جۇزەگە اسقانىنا، رەسپۋبليكانىڭ قول جەتكىزگەن تابىستارىنا ماقتانىپ، قۋاناتىن كۇنى. بۇل ازاتتىق پەن بەيبىتشىلىك مەيرامى. ٴوز ەلىنىڭ تاعدىرى ٴۇشىن جاۋاپكەرشىلىك سەزىمى بىرىكتىرەتىن جانە ٴبىرتۇتاس قازاقستان حالقىن قۇرايتىن بارلىق قازاقستاندىقتار ٴۇشىن ماڭىزدى وقيعا»، دەيدى شارانى ۇيىمداستىرۋشلىلار.

اتاۋلى شاراعا قازاقستان رەسپۋبليكاسى پرەزيدەنتى اكىمشىلىگىنىڭ وكىلدەرى، عالىمدار، زەرتتەۋشىلەر جانە ەلورداداعى وقۋ ورىندارىنىڭ قوعامدىق پاندەر وقىتۋشىلارى قاتىستى.

تاۋەلسىزدىك – ٴبىزدىڭ باستى قۇندىلىعىمىز جانە بۇل تۋرالى «تاريح تولقىنىندا» اتتى كىتابىندا نۇرسۇلتان نازاربايەۆ: «تاريح كوپ نارسە بەرۋى مۇمكىن، ال، تاۋەلسىزدىك، ىشكى بوستاندىقتىڭ ۇلگىسى رەتىندە، ونى سىيعا تارتۋ مۇمكىن ەمەس. تاۋەلسىزدىك – ادامداردىڭ ٴومىر ٴسۇرۋىنىڭ نىسانى بولىپ تابىلادى» دەپ اتاپ كورسەتكەن بولاتىن.

وسى جىلدار ىشىندە قازاقستان ەگەمەندىك پەن تاۋەلسىزدىكتىڭ سەنىمدى قورعانىسىن قامتاماسىز ەتەتىن مەملەكەتتىلىك پەن دەموكراتيانىڭ ينستيتۋتتارىن قۇردى. ەلىمىز حالىقارالىق قاۋىمداستىقتاعى بيىك بەدەلى مەن ابىرويىنىڭ ارقاسىندا الەمدىك ولشەمدەر جۇيەسىندە لايىقتى ورنىنا يە بولدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن. ٴا. نازاربايەۆتىڭ تاۋەلسىز مەملەكەتتى نىعايتۋداعى تاريحي ٴرولىن، قازاقستاندىق قوعامنىڭ الەۋمەتتىك-ەكونوميكالىق جانە ساياسي جاڭعىرۋى، تاۋەلسىزدىك جىلدارىنداعى مەملەكەتتىك قۇرىلىستىڭ نەگىزگى قورىتىندىلارى مەن كەلەشەگى، حالىقارالىق ارەناداعى عالامدىق جەتىستىكتەردىڭ وزەكتى ماسەلەلەرىن تالقىلاۋدى ماقسات ەتكەن بۇل شارا جوعارى دەڭگەيدە ٴوتتى.

Ұларбек Дәлейұлы

قازاقستان بۇگىندە مەملەكەت باسشىسى ۇسىنعان بەس ينستيتۋسيونالدىق رەفورما ۇلت جوسپارىنىڭ جۇزەگە اسىرۋ ستراتەگياسىندا ايقىندالعان مەملەكەتتىك قۇرىلىستىڭ ساپالى جاڭا داۋىرىنە ٴوتتى. «ماڭگىلىك ەل» جالپىۇلتتىق پاتريوتتىق يدەياسى ۇلت جوسپارىنىڭ نەگىزگى باعىتىنا اينالدى.

تاۋەلسىزدىك جىلدارىنداعى قازاقستاننىڭ تابىستارى تاۋەلسىز مەملەكەتتىڭ نەگىزىن قالاۋشى بولىپ لايىقتى سانالاتىن قازاقستان رەسپۋبليكاسىنىڭ پرەزيدەنتى ن. ٴا. نازاربايەۆتىڭ العاشقى كۇندەردەن باستاپ جۇرگىزگەن، دۇرىس ٴارى ناقتى ايقىندالعان كونستيتۋسيالىق ساياساتقا ساي مۇمكىن بولدى.

نۇرسۇلتان ٴابىش ۇلى نازاربايەۆ ەسىمى ەگەمەندى قازاقستاننىڭ تابىستارىمەن بايلانىستى ازامات رەتىندە، بۇكىل ٴومىرى ٴوز حالقىنا، ٴوز وتانىنا قالتقىسىز قىزمەت ەتۋدىڭ جارقىن ۇلگىسى بولىپ تابىلاتىن الەمدىك اۋقىمداعى كورنەكتى ساياساتكەر رەتىندە تاريحقا كىرەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي