USD 336.23 EUR 360.3 RUB 5.28
استانا:

ەلوردادا «مەنىڭ ەلىم - ماڭگىلىك ەل» اكسياسى ٴوتتى

قر تاۋەلسىزدىك كۇنىن مەرەكەلەۋ قارساڭىندا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «مەنىڭ ەلىم - ماڭگىلىك ەل» جاستار اكسياسىنىڭ قورىتىندى شاراسى ٴوتتى. ول ەلىمىزدىڭ بارلىق ايماقتارىنداعى جاستاردىڭ تاۋەلسىز قازاقستاننىڭ قالىپتاسۋىنا قوسقان ۇلەسى مەن جەتكەن جەتىستىكتەرىن پاش ەتۋگە باعىتتالعان، دەپ حابارلايدى استانا قالاسى اكىمدىگىنىڭ ٴباسپاسوز قىزمەتى.

اكسيا شەڭبەرىندە جاستاردىڭ تىلەكتەرى جازىلعان «ماڭگىلىك ەل» جاستارىنىڭ جەتىستىكتەرى قازاقستان رەسپۋبليكاسى تاۋەلسىزدىگىنىڭ 25 جىلدىعىنا» - «دوستيجەنيا مولودەجي «ماڭگىلىك ەل» ك 25-لەتييۋ نەزاۆيسيموستي رەسپۋبليكي كازاحستان» كىتابى تابىس ەتىلدى. سونداي-اق، وندا «ماڭگىلىك ەل» پاتريوتتىق يدەياسى بار تاۋەلسىزدىك جەتىستىكتەرى تۋرالى باياندالعان.

«ماڭگىلىك ەل» - ٴبىزدىڭ ورتاق ٴداستۇرىمىز، جانە بۇل قازاقستان حالقىنىڭ تاريحي تاعدىرى»، -دەپ ٴمالىم ەتتى ٴوز سوزىندە قازاقستان حالقى اسسامبلەياسى ٴتوراعاسىنىڭ ورىنباسارى ەرالى توعجانوۆ.

بارلىق وبلىس ورتالىقتارىندا، استانا جانە الماتى قالالارىندا وتكىزىلگەن جالپىرەسپۋبليكالىق اكسيانىڭ شارالارىنا 25 مىڭنان اسا ادام قاتىستى. اكسيانىڭ ٴوزى رەسپۋبليكا بويىنشا جارتى ميلليونعا جۋىق جاستىڭ باسىن بىرىكتىردى. اتالعان اكسيا 4 قاراشا كۇنى تالدىقورعاندا «مەنىڭ ەلىم - ماڭگىلىك ەل» فورۋمىندا باستاۋ العان بولاتىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي