USD 334.89 EUR 361.61 RUB 5.28
استانا:

«25 جۇلدىزدى كۇن» اكسياسى اياسىندا كوكشەتاۋلىق 90 وتباسى جاڭا پاتەرگە قول جەتكىزدى

فوتو: Otyrar.KZ

كوكشەتاۋدا تاۋەلسىزدىكتىڭ 25 جىلدىعىنا ارنالعان «25 جۇلدىزدى كۇن» اكسياسى اياسىندا 45 پاتەرلىك 2 تۇرعىن ٴۇي پايدالانۋعا بەرىلدى، دەپ حابارلايدى baq.kz تiلشiسi.

ٴۇي يەلەرىن اقمولا وبلىسىنىڭ اكىمى سەرگەي كۋلاگين جاڭا قونىستارىمەن قۇتتىقتاپ، تۇرعىندارعا پاتەر كىلتتەرىن تابىس ەتتى.

«مەملەكەت باسشىسى نۇرسۇلتان نازاربايەۆتىڭ جۇرگىزىپ وتىرعان ساياساتىنىڭ ماقساتى – ٴاربىر قازاقستاندىق وتباسىنىڭ ٴوز شاڭىراعى بولۋى كەرەك. ەلىمىزدە كەيىنگى جىلدارى جۇزەگە اسىرىلىپ جاتقان «قولجەتىمدى باسپانا» مەملەكەتتىك باعدارلاماسى ارقىلى تەك ٴبىزدىڭ وڭىردە عانا ەمەس، قازاقستاننىڭ تۇكپىر-تۇكپىرىندە كوپتەگەن وتانداستارىمىز جاڭا پاتەرگە يە بولىپ جاتىر. بۇل باعىتتاعى جۇمىستار الداعى كۇندەرى دە جالعاسىن تاباتىن بولادى»،–دەدى ٴوڭىر باسشىسى.

جالپى، وبلىس بويىنشا جيىرما جىل ىشىندە اۋماعى 58309 شارشى مەتردى قۇرايتىن 20 تۇرعىن ٴۇي پايدالانۋعا بەرىلىپ، 755 وتباسى پاتەرلى بولدى. بۇل جولى پايدالانۋعا بەرىلگەن تۇرعىن ۇيلەر وبلىس ورتالىعىنداعى «سارىارقا» شاعىن اۋدانىندا «قولجەتىمدى باسپانا-2020» مەملەكەتتىك باعدارلاماسى بويىنشا سالىنىپ وتىر. كوپقاباتتى جاڭا تۇرعىن ۇيدەن باسپانالى بولىپ وتىرعانداردىڭ دەنى – جاس جانە كوپ بالالى وتباسىلار، بيۋدجەتتىك سالا قىزمەتكەرلەرى جانە ٴۇي كەزەگىندە تۇرعاندار.

«سەگىز جىلدان بەرى پاتەر كەزەگىندە تۇردىم. تاۋەلسىزدىك مەرەيتويى قارساڭىندا باسپاناعا قول جەتكىزگەنىمىزگە وتە قۋانىشتىمىز. جاڭا پاتەرىمىزدى بالا-شاعامىزبەن بىرگە ارالاپ كوردىك. قۇرىلىس جۇمىستارىنىڭ ساپاسى كوڭىلىمىزدەن شىقتى. قونىسىمىز وتباسىمىزعا قۋانىش اكەلىپ، ۇرپاقتارىم باقىتقا بولەنە بەرسىن. وبلىس، قالا باسشىلىعىنا قامقورلىقتارى ٴۇشىن ايتار العىسىمىز شەكسىز»،– دەيدى جاڭا باسپاناعا قول جەتكىزگەن قالا تۇرعىنى ريما بايماعامبەتوۆا.

اقمارال ايعارا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي