BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

جەزقازعاندىقتار ازيا ويىندارىنىڭ چەمپيونىنا پاتەر سىيلادى

فوتو: автор

قاراعاندى وبلىسىنىڭ اكىمى ەرلان قوشانوۆ يندونەزياداعى حviii جازعى ازيا ويىندارىنا قاتىسۋشىلارمەن كەزدەستى. ايماق باسشىسى ازيادا چەمپيونى باعلان ىبراھىمعا جەرلەستەرىنىڭ اتىنان ماراپات رەتىندە جەزقازعان قالاسىندا ٴبىر بولمەلى پاتەردىڭ كىلتىن تابىستادى، دەپ جازادى baq.kz ايماقتاعى ٴتىلشىسى.

ايماق باسشىسى سپورتشىلار مەن ولاردىڭ باپكەرلەرىنە حالىقارالىق بىرىنشىلىكتە ٴساتتى ونەر كورسەتكەندەرى ٴۇشىن العىس ايتىپ، مەدال يەلەرىنە اقشالاي سىيلىق تابىس ەتتى.

«سىزدەر حviii ازيا ويىندارىندا ٴساتتى ونەر كورسەتتىڭىزدەر. ٴبىز سىزدەرگە جانكۇيەر بولدىق. سىزدەردىڭ ٴاربىر ويىندارىڭىزدى تاماشالادىق، مەدالدارىڭىز ٴۇشىن شىن جۇرەكتەن قۋاندىق. بارلىق جانكۇيەر قاراعاندىلىقتاردىڭ اتىنان سىزدەرگە العىسىمىزدى ٴبىلدىرىپ، ۇلكەن راحمەت ايتقىمىز كەلەدى. ازياداعا قاتىسۋ – ول سىزدەردىڭ جەكە جەڭىستەرىڭىز، ال يەلەنگەن مەدالدەرىڭىز – ٴبىزدىڭ ورتاق جەڭىسىمىز، ٴبىزدىڭ ەلدىڭ، ٴبىزدىڭ وبلىستىڭ جەتىستىگى. قازاقستاننىڭ كوك بايراعى وسى سەكىلدى ٴىرى سايىستاردا جيىرەك جوعارى كوتەرىلە بەرسىن. ٴبىز سىزدەرگە سەنەمىز جانە جاڭا جەڭىستەردى كۇتەمىز»، - دەدى ەرلان قوشانوۆ سپورتشىلارعا.

اۆتور

«ازيادا ويىندارىنا قاراعاندى وبلىسىنىڭ اتىنان ەل قۇراماسىنا 10 سپورت ٴتۇرى بويىنشا 34 سپورتشى ەنگەن بولاتىن. ونىڭ ىشىنەن 11 قاراعاندىلىق مەدال ۇتىپ الدى: 1 – التىن، 3 – كۇمىس، 7 – قولا. وبلىسىمىزدىڭ 9 سپورتشىسى ٴ4-شى ورىندى يەلەندى. سپورتشىلاردىڭ اراسىنان العان جاراقاتىنا قاراماستان التىن مەدالدى يەلەنگەن باعلان ىبراھىمدى ەرەكشە اتاپ وتكىمىز كەلەدى»، - دەدى قاراعاندى وبلىسى دەنە مادەنيەتى جانە سپورت باسقارماسى باسشىسىنىڭ مىندەتىن اتقارۋشى دميتريي كارپوۆ.

سپورتشىلارعا وبلىس اكىمى قارجىلاي سىي سىياپاتتار تابىس ەتتى. التىن مەدالى ٴۇشىن سامبوشى باعلان ىبراھىم 1،5 ملن تەڭگە وبلىس اكىمى سىيلىعىن جانە جەزقازعان قالاسىندا ٴبىر بولمەلى پاتەر كىلتىن الدى.

«پاتەر – ول مەسەناتتار، جەزقازعاندىقتار مەن قاراعاندىلىقتار اتىنان جاسالعان سىيلىق. بۇل – ٴبىزدىڭ جاناشىر جەرلەستەرىمىزدىڭ العىسى. مەن جاي عانا كىلتتى تابىس ەتىپ وتىرمىن»، - دەپ اتاپ ٴوتتى ەرلان قوشانوۆ.

كۇمىس جۇلدەگەرلەرگە سىيلىق 1 ملن تەڭگەنى، ال قولا مەدال يەگەرلەرىنە – 750 مىڭ تەڭگەنى قۇرادى.

ازيا ويىندارىنىڭ جۇلدەگەر جەڭىمپازدارى سونىمەن قاتار ۇلتتىق وليمپيادا كوميتەتىنەن دە سىيلىق الادى: ٴ1-شى ورىن – 10 000$، 2 - 5 000$، 3 - 3 000$.

ەسكە سالايىق، 10 تامىز بەن 2 قىركۇيەك ارالىعىندا دجاكارتادا وتكەن حviii ازيا ويىندارىنا ازيا كونتينەنتىنىڭ 46 ەلىنەن كەلگەن 12 مىڭ سپورتشى قاتىستى. قازاقستان قۇراماسى 15 التىن، 17 كۇمىس جىنە 44 قولا مەدالداردى جەڭىپ الىپ، جالپى ەسەپتەمەدە ازيا ەلدەرى اراسىندا 9-شى ورىندى يەلەندى.

اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي