BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

جامبى مەرگەندەرى الەم چەمپيونى اتاندى

بۇگىن وڭتۇستىك كورەيا رەسپۋبليكاسىنان قۋانىشتى حابار جەتتى. ەلدوس پەن ابزال ات ۇستىنەن ساداق اتۋدان الەم چەمپيونى اتاندى، دەپ حابارلايدى baq.kz ٴتىلشىسى.

قازىرگى كەزدە وڭتۇستىك كورەي رەسپۋبليكاسىنىڭ كاڭۆوندو پروۆينسياسىنداعى سوكحچو قالاسىندا ات ۇستىنەن ساداق اتۋدان الەم چەمپيوناتى ٴوتىپ جاتىر. 23 مەملەكەتتىڭ الپىستان استام مەرگەندەرى باق سىنايتىن وسى الەم چەمپيوناتىنا جامبى اتۋدىڭ قوس سۇرمەرگەنى ەلدوس باداشەۆ پەن ابزال تۋلىبەكوۆ جۋىردا اتتانعان بولاتىن.

ٴبىز العان حابارعا سۇيەنسەك، ات ۇستىنەن ساداق اتۋدىڭ الەم چەمپيوناتى الدەنەشە ستيل بويىنشا وتكىزىلەدى. ەلدوس پەن ابزال مەرگەن وسىنداي ەرەكشە ستيلدە وتكەن كوماندالىق جارىستا باس جۇلدەنى يەلەنگەن. باسەكە باستالماستان بىرەر كۇن بۇرىن وتكەن سەميناردا ٴبىزدىڭ مەرگەندەر الەم چەمپيوناتىنا جينالعان سپورتشىلار مەن كورەرمەندەرگە «قازاق ٴستيلى» بويىنشا جامبى اتۋدىڭ ادىس-تاسىلدەرىن ٴتۇسىندىرىپ، ارنايى الاڭدا ات ۇستىنەن اتىپ تا كورسەتكەن. جامبى اتۋدىڭ باسەكەسىنە قاتتى قىزىققان وڭتۇستىك كورەيا رەسپۋبليكاسىنداعى دۇنيەجۇزىلىك ات ۇستىنەن ساداق اتۋ فەدەراسياسىنىڭ پرەزيدەنتى كيم يۋنگ سۋپ مىرزا سەمينار سوڭىندا «قازاق ٴستيلىن» كەلەسى جىلعى الەم چەمپيوناتىنا قوسۋعا ۋادە بەرىپ، قر ۇلتتىق ات سپورتى قاۋىمداستىعىنا ارنايى سەرتيفيكات جولداپتى. بۇل سەرتيفيكات قازىرگى كەزدە قوس مەرگەنىمىزدىڭ قورجىنىندا ەكەن. سونداي-اق، «قازاق ٴستيلى» وڭتۇستىك افريكا مەن موڭعوليا رەسپۋبليكاسىنىڭ ات ۇستىنەن ساداق اتۋ جارىسىن ۇيىمداستىرۋشىلارىن قاتتى قىزىقتىرعان. الداعى ۋاقىتتا وسى مەملەكەتتەردە «قازاق ٴستيلى» بويىنشا باسەكە وتكىزۋ قولعا الىنباق.

دۇنيەجۇزىلىك ات ۇستىنەن ساداق اتۋ فەدەراسياسىنىڭ پرەزيدەنتى كيم يۋنگ سۋپ مىرزانىڭ قولىنان قر ۇلتتىق سپورت قاۋىمداستىعىنا جولداعان سەرتيفيكاتتى الۋ سالتاناتىندا.

ال، الەم چەمپيوناتىنداعى جارىسقا كەلسەك، ٴبىزدىڭ مەرگەندەر جارتىلاي فينالدا موڭعوليالىقتاردان، اقتىق باسەكەدە وڭتۇستىك كورەيالىقتاردان باسىم ٴتۇسىپ، الەم چەمپيوناتىنىڭ التىن مەدالىن ولجالاپتى. وسى جارىس ۇستىندە ابزال تۋلىبەكوۆ ەڭ كىشكەنتاي نىسانا اتۋدان (15ح15 سم) رەكوردتىق كورسەتكىشكە قول جەتكىزگەن. بۇعان دەيىن مۇنداي نىساناعا ابزال سياقتى ٴتورت جەبەسىن قاتارىنان قاداعان مەرگەن بولماپتى.

ات ۇستىنەن ساداق اتۋدان الەم چەمپيوناتى ەرتەڭ اياقتالادى. چەمپيوندارىمىز قازاننىڭ 9 جۇلدىزىندا، ساعات 21.55-تە الماتىعا ۇشىپ كەلەدى. الەم چەمپيوندارىن سالتاناتتى قارسى الۋ ٴراسىمى الماتى اۋەجايىندا وتكىزىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي