BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ۇلتتىق پاراليمپيادا كوميتەتى جاپونيالىق ارىپتەستەرىمەن ىنتىماقتاستىق ورناتپاق

فوتو: ҰПК баспасөз қызметі

دجاكارتادا قر ۇلتتىق پاراليمپيادا كوميتەتىنىڭ اتقارۋشى ديرەكتورى ەرلان سۇلەيمەنوۆ ازيا پاراليمپيادا كوميتەتىنىڭ جانە جاپونيا پاراليمپيادا كوميتەتىنىڭ ۆيسە-پرەزيدەنتى ماسايۋكي ميزۋنومەن، سونىمەن قاتار جاپونيا پاراليمپيادا كوميتەتىنىڭ كەڭەسشىسى، ازيا پاراليمپيادا كوميتەتىنىڭ مۇشەسى مانابۋ اسومەن كەزدەستى، دەپ حابارلايدى ۆaq.kz ٴتىلشىسى ۇپك ٴباسپاسوز قىزمەتىنە سىلتەمە جاساپ.

كەزدەسۋ بارىسىندا جاپونيا پاراليمپيادا كوميتەتى مەن قازاقستان رەسپۋبليكاسىنىڭ ۇپك اراسىنداعى ەكىجاقتى دامۋ ماسەلەلەرى، سونىمەن قاتار ازياداعى ۇلتتىق پاراليمپيادا كوميتەتتەرىنىڭ ىنتىماقتاستىعىن كەڭەيتۋ تالقىلاندى.

قر ۇپك اتقارۋشى ديرەكتورى ەرلان سۇلەيمەنوۆ ەلدەگى پاراليمپيادالىق قوزعالىستىڭ دامۋى جانە سپورتشىلاردى حالىقارالىق دەڭگەيگە شىعارۋ ٴۇشىن جان-جاقتى اتقارىلىپ جاتقان جوسپارلار جونىندە ايتتى.

وسى ورايدا، ەرلان سۇلەيمەنوۆ قازاقستانداعى پاراليمپيادالىق جاتتىعۋ كەشەنىنىڭ بىرەگەيلەگىن جانە تەك پاراليمپياداشى سپورتشىلار ٴۇشىن عانا ەمەس، مۇمكىندىگى شەكتەۋلى بارشا جانعا ارنالعانىن اتاپ ٴوتتى.

كەزدەسۋ سوڭىندا تاراپتار ٴوزارا ىنتىماقتاستىق مەموراندۋمىن جاساۋ تۋرالى اۋىزشا كەلىستى. ەگەر بۇل قۇجات رەسمي تۇردە قابىلدانسا، وندا شارتتى-قۇقىقتىق بازانى قۇرۋعا ۇلكەن قادام بولىپ، ەكىجاقتى ىنتىماقتاستىڭ دامۋىنا جاڭا سەرپىن بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي