BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ufc-دەگى تۇڭعىش قازاق دامير يسماعۇلوۆ تۋرالى نە بىلەمىز؟ ساراپتاما

استانا، baq.kz ٴتىلشىسى. جاقىندا ەتنيكالىق قازاق دامير يسماعۇلوۆ ٴابسوليۋتتى جەكپە-جەك چەمپيوناتىنداعى (ufc) تۇڭعىش جەڭىسىنە قول جەتكىزدى. بۇل جاڭالىققا ٴداميردىڭ قازاقستانداعى جانكۇيەرلەرى دە ەرەكشە قۋانعانى راس.

ultimate fighting championship (ٴابسوليۋتتى جەكپە-جەك چەمپيونات نەمەسە ٴابسوليۋتتى ەرجۇرەكتەر كلۋبى) – بۇگىنگى تاڭدا الەمنىڭ تاڭداۋلى ەرجۇرەك سپورتشىلارىنىڭ باسىن قوسىپ وتىرعان بەدەلدى ۇيىم. كونور ماكگرەگور، حابيب نۋرماگومەدوۆ، دەنيەل كورمە، ماكس حوللوۋەي، گەنري سەحۋدو سەكىلدى مىقتىلاردىڭ باقتارى وسى ufc-دە جاندى.

ەلىمىزدە دە جاۋىنگەرلىك ونەردى سەرىك ەتكەن سپورتشىلار كوپ. قازاق جىگىتتەرى دە بەدەلى مەن تانىمالدىلىعى ارتىپ كەلە جاتقان اتالعان ۇيىمعا كىرۋگە تالپىنىپ جۇرگەنىن كورىپ ٴجۇرمىز. وكىنىشكە قاراي، ازىرگە وتانداستارىمىزدىڭ اراسىندا ufc-مەن كەلىسىمشارت جاساسقان ەشكىم جوق. ەسەسىنە، جاقىندا رەسەيدە تۋعان ەتنيكالىق قازاق دامير يسماعۇلوۆ وسى ۇيىمنىڭ مۇشەسى اتانىپ، العاشقى جەڭىسىنە دە قول جەتكىزىپ ۇلگەردى.

دامير تۋرالى نە بىلەمىز؟

دامير – 1991 جىلى رەسەيدىڭ ورىنبور قالاسىنان 230 شاقىرىم قاشىقتىقتا ورنالاسقان ۋدارنوە سەلوسىندا دۇنيەگە كەلگەن. بۇل اۋىل رەسەيدەگى ارتتا قالعان اۋىلداردىڭ ٴبىرى. اسفالت، ينتەرنەت، ٴتىپتى، دۇكەن دە بولماعان. ەسەسىنە، وسىنداي اۋىلدان دامير سەكىلدى چەمپيون جارق ەتىپ شىقتى.

وتباسىنىڭ تۇڭعىشى بولعان سوڭ، اتا-اجەسىنىڭ بالاسى بولىپ وسەدى. بولاشاق چەمپيوندى اتاسى امانگەلدى مەن اجەسى كاۋساردىڭ تاربيەلەگەن. العاشقى ٴىرى گونورارىن العان كەزدە اتاسىنا اۆتوموبيل ساتىپ اپەرىپتى. ٴوزى تۋعان اۋىلىن ەرەكشە جاقسى كورەدى. ورىنبور – قازاقتىڭ تۇڭعىش استاناسى بولعان قالا. سوندىقتان بۇل وڭىردە ەتنيكالىق قازاقتار كوپتەپ تۇرادى. ٴتىپتى، ٴداميردىڭ مەكتەپتەگى سىنىپ جەتەكشىسى بولعان – ٴاسيا نۇعىمانوۆا دا قازاق.

بالا كەزىنەن ات قۇلاعىندا ويناپ وسكەن. سوندىقتان ٴبىر كەزدەرى شارۋا قوجالىعى دا بولعىسى كەلىپتى. وقۋعا تۇسەتىن كەزدە اۋىل شارۋاشىلىعى نەمەسە دەنەشىنىقتىرۋ ەكەۋىنىڭ بىرەۋىن تاڭداۋعا تۋرا كەلەدى. ٴسويتىپ، سپورتقا باسىمدىق بەرەدى. ونىڭ ارالاس جەكپە-جەكپەن اينالىسقانىنا 7 جىل. قويان-قولتىق ۇرىستان سپورت شەبەرى. 2014 جىلدان بەرى ارالاس جەكپە-جەككە دەن قويىپ، ٴبىراز جەتىستىككە قول جەتكىزىپ ۇلگەردى.

يسماعۇلوۆتىڭ وزگەلەردەن ەرەكشەلىگى سوققىسى وتە جويقىن. سوندىقتان كورەرمەندەر ونىڭ جەكپە-جەگىنەن ەرەكشە ٴلاززات الادى. ٴوزىنىڭ ايتۋىنشا، بالا كۇنىندە ارالاس جەكپە-جەك تۋرالى بىلمەگەن ەكەن.

«11 سىنىپقا دەيىن بوكس، كۇرەس، جەكپە-جەك دەگەندەردىڭ نە ەكەنىن بىلمەي ٴوستىم. مەنىڭ اۋىلىمدا ٴبارى تەك فۋتبول وينايتىن. باسقا سپورتقا ەشقايسىسى قىزىقپايتىن. سوندىقتان فۋتبول وينادىم، جەڭىل اتلەتيكامەن اينالىستىم»، ­– دەيدى سپورتشى «پۋت بويسا» اتتى دەرەكتى فيلمدەگى سۇحباتىندا.

فۋتبولمەن دوستىعى 19 جاسقا دەيىن جالعاسادى. كەيىن جاراقات الىپ، فۋتبولدان ۋاقىتشا قول ۇزە تۋرا كەلەدى. سول كەزدە دوستارى جەكپە-جەك زالىنا شاقىرعان. وسى كۇننەن باستاپ، ونىڭ ٴومىرى كۇرت وزگەرەدى. ارالاس جەكپە-جەكتەگى العاشقى جەڭىسى دە كوپ كۇتتىرگەن جوق. جاتتىعۋدى باستاعاننان كەيىن ەكى اپتانىڭ ىشىندە ٴبىرىنشى ٴتۋرنيرىن ۇتادى. ٴبىر ايدان كەيىن رەسەي چەمپيونى اتانادى سوسىن ەۋروپانى باعىندىرىپ، سپورت شەبەرى اتاعىنا يە بولادى.

يسماعۇلوۆ 2014 جىلى مما بويىنشا رەسەي سۋپەركۋبوگىنا قاتىسىپ، رەسەي كۋبوگىنىڭ يەسى چەمپيون رامازان سۋلەبانوۆپەن كەزدەسۋدە جاراقات الىپ، جارىستى ٴارىقاراي جالعاستىرا المايدى. سونىمەن قاتار دامير aktau open fest-2016 تۋرنيرىندە پانكرياتوننان nfc تۇجىرىمى بويىنشا ازيا چەمپيونى اتانادى. كەيىننەن الماتىداعى گران-پريدە بارلىق قارسىلاستارىن جەڭەدى.

العاشقى چەمپيوندىق بەلبەۋ

رەسەيدى م-1 global اتتى ارالاس جەكپە-جەكتەن جارىس وتەتىن حالىقارالىق ۇيىم بار. شتاب-پاتەرى سانكت-پەتەربۋرگ قالاسىندا ورنالاسقان. م-1 برەندىنىڭ قالىپتاسقانىنا 20 جىلدان استى. 1997 جىلدان باستاۋ العان. مۇندا فەدور ەمەليانەنكو، دجەف مونسون، پەدرو حيزو، اندرەي ورلوۆسكيي، حابيب نۋرماگومەدوۆ سەكىلدى تالاي جۇلدىزدار ونەر كورسەتكەن. دامير بۇل جوبا اياسىنداعى العاشقى كەزدەسۋىن 2014 جىلى وتكىزدى. ٴبىراق بىرنەشە جىل بويى چەمپيوندىققا تالاسا الماي ٴجۇردى. تەك سونىڭ ٴساتى بىلتىر ٴتۇستى. چەمپيوندىق بەلبەۋگە تالاساتىن جەكپە-جەگىنىڭ الدىندا ايتقانى:

«مەن ەكى رەت تيتۋلدىق جەكپە-جەك ۇيىمداستىرۋدى سۇرادىم. ماعان ۋادە ەتكەندەرىمەن، ۇنەمى بىرنارسەگە تاپ بولىپ ٴجۇردىم. بىرەسە، چەمپيون باسقا قارسىلاسپەن شىعاتىن بولدى دەيدى، ەندى بىردە باسقا دا سەبەپتەر تابادى. ايتەۋىر ٴارتۇرلى سىلتاۋلار بىتپەي قويدى. سوندىقتان مەن بۇل ۇيىمعا ٴوز شارتىمدى قويدىم: بۇدان كەيىن چەمپيوندىق تيتۋل بولماسا، ٴجاي رەيتينگ ٴۇشىن كەزدەسۋگە شىقپايتىنىمدى ايتتىم. ولاردا وسىدان كەيىن باسقا تاڭداۋ بولمادى»، – دەيدى د. يسماعۇلوۆ «سپورت ەكسپرەسسكە» بەرگەن سۇحباتىندا.

ٴوزىنىڭ تيتۋلدىق جەكپە-جەگىن تۋعان جەرى ورىنبوردا ساراپقا سالدى. م-1 challenge 78 اياسىندا وتانداسى ماكسيم ديۆنيچپەن كەزدەستى. جەكپە-جەك 5 مينۋتتان 5 راۋندقا سوزىلادى دەپ جوسپارلانعان ەدى. العاشقى مينۋتتان تىزگىندى ٴوز قولىنا يسماعۇلوۆ بەسىنشى راۋندتىڭ سوڭعى جاعىندا قارسىلاسىن سۇلاتىپ ٴتۇسىردى. رەفەري تەحنيكالىق نوكاۋت دەپ تىركەدى. كەزدەسۋ رەسمي تۇردە 5 راۋندتىڭ 4 مينۋت 45 سەكۋندىندا توقتاتىلدى.

جەكپە-جەكتەن كەيىن وكتاگوندا تۇرىپ، قازاقستاندىق جانكۇيەرلەرگە دە العىس ايتۋىنا ۇمىتپاعان بولاتىن. ودان سوڭ ٴوز اتاعىن 4 رەت قورعادى. بىلتىر برازيليالىق روجەريو ماتياس دا كونسەيساۋمەن كەزدەسىپ، تورەشىلەردىڭ شەشىمىمەن جەڭىسكە جەتتى. سوڭعىسىن وسى جىلدىڭ 15 ماۋسىم ايىندا وتكىزدى. ول ارتەم دامكوۆسكييدى ٴبىرىنشى راۋندتا-اق تەحنيكالىق نوكاۋتپەن ۇتتى.

ارتەممەن جولىعار الدىندا سپورتشى تايلاندتا دايىندالدى. «تايگەر مۋايت-تاي» اتتى تانىمال لاگەردە ونىمەن بىرگە ٴدال وسى كەزدە قازاقستاندىق قۋات حاميتوۆ تا جاتتىعادى. كەيىننەن دامير يسماعۇلوۆ ٴبىر سۇحباتىندا تايلاندتا جۇرگەندە «نايمان» مۇنداي تاۋەكەلگە بارۋدىڭ نە قاجەتى بار دەپ ۇسىنىس ايتىپتى: «ساعان دامكوۆسكييمەن جەكپە-جەك نە ٴۇشىن كەرەك؟ وسىنداي مىقتى قارسىلاسپەن كەزدەسىپ، تاۋەكەلگە بارۋدىڭ نە قاجەتى بار؟ سەنىڭ ونسىز دا رەيتينگىڭ وتە جاقسى، بەدەلدى ۇيىمداردان ۇسىنىستار دا جەتكىلىكتى. مۇنداي تاۋەكەل ٴوزىڭ اقتامايدى»، – دەپتى حاميتوۆ.

سول كەزدە ٴداميردىڭ جاۋابى بىلاي بولعان: «بالكىم، قۋات، سەنىكى دۇرىس شىعار. سپورتتىق كارەراڭدا ستراتەگيالىق دامۋدى قالاي تاڭداۋعا بولاتىنان تاجىريبەڭ بار. ٴبىراق مەن باسقاشا ويلايمىن. ەگەر مەن دامكوۆسكييگە قارسى شىقپاسام، وندا توپ-ليگالار جايلى ويلاۋدىڭ نە قاجەتى بار؟ ارتەمدى جەڭە الماسام، باسقا ۇيىمداردان ماعان ەش قايران جوق. مەن تەك ۇزدىكتەرمەن شىققىم كەلەدى»، – دەپ جاۋاپ بەرىپتى.

جالپى، يسماعۇلوۆ، م-1 اياسىندا 18 جەكپە-جەكتىڭ 16-سىندا جەڭىسكە جەتكەن. ونىڭ توعىزىن نوكاۋتپەن ۇتقان.

ufc-دەگى تۇڭعىش قازاق

قاراشا ايىندا دامير ٴابسوليۋتتى جەكپە-جەك چەمپيوناتىمەن (ufc) كەلىسىمشارتقا وتىردى. ٴسويتىپ، وسى ۇيىمنىڭ مۇشەسى بولعان تۇڭعىش قازاق اتاندى.

«قۇرمەتتى دوستار، باۋىرلارىم، الەمدەگى ەڭ بەدەلدى ufc ۇيىمىمەن كەلىسىمشارتقا وتىرعانىم جايلى قۋانىشتى جاڭالىقتى حابارلاعىم كەلەدى. العاشقى كەزدەسۋىم جاقىن ارادا وتەدى. قارسىلاسىم – وتە مىقتى سپورتشى، مما تاريحىنداعى ۇزدىكتەردىڭ كوبىسىن جەڭگەن. بۇل جوعارعى ليگاعا ٴوتۋ ٴۇشىن جاقسى مۇمكىندىك ٴارى قازاقتاردىڭ كىم ەكەنىن كورسەتۋ قاجەت! مەنەدجەرلەرىمەن اتقارعان جۇمىستارى ٴۇشىن العىس بىلدىرگىم كەلەدى»، – دەپ جازدى ول instagram جەلىسىندەگى پاراقشاسىندا.

يسماعۇلوۆ العاشقى كەزدەسۋىن 2 جەلتوقسان كۇنى يرلانديالىق دجوزەف داففيمەن وتكىزۋ كەرەك بولعان. ٴبىراق قارسىلاسى جاراقات الىپ، ۇيىمداستىرۋشىلارعا باسقاسىن ىزدەۋگە تۋرا كەلدى. دافف كەزىندە كونور ماكگرەگوردى جەڭگەن سپورتشى. سوسىن ەشقاشان جەڭىلىپ كورمەگەن اۋستراليالىق الەكس دجوردجەسپەن (7-0) سىنعا ٴتۇستى. «حيتمان» اتىمەن تانىمال الەكس دجوردجەس 23 جاستا ەكەن. ول – australia top team مۇشەسى، ufn پروموۋشەنىنىڭ چەمپيونى. اۋستراليالىق فايتەر دە ufc-دەگى دەبيۋتىن وتكىزدى.

جەكپە-جەك 3 راۋندقا سوزىلدى. تورەشىلەردىڭ شەشىمىمەن دامير جەڭىسكە جەتتى. العاشقى مينۋتتان سوڭىنا دەيىن ساۋاتتى قيمىلداعان دامير كۇمانسىز تۇردە قارسىلاسىنان باسىم ٴتۇستى. قانداسىمىز تىك تۇرىپ ايقاسقاندا دا، كۇرەستە دە قارسىلاسىنا قاراعاندا الدەقايدا الىمدى كورىندى. قورىتىندى ەسەپ – 30-25، 30-26 جانە 30-26.

ٴسويتىپ، يسماعۇلوۆ ارالاس جەكپە-جەكتەن الەمدەگى ەڭ ۇزدىك ليگادا جەڭىسكە جەتكەن تۇڭعىش قازاق رەتىندە تاريحقا ٴوز ەسىمىن التىن ارىپتەرمەن جازىپ قالدىردى.

«ٴبارى دە جاقسى. كوپتەن كۇتكەن كەزدەسۋىمدى وتكىزىپ، جەڭىسكە جەتكەنىمە قۋانىشتىمىن. بۇل كەزدەسۋگە ۇزاق دايىندالدىم. مەن كەز كەلگەن قارسىلاسپەن جولىعۋعا كەلىسىمىمدى بەردىم. وسىنداي مۇمكىندىك سىيلاعان ufc-گە راحمەت. مەنىڭ نەگىزگى سالماعىم – جەڭىل ەمەس، جارتىلاي جەڭىل سالماق. بارلىق مىقتىلارمەن جەكپە-جەك وتكىزۋگە دايىنمىن. ٴبىر اپتا بويى قوبالجىپ ٴجۇردىم، ۇيىقتامادىم. بىرىنشىدەن، اۋسترالياعا بەيىمدەلۋ قيىنعا سوقتى. ەكىنشىدەن، قىسىم كۇشتى بولدى. ويتكەنى، تەك قازاقستان مەن رەسەي عانا ەمەس، الەم بويىنشا قولداۋ كورسەتەتىندەر كوپ. جەر شارىنىڭ ٴاربىر تۇكپىرىندە تۇراتىن قازاقتاردىڭ بارلىعى الەۋمەتتىك جەلىدە ماعان جازىپ تۇرادى. دەگەنمەن، كوماندا مۇشەلەرىنىڭ ارقاسىندا جەڭىسكە جەتتىم»، – دەيدى دامير sports.kz تىلشىسىنە بەرگەن سۇحباتىندا.

قازاقستان جايلى

دامير ٴاربىر سۇحباتىندا قازاقستان جايلى ۇنەمى جىلى پىكىرىن بىلدىرەدى. ٴتىپتى، اۋستراليانىڭ ادەلايدا قالاسىندا وتكەن ufc-دەگى العاشقى جەكپە-جەگىندە دە قازاقتىڭ انىمەن شىقتى. سونداي-اق ەكى ەلدىڭ (قازاقستان مەن رەسەيدىڭ) تۋىن كوتەرىپ ۇستادى. ٴتىپتى، اۋسترالياعا قازى الىپ بارعانىن دا ايتا كەتسەك، ارتىق بولماس.

«قازاقستان – مەنىڭ ەكىنشى ياعني تاريحي وتانىم. قازاقستانعا بارعاندا مەنى جىلى قارسى الادى. ول جەردە ٴبارى باۋىرلارى كەلگەندەي كۇتەدى، ٴوزىمدى ەشقاشان بوتەن سەزىنگەن ەمەسپىن. ۇنەمى ماعان قولداۋ كورسەتەدى، ٴاربىر جەكپە-جەگىمنىڭ الدىندا الاڭداپ وتىرادى. مەن قازاقستانعا جاتتىعۋعا كوپ بارامىن. الماتىدا دا بىرنەشە وقۋ-جاتتىعۋ جيىنىن وتكىزدىك. سول كەزدە استانا، ورالدان سپورتشىلار كەلىپ بىرنەشە دايىندالىپ، قولداۋ كورسەتكەن بولاتىن. قازاق – ەڭ قوناقجاي حالىق. ەڭ قيىنى ديەتا ۇستاۋ قيىن. ويتكەنى، ٴبارى قوناققا شاقىرادى. ٴبىراق بارلىعىنا بارىپ ۇلگەرۋ مۇمكىن ەمەس»، – دەيدى م-1 رەسمي سايتىنا بەرگەن سۇحباتىندا.

دامير يسماعۇلوۆتىڭ وتكىزگەن جەكپە-جەكتەرى ناتيجەلەرى:

1. داۆيد باسكاي – جەڭدى (scp – scythian gold promotion،18.10.2014);

2.ەلدار ماگومەدوۆ – جەڭدى (kazakhstan mma federatoin battle of nomads 2،

30.11.2014);

3.رامازان سۋلەبانوۆ – جەڭىلدى (fefomp-russiaꞌs mma supercup، 20.12.2014);

4. فۋاد اليەۆ – جەڭدى (kazakhstan mma federatoin battle of nomads 3،

11.04.2015);

5.سەرگەي اندرەەۆ – جەڭدى (m-1 challenge 57 – battle in the heart of the continent، 02.05.2015);

6. پەدرو ەۋجەنيو گرانحو – جەڭدى (m-1 challenge 59 – battle of nomads 5، 03.07.2015);
7. رامازان ەسەنبايەۆ – جەڭىلدى (m-1 challenge 61 battle of narts، 20.09.2015);

8. حاۆەر فۋەنتەس – جەڭدى (ommaf–scythian gold 2015، 21.11.2015);

9. گەنناديي سىسوەۆ – جەڭدى (scythian gold mma fight night، 04.03.2016);

10. ۆياچەسلاۆ تەن – جەڭدى (m-1 challenge 65، 08.04. 2016);

11.راۋل تۋتاراۋلي – جەڭدى (m-1 challenge 66، 27.05. 2016);
12. ٴىلياس شىڭعىسبەك – جەڭدى (nfc 6 nazia fighter championship 6، 16.09. 2016);

13. رۋبەنيلتون پەرەيرا – جەڭدى (m-1 challenge 72، 18.11.2016);

14. مورگان ەرۋ – جەڭدى (m-1 challenge 74، 18.02. 2017);

15. ماكسيم ديۆنيچ – جەڭدى (m-1 challenge 78، 26.05.2017);

16. روجەريو ماتياس دا كونسەيساۋ – جەڭدى (m-1 challenge 85، 10.11. 2017);
17. راۋل تۋتاراۋلي – جەڭدى (m-1 challenge 88، 22.02. 2018);

18. ارتەم دامكوۆسكيي – جەڭدى (m-1 challenge 94، 15.06.2018);

19. الەكس گورگيس – جەڭدى (ufc fight night 142، 01.12.2018).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي