BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

ٴتورت دۇركىن وليمپيادا چەمپيونى بولعىم كەلدى – يلين سپورتتان قاشان كەتەتىنىن ايتتى

فوتو: ашық дереккөзден

اۋىر اتلەتيكادان ٴتورت دۇركىن الەم چەمپيونى يليا يلين ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا سپورتتىق كارەراسىنا قاشان نۇكتە قوياتىنىن ايتتى، دەپ حابارلايدى baq.kz ٴتىلشىسى.

«2 جىل جارىستان شەتتەلىگەن سوڭ قازاقستان قۇراماسىمەن بىرگە جاتتىعا المادىم. جارىستان شەتتەتىلگەن سپورتشىعا مەملەكەت كومەكتەسە المايدى، قارجىلاندىرمايدى. وسىنداي ەرەجە بار. فەدەراسيا پرەزيدەنتى جانات تۇسىپبەكوۆ ماعان «مەن فەدەراسيا پرەزيدەنتىمىن، سەن ماعان اتلەت رەتىندە كەرەكسىڭ، سەنى جەكە ٴوزىم قولدايمىن. ساعان باسقا جولمەن كومەكتەسە الامىن. جاتتىعۋىڭ كەرەك، اعىلشىن وقىدىڭ، ەندى سپورتپەن اينالىس» - دەدى. مەن ۇزاق ويلانبادىم. تاڭداۋ بولعان جوق. قولداۋ كورسەتكەن سوڭ ونى قابىلدادىم. ٴقازىر كۇش جيناۋىم كەرەك، دايىندالۋ ٴۇشىن قانداي دا ٴبىر نارسەلەردى ٴتۇسىنۋىم كەرەك. قازاقستان چەمپيوناتىندا جەڭىسكە جەتۋىم قاجەت. ودان ٴارى قاراي نە مەدال، نە جەڭىلىس بولادى. مەن ٴۇشىن ٴقازىر قازاقستان چەمپيوناتى ماڭىزدى»، - دەدى ول جۋرناليستەر ساۋالىنا.

سونداي-اق اۋىر اتلەت ۇلكەن سپورتتان قاشان كەتەتىنىن مالىمدەدى.

«وليمپياداعا جاس بالالاردى اپارۋ... سپورتتاعى زاڭ كىم جەڭسە سول بارادى: جاس سپورتشى جەڭسە سول بارادى، مەن جەڭسەم مەن بارامىن. ەشكىم مەنى ەركىمە جىبەرگەن جوق. كاسىبيلىگىم، 22 جىلدىق شەبەرلىگىم بار. ٴقازىر اتلەت قانا ەمەس وز-وزىمە مەنەدجەر رەتىندە جۇمىس ىستەيمىن. سپورتتان كەيىن نە ىستەيمىن دەگەنگە دە ٴوز باعىتىم بار. شتانگا كوتەرگەن ۇنايدى. سوڭعى رەت جۇلقا كوتەرۋدى ورىنداۋىم كەرەك. بۇرىننان توكيو وليمپياداسىنان كەيىن كارەرامدى اياقتايمىن دەگەن وي بولدى. پەكين وليمپياداسىنان كەيىن ويلاستىرعان ميسسياممەن جۇرەمىن. لوندونعا مىقتى دايىندالدىم. سول كەزدە ميىمدا ٴتورت وليمپياداعا قاتىسامىن دەگەن كورىنىس بولدى. ٴۇش دۇركىن، سودان سوڭ ٴتورت دۇركىن چەمپيون بولامىن، سودان سوڭ اياقتايمىن دەدىم. ومىردە وسىنداي ورامدارمەن ٴجۇرۋ كەرەك ەكەن. كوپ نارسەنى ۇيرەنىپ، ٴوز ميسسياڭدى اياقتاۋىڭ كەرەك. ٴارى قاراي سپورت مەنەدجەرى، بيزنەس ترەنەر رەتىندە جۇمىس ىستەي بەرەمىن»، - دەدى يليا يلين.

سونداي-اق، يليا يلين ەكى جىلدىق جارىستان شەتتەتۋ مەرزىمى اياقتالعان سوڭ ٴوزىنىڭ ۇلكەن سپورتقا ورالعانىن مالىمدەگەن بولاتىن. سونداي-اق، اۋىر اتلەت قاي سالماق دارەجەسىندە جارىستارعا قاتىساتىنىن جانە الداعى جوسپارلارىمەن ٴبولىستى.

ەسكە سالا كەتسەك، 2008 جانە 2012 وليمپيادا ويىندارىنىڭ دوپينگ-سىنامالارى قايتا تەكسەرىلگەننەن كەيىن يليا يلين، زۋلفيا چينشانلو، سونىمەن قاتار ماييا مانەزا مەن سۆەتلانا پودوبەدوۆا التىن مەدالدارىنان ايىرىلىپ، ەكى جىلعا جارىستاردان شەتتەتىلگەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي