BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

تاراز-ارەنادا ٴبىر كۇندە 2500 سپورتشى جاتتىعا الادى

استانا، baq.kz. «وڭىرلىك كوممۋنيكاسيالار قىزمەتىنىڭ» الاڭىندا «تاراز-ارەنا» شجق مكك سپورت سارايىنىڭ ديرەكتورى نۇرلان ساۋرىقوۆتىڭ قاتىسۋىمەن ٴباسپاسوز كونفەرەنسياسى ٴوتتى. سپيكەر «تاراز-ارەنا» سپورت سارايىنىڭ 2018 جىلدىڭ 10 ايىندا اتقارىلعان جۇمىستارى» تۋرالى بايانداپ، جۋرناليستەردىڭ سۇراقتارىنا جاۋاپ بەردى.

وبلىسىمىزدا دەنە شىنىقتىرۋ مەن سپورتتى دامىتۋ، تۇرعىنداردىڭ دەنساۋلىعىن نىعايتۋ، جاستاردى رۋحاني تاربيەلەۋ، سالاماتتى ٴومىر سالتىن ناسيحاتتاۋ جانە بۇقارالىق-سپورتتىق جارىستاردى ۇيىمداستىرىپ وتكىزۋ باعىتىندا «تاراز-ارەنا» سپورت سارايى ٴبىرقاتار ٴىس-شارالار اتقاردى. «تاراز-ارەنا» سپورت سارايىنىڭ العاشقى قازىعى 2011 جىلدىڭ 30 مامىرىندا قاعىلدى. قۇرىلىسقا جالپى قۇنى 5 ملرد. تەڭگەگە جۋىق قارجى جۇمسالعان. سپورت سارايى 2013 جىلدىڭ قىركۇيەك ايىندا حالىق يگىلىگىنە پايدالانۋعا بەرىلدى.

جالپى جەر تەلىمىنىڭ كولەمى – 8 گەكتارعا جۋىق، سپورت سارايىنىڭ جالپى كولەمى – 25144 م2، سپورت الاڭشالارىنىڭ اۋدانى – 17709 م2.

"سپورت كەشەنىنىڭ بەس اۋىسىمداعى وتكىزۋ قابىلەتتىلىگى، سىرتقى الاڭداردى قوسقاندا 15 سپورت تۇرىمەن 2500-عا تارتا سپورتشى ٴبىر كۇندە سپورتپەن شۇعىلدانۋعا مۇمكىندىك الادى. جالپى سپورت زالدارىنىڭ سانى – 12 - امبەباپ زال، كىشى سپورت زال، اۋىر اتلەتيكا زالى، ترەناجەر زالى، بوكس زالى، گرەك-ريم جانە ەركىن كۇرەس زالى، ۇستەل تەننيسى زالى، تاەكۆوندو زالى، دزيۋدو زالى، سپورتتىق بي زالى، تير، ٴجۇزۋ باسسەينى"، - دەدى ول.

سونىمەن قاتار، مەديسينالىق ارنايى كابينەت بار. العاشقى مەديسينالىق كومەك كورسەتۋگە ارنالعان دارى-دارمەكتەرمەن جابدىقتالعان.

بارلىق سپورت زالى ارنايى قاجەتتى زاماناۋي ستاندارتقا ساي سپورتتىق قۇرال-جابدىقتارمەن قامتىلعان.

اقىلى قىزمەت كورسەتەتىن سپورتتىق جايلاردىڭ باعا پرەيسكۋرانتى جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسى تاراپىنان بەكىتىلەدى.

سپورت سارايىنىڭ مەكنشىك يەسى «جامبىل وبلىسى اكىمدىگىنىڭ قارجى باسقارماسى» مەملەكەتتىك مەكەمەسى بولسا، باسقارىپ وتىرعان مەكەمە «جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي