BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

تالدىقورعاندا كيوكۋشينكاي كاراتەدەن ەل چەمپيوناتى وتەدى

16 جەلتوقسان كۇنى تالدىقورعان قالاسىنىڭ «وركەن» سپورت كەشەنىندە كيوكۋشينكاي كاراتەدەن قىزدار اراسىنداعى قازاقستان رەسپۋبليكاسىنىڭ ٴحىى اشىق چەمپيوناتى مەن ەرلەر اراسىنداعى قازاقستان رەسپۋبليكاسىنىڭ حv كۋبوگىن وتەدى.

«ەلباسىمىز ن.ٴا. نازاربايەۆ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى بيىلعى قازاقستان حالقىنا جولداۋىنىڭ جەتىنشى باعىتىندا بۇقارالىق سپورت پەن دەنە شىنىقتىرۋدىڭ قولجەتىمدىلىگىن ارتتىرۋ قاجەت ەكەنىن باسا ايتتى. وسى ماقساتتا الماتى وبلىسى اكىمدىگىنىڭ قولداۋىمەن «بۇكىلقازاقستاندىق كيوكۋشينكاي كاراتە ۇيىمى» رقب الماتى وبلىستىق فيليالى جەتىسۋ جەرىندە كاراتەدەن رەسپۋبليكالىق شارالاردى ۇيىمداستىرۋعا ۇيىتقى بولۋدا» - دەيدى ۇيىمداستىرۋشىلار.

جەتىسۋ جەرىندە العاش رەت وتكىزىلەتىن شىعىس جەكپە-جەگىنىڭ ٴدۇبىرلى دوداسىنا «قازاقستان رەسپۋبليكاسى جاۋىنگەرلىك ونەر اسسوسياسياسىنىڭ ۆيسە-پرەزيدەنتى، قازاقستان بويىنشا جالعىز قارا بەلبەۋ 7 دان يەگەرى ٴتاجىمۇرات نايزابەكوۆ قاتىسادى. سونىمەن قاتار، شيحان ت. نايزابەكوۆ باسشىلىق ەتەتىن «بۇكىلقازاقستاندىق كيوكۋشينكاي كاراتە ۇيىمى» رقب قۇرامىنداعى ەلىمىزدەگى وبلىستىق فيليالداردىڭ جەتەكشىلەرى مەن كاراتەنىڭ قىر-سىرىن مەڭگەرگەن 500-دەن استام سپورتشى تالدىقورعاندا باس قوسپاق.

قىزدار اراسىنداعى ەل چەمپيوناتىنا 10 جاستان جوعارى قىزدار مەن ايەلدەر قاتىسسا، ەرلەر اراسىنداعى حv قازاقستان رەسپۋبليكاسىنىڭ كۋبوگىن 18 جاستان اسقان جىگىتتەر ساراپقا سالىپ كورمەك.

سەنسەي سانيا قاسابايەۆا جەتەكشىلىك ەتەتىن الماتى وبلىستىق فيليالىنىڭ اتىنان قاتىساتىن وتىزدان استام سپورتشى جەتىسۋ جەرىنىڭ نامىسىن قورعاپ، تاتاميدە بار ونەرىن كورسەتەتىن بولادى.

ايتا كەتەيىك، «بۇكىلقازاقستاندىق كيوكۋشينكاي كاراتە ۇيىمى» رقب جيىرما جىلدان استام ۋاقىت ىشىندە الەمدىك دودالاردا ەلىمىزدىڭ بايراعىن تالاي كوككە جەلبىرەتكەن ۇيىم ەكەنى ٴمالىم. ەلىمىزدىڭ بارلىق وڭىرىندە كاراتەنىڭ وسى باعىتى بويىنشا 20 مىڭنان استام سپورتشىعا شىعىس جەكپە-جەگىن مەڭگەرۋگە مۇمكىندىك جاسالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي