BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

تالدىقورعاندا كاراتەدەن بالالار اراسىندا وبلىس چەمپيوناتى ٴوتتى

تالدىقورعان، baq.kz. قالاداعى «جاستار» سپورت كەشەشىندە كيوكۋشينكاي كاراتەدەن بالالار اراسىنداعى الماتى وبلىسىنىڭ iv چەمپيوناتى وتكىزىلدى

ەلباسىمىز ن.ٴا. نازاربايەۆ قازاقستان حالقىنا جولداۋىندا «2020 جىلعا دەيىن قازاقستان حالقىنىڭ وتىز پايىزىن بۇقارالىق سپورتقا تارتۋ تۋرالى» مىندەت قويعان. وسى ماقساتتا ەلىمىزدىڭ بارلىق وڭىرلەرىندە زاماناۋي سپورت كەشەندەرى سالىنىپ، ٴتۇرلى سپورت تۇرلەرىن دامىتۋعا جاعدايلار جاسالۋدا. حالىقتىڭ سالاۋاتتى ٴومىر سالتىن ساقتاۋعا باعىتتالعان باستامالار قولداۋ تاۋىپ، ٴتۇرلى تۋرنيرلار وتكىزىلۋدە.

«كيوكۋشينكاي كاراتە بۇكىلقازاقستاندىق ۇيىمى» قوعامدىق ۇيىمى الماتى وبلىستىق فيليالىنىڭ مۇرىندىق بولۋىمەن وتكەن اتالعان تۋرنيردە 20 كلۋبىندا جاتتىعاتىن 4 جاستان 17 جاس ارالىعىنداعى 315 ۇل مەن قىز تاتاميدە باعىن سىنادى.

«ەل بولامىن دەسەڭ، بەسىگىڭدى تۇزە» دەگەن دانالىققا سۇيەنسەك، ٴقازىر بۇقارالىق سپورتتى، ونىڭ ىشىندە بالالار سپورتىن دامىتۋعا قولداۋ كورسەتىلىپ جاتىر. بالالاردىڭ بۇگىنگى تۋرنيرگە مۇقيات دايىندالعان. جارىس وتە جوعارى دەڭگەيدە ٴوتىپ جاتىر. ٴۇش جۇزدەن استان سپورتشى 35 ساناتتا مىقتىلاردى انىقتاۋدا. تۋرنيرگە بارلىق اۋدانداردان، تەكەلى، ۇشتوبە سىندى قالالاردان قاتىسۋشىلارىمىز بار. ۇل-قىزداردىڭ كوزىندەگى وتتى كورىپ، قازاق سپورتىنىڭ الار اسۋلارى بيىك ەكەنىنە كوز جەتكىزەمىز. وسى ٴتۋرنيردى ٴوز دەڭگەيىندە ۇيىمداستىرۋعا كومەكتەسكەن «جاستار» سپورت كەشەنىنىڭ باسشىلىعىنا جانە سەنپايلارعا، باسقا ازاماتتارعا فيليال اتىنان العىسىمدى بىلدىرەمىن»،- دەدى «كيوكۋشينكاي كاراتە بۇكىلقازاقستاندىق ۇيىمى» قوعامدىق ۇيىمى الماتى وبلىستىق فيليالىنىڭ ديرەكتورى سەنسەي سانيا قاسابايەۆا (1 دان).

ٴتۋرنيردىڭ قورىتىندىسى بويىنشا جالپى كوماندالىق ەسەپتە ماعجان قاسابايەۆ جاتتىقتىراتىن «كۋميتە» كلۋبى 7 التىن الىپ، توپ باستادى.

ۇيىمداستىرۋشىلار تاراتقان اقپاراتقا سايكەس، «كيوكۋشينكاي كاراتە بۇكىلقازاقستاندىق ۇيىمى» قو 1997 جىلدان بەرى ەلىمىزدىڭ بارلىق وڭىرىندە شىعىس جەكپە-جەگىنىڭ قىر سىرىن ۇيرەتۋمەن اينالىسادى. بۇگىنگى تاڭدا جيىرما مىڭنان استام ۇل مەن قىز تاتاميدە ٴتالىم الىپ، ٴوزىن-وزى قورعاۋمەن قاتار، شىعىس مادەنيەتىنىڭ قىر-سىرىن ۇيرەنۋدە.

ايتا كەتەيىك، قازاقستان، ەۋروپا جانە الەم چەمپيونى سەنسەي قاسابايەۆا سانيا ٴومىرقاجىقى الماتى وبلىسىنىڭ فيليالىنا باسشىلىق ەتكەن 4 جىل ىشىندە وبلىسىمىزدان بالالار-جاسوسپىرىمدەر اراسىنداعى الەم چەمپيوناتىنىڭ ەكى جۇلدەگەرى، ەۋرازيالىق جانە قازاقستاندىق جارىستاردىڭ جەڭىمپازدارى شىقتى. جاستارىمىز جاپونيادا وتكەن اشىق چەمپيوناتتىڭ كۇمىس جۇلدەسىن يەلەندى.

سونداي-اق، «كيوكۋشينكاي كاراتە بۇكىلقازاقستاندىق ۇيىمى» قوعامدىق ۇيىمى الماتى وبلىستىق فيليالىنىڭ الەۋمەتتىك جاۋاپكەرشىلىك تۇرعىسىنان كوپبالالى وتباسىلارعا، تاربيەسى قيىن بالالارمەن جۇمىس جۇرگىزىپ، جەڭىلدىكتەر قاراستىراتىنىن اتاپ ٴوتۋ قاجەت. ەلىمىزدىڭ چەمپيوناتتارىندا ۇزدىك ونەر كورسەتكەن جاسوسپىرىمدەردى الەمدىك دودالارعا تەگىن، ياعني، ۇيىم ەسەبىنەن الىپ بارۋى دا بولاشاق ۇرپاق تاربيەسىنە قوسقان سۇبەلى ۇلەسى دەپ بىلگەن ٴجون.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي