BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

سۇيىكتى ىسىمە ورالعانىما قۋانىشتىمىن – يليا يلين

فوتو: ашық дереккөзден

اۋىر اتلەتيكادان ٴتورت دۇركىن الەم چەمپيونى يليا يلين دوپينگكە قاتىستى جارىستان شەتتەتۋ مەرزىمى اياقتالعان سوڭ جۋرناليستەر الدىندا قازىرگى جاعدايىمەن جانە الداعى جوسپارىمەن ٴبولىستى، دەپ حابارلايدى baq.kz ٴتىلشىسى.

«كەشە 10 ماۋسىم كۇنى وسى جاڭالىق شىقتى. بۇل كۇندى ۇزاق كۇتتىم. تۋعان كۇنىم 24 مامىردا بولا ما دەپ ەدىم ٴبىراق بولعان جوق. كەشە ٴوزىمدى جەڭىل، ەركىن سەزىندىم، كوڭىل-كۇيىم كوتەرىلدى. سۇيىكتى ىسىمە ورالعانىما قۋانىشتىمىن. شتانگا كوتەرگەن ۇنايدى. مەنى قولداعان جانە قولدايتىن ادامدارمەن قۋانىشىممەن بولىسكىم كەلدى. حالىق پەن نۇرسۇلتان نازاربايەۆقا العىس بىلدىرەمىن. قيىن ساتتەردە ەكسپو كەزىندە ول مەنىمەن كەزدەسىپ ماعان سەنەتىنىن ايتتى. نۇرسۇلتان نازاربايەۆ مەنى باعالايدى. وسى قيىن ۋاقىتتا مەنى قولداعان، «ينستاگرامدا» پىكىر جازاتىن، وبلىستاردا، شاعىن اۋىلداردا تۇراتىن مەنى قولدايتىن ادامدارعا العىس ايتامىن»، - دەدى يليا يلين.

ول جارىستان شەتتەتۋ مەرزىمى 2 جىلدا جاتتىعىپ، سپورتپەن اينالىسقانىن ايتتى. سونداي-اق الەۋمەتتىك جەلىدە ٴوزىنىڭ اشىق ەكەنىن، جاڭالىقتارى بولسا حالىقپەن بولىسكەن ۇنايتىنىن اتاپ ٴوتتى.

ەسكە سالا كەتسەك، 2008 جانە 2012 جىلدارداعى وليمپيادا ويىندارىنىڭ دوپينگ-سىنامالارى قايتا تەكسەرىلگەننەن كەيىن يليا يلين، زۋلفيا چينشانلو، سونىمەن قاتار ماييا مانەزا مەن سۆەتلانا پودوبەدوۆا التىن مەدالدارىنان ايىرىلىپ، ەكى جىلعا جارىستاردان شەتتەتىلگەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي