BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ستويلوۆ تا سيقىرشى ەمەس. ۇلتتىق قۇرامانىڭ ەندىگى جاعدايى قالاي بولماق؟

فوتو: Atameken Business Channel

قازاقستان فۋتبولدان اندوررانى دا ۇتا المادى. ستانيمير ستويلوۆ جاتتىقتىراتىن قۇراما كوماندامىز ۇلتتار ليگاسىندا ەكى ويىندا بار-جوعى ٴبىر ۇپاي جينادى.

ۋەفا-نىڭ جاڭا ٴتۋرنيرى باستالماس بۇرىن ٴوز توبىمىزدا ٴبىرىنشى ورىن الىپ، ەۋروپا چەمپيوناتىنىڭ فينالىنا شىعاتىن مۇمكىندىگىمىز ارتا تۇسەدى دەگەندەر كوپ بولعان. ال ٴقازىر جاعدايىمىز قيىنداپ كەتتى. ٴوز الاڭىمىزدا گرۋزيادان جەڭىلدىك، ەندى اندوررادان ايلامىزدى اسىرا المادىق.

ارينە، جانكۇيەرلەر مەن مامانداردىڭ سەنىمدىلىگىنىڭ ارتۋىنا ستانيمير ستويلوۆتىڭ باس باپكەر بولىپ تاعايىندالۋى، سوڭعى جولداستىق كەزدەسۋلەردەگى جەڭىستەرىمىز سەبەپشى بولدى دەپ ويلايمىن.

گرۋزيادان ۇتىلعان سوڭ، مىندەتتى تۇردە اندوررادان ٴۇش ۇپاي الۋعا مىندەتتى ەدىك.بۇعان دەيىن ەكى ەلدىڭ قۇراماسى ەكى رەت كەزدەسكەن. ەكى ويىن دا 2010 جىلعى الەم چەمپيوناتىنىڭ ىرىكتەۋ كەزەڭى اياسىندا وتكەن. الدىمەن، وسىدان 10 جىل بۇرىن 20 تامىز كۇنى الماتىنىڭ ورتالىق ستاديونىندا جولىمىز ٴتۇيىستى. شابۋىلشى سەرگەي وستاپەنكو دۋبل جاسادى.ٴبىر گولدى سول كەزدەرى «اتىراۋ» ساپىندا ويناعان رومان ۋزدەنوۆ ەنگىزدى. قورىتىندى ەسەپ 3:0.

ودان كەيىن 2009 جىلى 9 قىركۇيەكتە اندوررادا كەزدەسكەن. ول كەزدە دە 17 جاستاعى سەرگەي حيجنيچەنكو دۋبل جاساعان بولاتىن. ٴبىر گولدى پەنالتيدەن رۋسلان بالتيەۆ سوقتى. ەكىنشى تايمدا قارسىلاس ساپىنان سونەزە ەسەپ ايىرماسىن ٴبىر دوپقا قىسقارتا الدى.

سونداي-اق ماتچ الدىندا اندوررانىڭ باس باپكەرى كولدو الۆارەس قازاقستان گرۋزيادان الدەقايدا مىقتى دەپ جەرلەستەرىمىز ٴبىر ماقتاپ قويدى:

«گرۋزيا مەن قازاقستان قۇرامالارىنىڭ اراسىنداعى ويىندى تاماشالادىق.ول ماتچتا قازاقستاننىڭ ويىنى ٴتاۋىر بولدى. الايدا، گرۋزيا جەڭىسكە جەتتى. مەنىڭ ويىمشا بۇل ماتچتاعى ەسەپ الدامشى. ويتكەنى، قازاقستان گرۋزيادان مىقتىراق. قوس قاپتالداعى جانە ورتالىق جارتىلاي قورعاۋشىسىنىڭ دەڭگەيى جوعارى».

وسىدان سوڭ، قازاقستاننىڭ جەڭىسكە جەتەتىنە ەشكىمنىڭ دە كۇمانى بولعان جوق-اۋ. ٴتىپتى، بۋكمەكەرلىك كەڭسەلەردىڭ ٴوزى سەنىمدى بولدى. ٴبىراق ويىن ناتيجەسى ٴبىز كۇتكەندەي بولمادى.

جەڭىستى ٴوز قولىمىزبەن بەرىپ قويدىق...

اندوررانىڭ «ەستادي ناسونال» ستاديونىندا وتكەن ويىندا ستانيمير ستويلوۆ گرۋزيامەن سالىستىرعاندا نەگىزگى قۇرامعا ەكى وزگەرىس جاسادى. بۇل جولى گەورگيي جۋكوۆ پەن سەرگەي مالىي قوسالقى قۇرامدا قالدى. ولاردىڭ ورىندارىن ەركەبۇلان تۇڭعىشبايەۆ پەن يۋريي لوگۆينەنكو باستى.

قۇرامانىڭ ويىنىنا قاراپ وتىرىپ، قارنىڭ اشادى. اندوررا دوپتى ٴبىزدىڭ جىگىتتەرگە بەرىپ قويىپ، قورعانىستا جاتىپ الدى. ٴتىپتى، قىسىم كورسەتىپ، پرەسسينگ تە جاساعان جوق. سوعان قاراماستان قازاقستان فۋتبولشىلارى قاراپايىم پاس بەرۋدىڭ وزىندە ٴجيى قاتەلەسىپ جاتتى. ٴبىرىنشى تايمدا تابلودا ەش وزگەرىس بولمادى.

ەكىنشى تايمنىڭ العاشقى مينۋتتارى دا ٴدال وسىلاي جالعاسىپ جاتتى. ستويلوۆ شاكىرتتەرى العا اتويلاپ شابۋىلدادى. الايدا ەشقايسىسىنا دالدىك جەتىسكەن جوق. قارسىلاستىڭ قورعاۋشىلارىنىڭ ەكى اياعىن ٴبىر ەتىككە تىعادى دەگەن ششەتكين دە تۇك بىتىرگەن جوق. ايتەۋىر، ماتچتىڭ 68-مينۋتىندا باۋىرجان يسلامحاننىڭ بۇرىشتامادا كوتەرگەن دوبىن قورعاۋشى يۋريي لوگۆينەنكو باسپەن ۇرىپ، قاقپا تورىنا تۋلاتتى.

ەكى ويىندا ازەر سوققان جالعىز گولىمىز ماتچ سوڭىنا دەيىن ساقتالىپ قالسا دەپ وتىردىق. ويتكەنى، الاڭعا ارىپتەسىن اۋىستىرىپ كىرگەن شابۋىلشى باۋىرجان تۇرىسبەك تە تۇك بىتىرگەن جوق. سوندىقتان ەڭ بولماسا وسى ەسەپتى ۇستاپ، ٴۇش ۇپاي ەنشىلەسەك دەپ ۇمىتتەنىپ ەدىك. ٴبىراق جەڭىستى ٴوز قولىمىزبەن قارسىلاس ۇستاتىپ بەرە سالدىق.

الدىمەن، 76-مينۋتتا سەرىكجان مۇجىقوۆ ەكىنشى رەت ەسكەرتۋ الىپ، الاڭنان قۋىلدى. ياعني ٴبىزدىڭ قۇراما 10 ويىنشىمەن قالدى. ارادا 10 مينۋت وتكەندە كوماندا كاپيتانى دميتيريي شومكو كۇتپەگەن جەردەن قاتەلەستى. سول قاپتالداعى قورعاۋشىمىز بولماشى جەردەن جازا باسىپ، دوپتى قارسىلاسىنىڭ اياعىنا سالىپ بەردى. ٴوز كەزەگىندە اندوررا فۋتبولشىسى جورد الاەس دوپتى ٴىلىپ اكەتىپ، الدىنان جۇگىرىپ شىققان نەناد ەريچتى دە سان سوقتىرىپ كەتتى. ٴسويتىپ، قولدا تۇرعان جەڭىستەن ايىرىلىپ قالدىق.

«قايراتتىڭ» اتاقتى قاقپاشىسى بولعان، ارداگەر فۋتبولشى قۇرالبەك وردابايەۆ تا، جەڭىستى ٴوز قولىمىزبەن بەردىك دەگەن پىكىردە. فۋتبول ساراپشىسى vesti.kz سايتىنا بەرگەن سۇحباتىندا وسىنى ايتىپتى.

«ۇلتتار ليگاسىنىڭ ەكى تۋرىن وتكىزدىك. اندوررامەن تەڭ ٴتۇسۋىمىز ٴبىز ٴۇشىن جەڭىلىسپەن پارا-پار. اندوررا فۋتبولشىلارىنىڭ جەڭىسكە دەگەن قۇلشىنىسى وتە جوعارى بولدى. سوڭىنا دەيىن وينادى. گول سوققانشا تىنىم تاپپادى. ۇمىتتەرى اقتالىپ، وزدەرى قالاعان ناتيجەگە قول جەتكىزدى. سوعان قاراماستان تۋرنيردەگى جاعدايىمىزدى جاقسارتۋعا ٴالى دە مۇمكىندىك بار. ەندى وزىمىزگە دەگەن سەنىمدىلىكتى ارتتىرىپ، قالعان ويىندارعا دايىندالۋ كەرەك. ارينە، گرۋزيا تۋرنير كەستەسىندە بىزدەن 5 ۇپايعا وزىپ كەتتى. ٴبىراق ولار بوساڭدىق تانىتۋى مۇمكىن. ونداي كەزدە قايتا جينالۋ قيىنعا سوعادى. اسىرەسە، پسيحولوگيالىق تۇرعىدان. سوندىقتان رۋحىمىزدى ٴتۇسىرىپ، ٴوز-وزىمىزدى تومەندەتە بەرگەن دۇرىس ەمەس. ونىڭ ۇستىنە، ٴبىزدىڭ قۇرامانى ٴقازىر وتە اقىلدى باپكەر جاتتىقتىرادى. ازىرگە ويىنىمىز ٴجۇرىپ جاتقان جوق. ٴبىراق ۋاقىتى كەلگەندە ٴوزىمىزدىڭ جاقسى جاقتارىمىزدى كورسەتەتىن بولامىز. گرۋزيامەن كەزدەسۋدە سەنىمدىلىك، شەبەرلىك جانە كوماندالىق تۇسىنىستىك جەتىسپەدى. اندوررامەن ويىندا دوپقا تولىقتاي يەلىك ەتتىك، الايدا 90 مينۋتتىڭ ىشىندە ٴبىر مارتە عانا قارسىلاستىڭ قاقپاسىنىڭ ساڭىلاۋىن تاپتىق. بۇل ارينە مينۋس. شومكو ٴدال وسىنداي پاس بەرگەن دۇرىس ەمەس. وسىنداي كاسىبي فۋتبولشى ٴۇشىن بۇل ۇلكەن قاتەلىك. پرەمەر-ليگادا مۇنداي پاستار وتەتىن شىعار، ال حالىقارالىق ويىنداردا وندايدى ەشكىم كەشىرمەيدى. دەگەنمەن، فۋتبولشى ٴوز قاتەسىن جاقسى تۇسىنەدى دەپ ويلايمىن. سول سەبەپتى قايتا-قايتا ونى قايتالاي بەرۋدىڭ قاجەتى جوق. ال، جالپى جەڭىستى ٴوز قولىمىزبەن بەرىپ قويدىق. ەگەر جەڭىسكە دەگەن قۇلشىنىمىز ارتسا، ناتيجە دە كوپ كۇتتىرمەسى انىق. وسىنداي قيىن جاعداي قۇرامانى قولداۋ كەرەك»، - دەيدى قۇرالبەك وردابايەۆ.

ويىننىڭ ستاتيستيكاسىنا نازار اۋداراتىن بولساق، قازاقستاننىڭ باسىمدىلىعى ايقىن بايقالادى. ٴبىراق شابۋىل شەبىندە دوپتى قاقپاعا كىرگىزەتىن ەشكىمنىڭ جوقتىعى دا قىنجىلتادى.

اندوررا مەن قازاقستان كەزدەسۋىنىڭ قىسقاشا ستاتيستيكاسى:

سوققى:2 – 13

تۋرا سوققى: 1– 4

قيىس كەتكەنى:1– 7

بۇرىشتاما سوققىلار: 0 – 11

وفسايدتار: 1 –1

دوپقا يەلىك ەتۋ: 29 – 71

ەسكەرتۋ (سارى قاعاز): 2 – 5

ويىننان قۋىلدى (قىزىل قاعاز): 0 – 1

ەرەجە بۇزۋ: 18 – 13

اندوررا – قازاقستان 1:1

گولدار: لوگۆينەنكو، 68 (0:1).الاەس، 86 (1:1).

الاڭنان قۋىلدى: مۇجىقوۆ، 76 (ەكىنشى سارى قاعاز).

اندوررا: گومەس، مارتينەز، ۆەلەس، رەبەس، ليما (ك)، كلەمەنتە (الاەس، 69)، ۆييەرا، سان نيكولاس، رۋبيو (گومەس، 80)، چەرۆوس، للوۆەرا.

قازاقستان: ەريچ، پوستنيكوۆ، قۋات، مۇجىقوۆ، يسلامحان، تۇڭعىشبايەۆ (زاينۋتدينوۆ، 66)، ششەتكين، مۇرتازايەۆ (تۇرىسبەك، 59)، شومكو (ك)، بەيسەبەكوۆ (سەيداحمەت، 90)، لوگۆينەنكو.

تورەشىلەر: تورارينسسون، گۋدمۋندسسون، سيگۋردارسون (ٴبارى دە – يسلانديا).

گول سوعاتىن شابۋىلشى جوق

ماتچان كەيىن ٴباسپاسوز ٴماسليحاتىندا ستانيمير ستويلوۆ كوپ ەشتەڭە ايتقان جوق. بولگاريالىق باپكەر گول سوعاتىن شابۋىلشى جوق دەگەن پىكىر ٴبىلدىردى.

«وكىنىشكە قاراي، بۇگىن ٴبىز كۇتكەن ناتيجە بولمادى. توقسان مينۋت بويى گول سوعۋ ٴۇشىن وينادىق. شابۋىل شەبىندە ماسەلە كوپ. ەكى ويىندا ٴبىر گول سوقتىق.ويىن سوڭىندا قاتەلىك جىبەرىپ، قاقپاعا گول وتكىزىپ الدىق. ەڭ نەگىزگى ماسەلە - شابۋىلدى تۇيىندەي الماۋ»، - دەيدى ستويلوۆ.

وسى ويىننىڭ الدىندا قازاقستاندى ابدەن ماقتاعان اندوررا باپكەرى كولدە الۆارەس كەزدەسۋدەن كەيىن قاراپايىمدىلىعىنان تايعان جوق. ول سەرىكجان مۇجىقوۆتىڭ الاڭنان قۋىلۋى اندوررانىڭ ٴبىر ۇپايى ەنشىلەۋىنە كومەكتەستى دەپ وتىر.

«جەڭىسكە جەتتىك دەپ ايتا المايمىن. ٴبىر ۇپاي العانىمىزعا قۋانىشتىمىز. ويىننىڭ العاشقى جانە ەكىنشى بولىگى قيىن بولدى. اندوررا قورعانىستا وينادى. قازاقستان قۇراماسىنىڭ ٴبىر ويىنشىسىنىڭالاڭنان قۋىلۋى بىزگە كومەكتەستى. ٴبىزدىڭ كوماندا ٴوسىپ كەلەدى. ويىنشىلارىمدى قۇتتىقتايمىن!ولار بۇگىن جاقسى وينادى.ٴبىزدىڭ قۇراما ٴۇشىن تەڭ ناتيجە - ۇلكەن تابىس.جاسىل الاڭعا شىققان جانە قوسالقى قۇرامدا قالعان فۋتبولشىلارعا دا كوڭىلىم تولادى. ولاردىڭ بارلىعى بۇگىنگى ويىندا كومەكتەستى. ٴبىزدىڭ كوماندا ەكى ويىندا ەكى ۇپاي جينادى. لاتۆيامەن ويىننان كەيىن ۋەفا ۇلتتار ليگاسىنىڭ ويىندارى ۇنايتىنىن ايتقانمىن. رەيتينگتىڭ تومەنگى جاعىندا ورنالاسقان 16 كوماندانىڭ ىشىندە لايىقتى ناتيجەگە يە بولا الامىز دەپ ۇمىتتەنەمىن»، - دەيدى كولدە الۆارەس.

جەڭىسكە جەتپەگەنىمىزگە ٴۇش جىل

قازاقستان قۇراماسىنىڭ رەسمي ويىندا جەڭىسكە جەتپەگەنىمىزگە دە ٴۇش جىل بولدى. سوڭعى رەت قۇراما 2015 جىلى ەۋرو-2016 دوداسىنىڭ ىرىكتەۋ اياسىندا تۇزدە لاتۆيانى ۇتقان. سول كەزدە يسلامبەك قۋاتتىڭ جالعىز گولىنىڭ ارقاسىندا ٴۇش ۇپاي ەنشىلەگەنبىز.

ٴبىر قىزىعى، قازاقستان كەلەسى ويىنىن 13 قازاندا سىرت الاڭدا لاتۆيامەن وتكىزەدى. سوڭعى رەت ٴدال وسى كۇنى ياعني 2015 جىلدىڭ 13 قازانىندا جەڭىسكە جەتىپپىز.

ستويلوۆ تا سيقىرشى ەمەس

الەكساندر بوروديۋكتان كەيىن ستانيمير ستويلوۆ كەلگەندە جانكۇيەرلەردىڭ كوبىسى قۋانعان. ارينە، «استانامەن» جەتكەن جەتىستىگى تاريح بەتىندە جازىلىپ تۇر. ٴبىراق بارلىعى باپكەرگە دە بايلانىستى ەمەس. الاڭدا وينايتىن نەگىزىنەن فۋتبولشىلار. كوماندا كاپيتانى دميتريي شومكونىڭ ٴوزى وسىنداي قاتەلىك جاساپ جاتسا، الاڭ سىرتىندا تۇرعان باس باپكەر نە ىستەي الار؟

«شىنىمدى ايتساق، ماتچتىڭ الدىندا-اق بىزگە قيىن بولاتىنىن ٴبىلدىم. اندوررا سياقتى كومانداعا ٴبىرىنشى تايمنىڭ وزىندە 2 گول سوعۋ كەرەكپىز. ارينە، شومكو ورەسكەل قاتەلىك جاساپ، كوماندانى ىڭعايسىز جاعدايعا قالدىردى. باپكەرلەر ۇنەمى مۇنداي قاتەلىكتەر ٴۇشىن فۋتبولشىنى كىنالاۋعا بولمايدى، ونداي جاعداي كەز كەلگەننىڭ باسىندا بولادى دەپ ايتادى. ٴبىراق كەشىرىپ قويسىڭ، ٴبىزدىڭ قارسىلاس اندوررا بولعانىن ۇمىتپايىق. ەگەر گەرمانيا نەمەسە فرانسيامەن ويناپ، قوبالجىعاننان بالانىڭ قاتەلىگىن جاساپ جاتسا تۇسىنەمىن. كوكتەمدەگى جولداستىق كەزدەسۋلەردەن كەيىن ۇلتتىق قۇرامانىڭ مەكەنجايىنا قانشاما ماقتاۋ سوزدەر ايتىلدى. ٴبىراق ستويلوۆتىڭ دا سيقىرشى ەمەس ەكەنىن كورىپ وتىرمىز. بارلىعى دا قولداعى ماتەريالعا بايلانىستى. ونداي جاعداي ٴقازىر ستويلوۆ تا جوق. قۇرامانىڭ تەڭ جارتىسى ٴوز كوماندالارىندا قوسالقى قۇرامدا وتىر. ويىن تاجىريبەسى جوق. نەگىزگى سەبەپ وسى دەپ ويلايمىن. سوندىقتان لەگيونەرلەرگە قاتىستى ٴبىر شەشىم قابىلداۋ كەرەك. ولاردىڭ سانىن قىسقارتپاسا بولمايدى. ٴقازىر جاپونيا جانە قىتاي چەمپيوناتتارىندا 2-3 لەگيونەرگە عانا مۇمكىندىك بەرىلەدى. ولار تەك ساپالىلارىن شاقىرادى. ال ٴبىزدىڭ كوماندالاردا ٴارى كەتسە ٴۇش-تورت قازاقستاندىق عانا ويناپ ٴجۇر. قالعانى لەگيونەرلەر نەمەسە قازاقستان ازاماتتىعىن العان كەلىمسەكتەر. ماسەلە قايدا جاتقانىن ٴتۇسىنىپ وتىرعان بولارسىزدار. فۋتبول اكادەميالارىنا كوبىرەك نازار اۋدارىپ، بالالار باپكەرىنىڭ ايلىعىن كوتەرۋ كەرەك. مەملەكەت تاراپىنان بالالار باپكەرىنە قولداۋ بولسا، جاعداي وزگەرى انىق»، – دەيدى بەلگىلى فۋتبول فۋنكسيونەرى حاليمجان ەرجانوۆ sports.kz تىلشىسىنە بەرگەن سۇحباتىندا.

ەرنۇر قوجاگەلدى

تۋرنير كەستەسى.

ۋەفا، ۇلتتار ليگاسى. d ليگاسى، ٴبىرىنشى توپ:

ورىن

قۇراما

ويىن

جەڭىس

تەڭ

جەڭىلىس

د-ا

ۇپاي

1

گرۋزيا

2

2

0

0

3-0

6

2

اندوررا

2

0

2

0

1-1

2


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي