BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

«شاحتەر» ەۋروكۋبوكقا قاتىسىپ جاتقان وتاندىق كوماندالاردى قولدادى

«شاحتەر» فۋتبول كلۋبى مەن قاراعاندى وبلىستىق فۋتبول قاۋىمداستىعى استانا قالاسىنىڭ 20 جىلدىعى مەن وتاندىق كوماندالاردىڭ ەۋروكۋبوك ماۋسىمىن باستاۋ قۇرمەتىنە ارنالعان ارنايى سپورتتىق ٴىس-شارا وتكىزدى، دەپ حابارلايدى baq.kz اقپارات اگەنتتىگى.

بۇقارالىق شارا قاراعاندى قالاسىنىڭ «شاحتەر» ستاديونىندا ٴوتتى. 2،5 شاقىرىمعا سوزىلعان پرەزيدەنتتىك جۇگىرۋگە «شاحتەر» كلۋبىنىڭ اتقارۋشى ديرەكتورى الىبەك ورازعاليەۆ، ديرەكتوردىڭ ورىنباسارى نۇرعازى جارىلعاپوۆ، سپورت ديرەكتورى مۇرات تىلەشەۆ، باس باپكەردىڭ مىندەتىن اتقارۋشى اندرەي فينونچەنكو، قاقپاشىلاردىڭ جاتتىقتىرۋشىسى ۆالەريي سيتالو، «شاحتەر-بولات»، «شاحتەر-م»، «شاحتەر-قارگۋ» كوماندالارىنىڭ ويىنشىلارى، «شاحتەر» فۋتبول ورتالىعىنىڭ جاتتىقتىرۋشىلارى مەن تاربيەلەنۋشىلەرى، قاراعاندى وبلىستىق فۋتبول قاۋىمداستىعىنىڭ تورەشىلەرى قاتىستى.

«قازاقستان فۋتبول فەدەراسياسى باستاعان اكسيانى قاراعاندى ٴوڭىرى قولداپ وتىر. ٴدال وسىنداي شارالار ەل فۋتبولىنىڭ جاناشىرلارىنىڭ باسىن بىرىكتىرەدى. وتاندىق كلۋبتار ەۋروكۋبوك ماۋسىمىن ٴساتتى باستادى. «استانا»، «قايرات»، «توبىل» كوماندالارى جەڭىسكە جەتىپ، «ەرتىس» تەڭ وينادى. وسى جۇرىستەن جاڭىلماي، جەڭىس جولىن جالعاستىرادى دەپ سەنەمىز. حالىقارالىق ارەنادا ەل نامىسىن قورعايتىن كوماندالارعا بارشامىز قولداۋ كورسەتۋىمىز كەرەك. سول سەبەپتى وسى شارانى ٴارى قاراي جالعاستىرۋ ٴۇشىن سىر وڭىرىنەن «قايسار» فۋتبول كلۋبىنىڭ ۇجىمىن شاقىرامىن! ۇلت دەنساۋلىعى – ەل بايلىعى! العا، قازاقستان! العا، فۋتبول»، - دەدى «شاحتەر» كلۋبىنىڭ اتقارۋشى ديرەكتورى الىبەك ورازعاليەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي