BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«سامۇرىق-قازىنا» ەلىمىز اۋماعىندا 41 سپورت الاڭىن اشتى

استانا، baq.kz. «سامۇرىق-قازىنا» قورى جاڭا قايىرىمدىلىق ساياساتى اياسىندا ەلىمىزدىڭ 10 وڭىرىندە بالالارعا ارنالعان 41 امبەباپ سپورت الاڭىن اشتى. قور قايىرىمدىلىق كومەك كورسەتۋدى قايتا قاراستىرىپ، قاراجاتتىڭ باسىم بولىگىن قوعامنىڭ تۇراقتى دامۋىنا ٴبولدى.

2016 جانە 2017 جىلدارى قور الەۋمەتتىك ينفراقۇرىلىمدى دامىتۋ ماقساتىندا بالالارعا ارنالعان 44 الاڭ ورناتتى. امبەباپ كەشەندەر اقمولا، پاۆلودار، ماڭعىستاۋ، اقتوبە جانە باتىس قازاقستان وبلىستارىندا اشىلدى.

بالالارعا ارنالعان سپورت كەشەنىندە فۋتبول الاڭى، جاتتىعۋ ايماعى جانە بالالار الاڭقايى بار. ويىن الاڭدارى جاساندى شوپتەرمەن، ال جاتتىعۋ جانە بالالارعا ارنالعان اۋماقتار ٴقاۋىپسىز ماتەريالمەن قاپتالعان. ٴاربىر الاڭدا ينكليۋزيا ەلەمەنتتەرى بار. وندا مۇمكىندىگى شەكتەۋلى بالالارعا ىڭعايلى بولۋ ٴۇشىن بارلىق جاعداي جاسالعان. بالالارعا ارنالعان امبەبەاپ سپورت كەشەندەرى وبلىستىق اكىمدىكتەرگە تاپسىرىلدى.

ەستەرىڭىزگە سالا كەتەيىك، 2018 جىلدىڭ اقپان ايىنان باستاپ جاڭا قايىرىمدىلىق ساياساتى اياسىندا قور سپورت فەدەراسيالارى مەن «استانا» پكسك-ىن قارجىلاندىرۋدى مادەنيەت جانە سپورت مينيسترلىگىنىڭ قۇزىرىنا تاپسىردى. ادام الەۋەتىن دامىتۋعا، سونداي-اق، الەۋمەتتىك جانە مەديسينا سەكتورلارىنا ارنالعان باعدارلامالاردى جۇزەگە اسىرۋعا باسا نازار اۋدارۋ تۋرالى شەشىم قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي