BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

ريو وليمپياداسىنا قاتىسقان قازاقستاندىق اتلەت 4 جىلعا جارىستان شەتتەتىلدى

ۇلتتىق دوپينگكە قارسى ورتالىقتىڭ رەسمي سايتىندا تىيىم سالىنعان زاتتاردى قولدانعان سپورتشىلاردىڭ جاڭارتىلعان ٴتىزىمى جاريالاندى، دەپ حابارلايدى baq.kz اقپارات اگەنتتىگى.

جاڭارتىلعان تىزىمدە ورتاشا قاشىقتىققا جۇگىرۋگە ماماندانعان قازاقستاندىق جەڭىل اتلەت يۋليا راحمانوۆا بار. 26 جاستاعى سپورتشى تاپسىرعان دوپينگ سىناماسىنان تىيىم سالنعان مەتاستەرون تابىلۋىنا بايلانىستى 4 جىلعا ديسكۆاليفيكاسيالاندى (2018 جىلدىڭ 15 ماۋسىمىنان – 2022 جىلدىڭ 14 ماۋسىمىنا دەيىن).

وتاندىق سپورتشى قىز 2016 جىلى ريو-دە-جانەيرودا وتكەن وليمپيادا ويىندارىندا 100 مەترگە جۇگىرۋدەن ەستافەتادا قازاقستان نامىسىن قورعاعان بولاتىن.

بۇدان بولەك، جارىستان شەتتەتىلگەن قازاقستاندىق سپورتشىلار تىزىمىنە ەرجان ۋاحيتوۆ (سپورتتىق بالىق اۋلاۋ)، دميتريي زۋەۆ، نيكولاي سامۋسەۆ، ايان تاجانوۆ، قازبەك ساعىندىكوۆ، جانىبەك قاناتبايەۆ، ناميك نەفتاليەۆ، فارۋح گۋسەينوۆ، ۆاديم لوپارەۆ (مۋايتاي)، توشالي اليكۋلوۆ (جەڭىل اتلەتيكا) بار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي