BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

پرەزيدەنت كۋبوگىندا قازاقستان بوكسشىلارى 10 التىن مەدال يەلەندى

استانادا 15 ەلدىڭ سپورتشىلارىنىڭ قاتىسۋىمەن بوكستان قر پرەزيدەنتىنىڭ كۋبوگى حالىقارالىق ٴداستۇرلى ٴتۋرنيرى مارەسىنە جەتتى، دەپ حابارلايدى baq.kz اقپارات اگەنتتىگى قبف ٴباسپاسوز قىزمەتىنە سىلتەمە جاساپ.

جالپى، قازاقستاندىق سپورتشىلار ۇيدەگى تۋرنيردە 10 التىن مەدالعا قول جەتكىزدى. قر قۇراماسى جارىستا ٴتورت قۇرامدا باق سىنادى. سونىمەن قاتار، تۋرنيرگە رەسەي، وزبەكستان، تايلاند، ٴۇندىستان، اقش، شۆەسيا، جاپونيا، قىتاي، فيليپپين جانە وزگە ەلدەردىڭ دە سپورتشىلارى قاتىستى.

ٴوز سالماق دارەجەلەرىندە ٴسانيا سۇلتانقىزى (57 كگ)، ريمما ۆولوسەنكو (60 كگ)، تەمىرتاس ٴجۇسىپوۆ (49 كگ)، ٴانۋار مۇزاپپاروۆ (52 كگ)، قايرات ەراليەۆ (56 كگ)، بەكداۋلەت يبراگيموۆ (64 كگ)، اسلانبەك شىمبەرگەنوۆ (69 كگ)، ٴابىلحان امانقۇل (75 كگ)، ابزال قۇتتىبەكوۆ (91 كگ) پەن قامشىبەك قۇنقابايەۆ (+91 كگ) چەمپيون اتاندى.

بۇدان باسقا، قازاقستاندىقتار التى كۇمىس پەن 12 قولا مەدالعا قولجەتكىزدى.

ەستەرىڭىزگە سالا كەتەيىك، وليمپيادانىڭ كۇمىس جۇلدەگەرى ۆاسيليي لەۆيت (91)، تۋرنير اياسىنداعى الدىڭعى ەكى كەزدەسۋىن نوكاۋتپەن جەڭىپ، جارتىلاي فينالدا رەسەيدىڭ 2017 جىلعى چەمپيونى 26 جاستاعى سادام ماگومەدوۆتان جەڭىلىس تاپتى. الايدا ماگومەدوۆ قازاقستاندىق ابزال قۇتتىبەكوۆتان ايلاسىن اسىرا الماي، ويسىراتا جەڭىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي