BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«رەالدان» كەتكەن رونالدۋ «يۋۆەنتۋسقا» اۋىستى

پورتۋگالدىق شابۋىلشى كريشتيانۋ رونالدۋ مادريدتىك «رەالدان» تۋريندىك «يۋۆەنتۋسقا» اۋىستى، دەپ حابارلايدى baq.kz ٴتىلشىسى.

رونالدۋ «يۋۆەنتۋسقا» اۋىسۋعا كەلىسىم بەردى. «يۋۆەنتۋستىڭ» رەسمي سايتىندا رونالدۋ ٴۇشىن يتاليالىق كلۋب «رەالعا» 100 ملن ەۋرو تولەيتىنى جازىلعان. كەلىسىمشارت 2022 جىلدىڭ 30 ماۋسىمىنا دەيىن جالعاسادى. as مالىمەتىنشە، يتاليالىقتار وعان جىلىنا 30 ملن ەۋرو جالاقى تولەيتىن بولادى. «كورولدىك» كلۋبتا رونالدۋ 2009 جىلدان باستاپ الاڭعا شىقتى. توعىز جىل ىشىندە ول كلۋب ساپىندا ٴجۇرىپ ەكى رەت يسپانيا چەمپيونى، ٴتورت رەت چەمپيوندار ليگاسىن جەڭىپ الدى.

«ومىرىمدە جاڭا كەزەڭدى اشۋدىڭ ٴساتى تۇسكەن سياقتى، سول ٴۇشىن دە كلۋبتان مەنى جىبەرۋىن ٴوتىندىم. بارلىق جانكۇيەرلەرىمە تۇسىنىستىك تانىتۋدى سۇرايمىن. توعىز جىلدىڭ ىشىندە ادام نانعىسىز فاناتتار بولدى. «رەالدا» ٴاردايىم جوعارى تالاپتار قويادى، سول سەبەپتى وسى توعىز جىلدا اسەرلى دە، قيىن دا بولدى»، - دەدى رونالدۋ كلۋبپەن قوشتاسۋ ۇندەۋىندە.

ول كلۋبتا وتكىزگەن ۋاقىت «ومىرىمدەگى ەڭ كەرەمەت ۋاقىت» دەپ جازدى. كلۋبقا العىسىن ٴبىلدىرىپ، «رەال» ەمبلەماسى جۇرەگىندە ماڭگى قالاتىنىن ايتىپ، ۋادە بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي