BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

«qazsport» جاسوسپىرىمدەر اراسىنداعى ٴىىى جازعى وليمپيادا ويىندارىن كورسەتەدى

فوتو: Prosports.kz

7 قازان كۇنى ارگەنتينا استاناسى بۋەنوس-ايرەستە جاسوسپىرىمدەر اراسىنداعى ٴىىى جازعى وليمپيادا ويىندارى جالاۋىن كوتەردى، دەپ حابارلايدى baq.kz اقپارات اگەنتتىگى.

قازاقستاندىق سپورتشىلار ٴدۇبىرلى دوداعا 41 جولداما جەڭىپ الىپ، سپورتتىڭ 22 تۇرىنەن سىنعا تۇسەدى. بۋەنوس-ايرەسكە بارلىعى 57 سپورتشى بارادى.

جاسوسپىرىمدەر وليمپياداسى 7-19 قازان ارالىعىندا وتەدى. وعان 206 ەلدەن 15-18 جاس ارالىعىنداعى 3926 سپورتشى قاتىسادى. مەدالدار جيىنتىعى 32 سپورت ٴتۇرى بويىنشا ساراپقا سالىنادى. جارىس باعدارلاماسىنا العاش رەت برەيك-دانس، كاراتە، قۇزعا ورمەلەۋ، روللەر-سپورت، جاعاجاي گاندبولى جانە فۋتزال ەندى.

2014 جىلى قىتايدىڭ نانكين قالاسىندا وتكەن جاسوسپىرىمدەر وليمپياداسىندا قازاقستاندىقتار سەگىز مەدال جەڭىپ الدى. قۇرامامىز ەلگە ٴۇش التىن، ٴبىر كۇمىس جانە ٴتورت قولا مەدالمەن ورالعان ەدى. باۋىرجان جاۋىنتايەۆ (دزيۋدو)، ابىلايحان ٴجۇسىپوۆ (بوكس) جانە قۋاتبەك مۇحامبەت (ەركىن كۇرەس) جاسوسپىرىمدەر وليمپياداسىنىڭ چەمپيونى اتاندى. جالپى ەسەپتە قازاقستان قۇراماسى 21-ورىننان كورىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي