BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

پرەزيدەنت كۋبوگىنان قازاقستان قورجىنىنا 10 مەدال ٴتۇستى

استانادا بوكستان قازاقستان رەسپۋبليكاسى پرەزيدەنتىنىڭ كۋبوگىنا vi حالىقارالىق تۋرنير مارەسىنە جەتتى. ماۋسىمنىڭ ٴ5-ى مەن 10-ى ارالىعىندا 15 مەملەكەتتىڭ الەمدىك دەڭگەيدەگى جارىستارىنىڭ جۇلدەگەرلەرى مەن چەمپيوندارى باس جۇلدەنى ساراپقا سالدى، دەپ حابارلايدى baq.kz اقپارات اگەنتتىگى.

بەلارۋس، ٴۇندىستان، جاپونيا، قىرعىزستان، موڭعوليا، قىتاي، فيليپپين، رەسەي، شۆەسيا، تاجىكستان، تايلاند، تۇركمەنستان، اقش، وزبەكستان جانە قازاقستاننىڭ مىقتى سپورتشىلارى كۇش سىناستى. ەرلەر اراسىنداعى جارىس ون سالماق ساناتىندا، ايەلدەر اراسىندا ٴتورت سالماق ساناتىندا (51، 57، 60 جانە 75 كيلوگرامم) ٴوتتى. جالپى، تۋرنيرگە 162 بوكسشى قاتىستى.

جارىس قورىتىندىسى بويىنشا استانالىق سپورتشىلار جاقسى ناتيجە كورسەتىپ، 4 مەدال جەڭىپ الدى – 2 التىن جانە 2 قولا.

ازيالىق كوماندالار اراسىنداعى بوكستان قر پرەزيدەنتى كۋبوگى ٴۇشىن تۋرنير 18 تامىز – 2 قىركۇيەك ارالىعىندا يندونەزيادا وتەتىن ازيا ويىندارى الدىندا ٴوز كۇشىڭدى سىناۋ مۇمكىندىگى بولدى.

فينالدىق جەكپە-جەكتەر جەكسەنبى كۇنى «داۋلەت» سپورتكومبيناتىندا ٴوتتى، مىنبەلەر جانكۇيەرلەرگە تولى بولدى.

قازاقستان قۇراماسىنىڭ قورجىنىنا التىندى ٴبىرىنشى بولىپ استانا قالاسى اكىمدىگىنىڭ مامانداندىرىلعان جوعارى سپورت شەبەرلىگى مەكتەبىنىڭ سپورتشىسى سانيا سۇلتانقىزى سالدى، ول اقتىق كەزدەسۋدە جاپونيالىق سپورتشىدان باسىم ٴتۇستى.

«مامىر ايىندا ايەلدەر اراسىندا بوكستان قازاقستان بىرىنشىلىگى ٴوتتى، مەن وندا ٴبىرىنشى ورىن الدىم، 57 كگ دەيىنگى سالماق ساناتىندا ەلىمىزدىڭ نامىسىن قورعاۋ ۇلكەن جاۋاپكەرشىلىك. بۇل جارىسقا مىقتاپ دايىندالدىم، بۇكىل كۇشىمدى سالۋعا تىرىستىم، العا قويعان ۇلكەن ماقساتىم بار، قالپىما كەلىپ، ازيا ويىندارىنا دايىندالۋ ٴۇشىن بىرەر ۋاقىت»، - دەيدى سانيا سۇلتانقىزى.

ەكىنشى التىن جۇلدەگە ايەلدەر اراسىنداعى بوكستان 2018 جىلعى قازاقستان چەمپيونى ريمما ۆولوسەنكو قول جەتكىزدى، سپورتشى 60 كگ دەيىنگى سالماقتا جۇدىرىقتاستى.

«قارسىلاستار ٴارتۇرلى بولادى، ٴارقايسىسىنىڭ ىڭعايىن تابا ٴبىلۋ كەرەك، جەڭىسكە قول جەتكىزۋ وڭاي ەمەس. مەن قازاقستان رەسپۋبليكاسىنىڭ چەمپيوناتىنان كەيىن كۇشىمدى جينادىم، جەڭىسكە جەتكەنىمە قۋانىشتىمىن، باپكەرىم بەرىك مارجىقپايەۆقا، جانكۇيەرلەرىمە العىس ايتامىن»، - دەيدى ريمما ۆولوسەنكو.

بۇدان باسقا، حالىقارالىق جارىستا استانا قالاسىنىڭ مامانداندىرىلعان جوعارى سپورت شەبەرلىگى مەكتەبىنىڭ سپورتشىسى ٴىلياس سۇلەيمەنوۆ قولا جۇلدە جەڭىپ الدى، سپورتشى – 2017 جىلعى قازاقستان چەمپيونىحالىقارالىق جارىستاردىڭ كوپ دۇركىن جەڭىمپازى. سۇلەيمەنوۆ پرەزيدەنت كۋبوگىنىڭ ¼ كەزەڭىندە تايلاند بوكسشىسىنان باسىم ٴتۇسىپ، جارتىلاي فينالعا شىقتى. ٴبىراق امەريكالىق سپورتشىعا ەسە جىبەرگەن ول قولا جۇلدەنى قاناعات تۇتتى.

ەكىنشى قولا جۇلدە ريو-دە-جانەيرودا وتكەن وليمپيادانىڭ كۇمىس جۇلدەگەرى ۆاسيليي لەۆيتتىڭ ەنشىسىندە، ول جارتىلاي فينالدا رەسەيلىك سپورتشى سادام ماگومەدوۆتەن جەڭىلىپ قالدى.

جالپى قازاقستان رەسپۋبليكاسى پرەزيدەنتى كۋبوگىنىڭ قورىتىندىسى بويىنشا بوكستان ەل قۇراماسىنىڭ سپورتشىلارى 10 مەدال ولجالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي