BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

وليمپياداعا بارىپ جەڭىسكە جەتكىم كەلەدى – يليا يلين

فوتو: ашық дереккөзден

اۋىر اتلەتيكادان ٴتورت دۇركىن الەم چەمپيونى يليا يلين دوپينگكە قاتىستى جارىستان شەتتەتۋ مەرزىمى اياقتالعان سوڭ جۋرناليستەر الدىندا قازىرگى جاعدايىمەن جانە الداعى جوسپارىمەن ٴبولىستى، دەپ حابارلايدى baq.kz ٴتىلشىسى.

«قازاقستان چەمپيوناتىنا قاتىسامىن، كەلەسى جىلى 5 جارىس بار. ول جارىستاردا التىن الۋدى ەمەس، بەلگىلەنگەن بالل جيناپ وليمپيادا ليسەنزياسىن الۋدى كوزدەپ وتىرمىن. جىلىنا ٴبىر ەمەس، بىرنەشە جارىسقا قاتىسۋ بۇرىننان ويىمدا ٴجۇردى. ارينە، وليمپياداعا بارىپ جەڭىسكە جەتكىم كەلەدى»، - دەدى سپورتشى.

ول ٴوزىنىڭ قازاقستان قۇراماسىنىڭ مۇشەسى بولسا دا جەكە دايىندالا بەرەتىنىن ايتتى.

«قازاقستاننىڭ تۋى استىندا جارىستارعا قاتىسامىن. بۇعان دەيىن ٴاردايىم تۇعىرعا كوتەرىلدىم، جەڭىسكە جەتتىم. بىرگە جۇمىس ىستەيتىن بولامىز، دەسەك تە ازىرگە ۋاقىتى كەلگەن جوق. باسشىلىقتان جەكە جۇمىس ىستەۋدى سۇرادىم، بىرگە دايىندالۋعا ٴالى دايىن ەمەسپىن. قازاقستان چەمپيوناتىن جەڭگەن سوڭ عانا بىرنارسە دەۋگە بولادى. بالالاردى ساعىندىم. ٴقازىر وسىلاي جۇمىس ىستەيمىن. ۋاقىتى كەلگەن سوڭ بىرگە جاتتىعامىز»، - دەدى يلين وكق-دا وتكەن ٴباسپاسوز ٴماسليحاتىندا.

وسىعان دەيىن حالىقارالىق اۋىر اتلەتيكا فەدەراسياسى قازاقستان قۇراماسىنا توكيو وليمپياداسىنا قاتىسۋعا ەكى عانا ليسەنزيا بولگەن بولاتىن. ٴيليننىڭ ايتۋىنشا بۇل جاعداي الداعى ۋاقىتتا وزگەرۋى مۇمكىن.

«دوپينگكە قاتىستى بۇزۋشىلىق كوپ بولعاندا فەدەراسيالارعا بەلگىلەنگەن سانكسيالار سالادى. ٴبىراق مەن ٴبارى جاقسى بولادى دەپ ويلايمىن. حالىقارالىق فەدەراسيا بىزگە جىلى قارايدى، سەبەبى ٴبىز دوپينگپەن كۇرەستە كوپ ٴىس جاسايمىز. ٴبىز شىنىمەن اتلەتتەرىمىزگە كوپ سانكسيا جاسايمىز. فەدەراسيا كەلىسىپ، وليمپيادا ويىندارىندا كوبىرەك ليسەنزيا الامىز دەپ ويلايمىن»، - دەدى اتلەت.

جۋرناليستەردىڭ ٴبىرى سپورتشىدان مەملەكەتتىك قىزمەتكە قايتا شاقىرىپ جاتسا قانداي شەشىم قابىلدايتىنىن سۇرادى.

«مەملەكەتتىك قىزمەتكە اۋىسۋعا ٴالى ەرتە. 42 كەلىپ جاتسام مۇمكىن. بەلگىلەنگەن كەزەڭدەردەن ٴوتۋىم كەرەك. ازىرگە مەملەكەتتىك قىزمەت دەگەن ماعان قايدا»، - دەپ جاۋاپ بەردى يلين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي