BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

نۇرتاي سابيليانوۆقا تۋرنيككە تارتىلۋعا ۇسىنىس تاستالدى

فوتو: ҚР МСМ

قازاقستاندىق بەلگىلى توپ «مەلومەن» جىگىتتەرى ٴماجىلىس دەپۋتاتى نۇرتاي سابيليانوۆقا تۋرنيككە تارتىلۋ ارقىلى، كوشە الاڭدارىنداعى جاتتىعۋعا شاقىرىپ، street workout kz بايقاۋىنا قولداۋ ٴبىلدىردى، دەپ حابارلايدى baq.kz اقپارات اگەنتتىگى مادەنيەت جانە سپورت مينيسترلىگىنە سىلتەمە جاساپ.

««مادەنيەت جانە سپورت ٴمينيسترى ارىستانبەك مۇحامەدي ۇلىنىڭ جولداۋىمەن باستاۋ العان street workout kz ەستافەتا چەللەندجدى «مەلومەن» توبىنىڭ جىگىتتەرى مەن عابيت بيباس ۇلى جانە مەن رولان قازرەتوۆ قابىلدادىق. ٴبىز ەستافەتانى ٴماجىلىس دەپۋتاتى نۇرتاي سابيليانوۆقا جانە سپورتشى جانقوش تۇراروۆقا جولدايمىز. جاسا، قازاقستان! العا، قازاقستان!»، - دەدى ارتىستەر.

بايقاۋ بارىسىندا قازاقستاندىق جۇلدىزدار ٴوز كۇشتەرىن كورسەتىپ تۋرنيكپەن برۋسيادا ٴتۇرلى جاتتىعۋ جاسادى.

ەستەرىڭىزگە سالا كەتەيىك، street workout kz بايقاۋى مادەنيەت جانە سپورت ٴمينيسترى ارىستانبەك مۇحامەدي ۇلىنىڭ باستاماسىمەن باستاۋ العان بولاتىن. ونىڭ ماقساتى - قازاقستان جاستارىنىڭ اراسىندا سپورتتى ناسيحاتتاۋ.

بايقاۋ قاتىسۋشىلارى ەكى نەگىزگى جۇلدە ٴۇشىن – ٴوز اۋىلىندا ۇلكەن سپورت الاڭىن جاساتۋعا جانە 500 مىڭ تەڭگە كولەمىندەگى اقشالاي جۇلدە ٴۇشىن تالاسقا تۇسەدى. بايقاۋ 10 ماۋسىمعا دەيىن جالعاسادى.

اتالمىش بايقاۋ بۇكىل قازاقستان بويىنشا بەلسەندى وتۋدە، ونى ٴبىرىنشى بولىپ وليمپيادا چەمپيونى سەرىك ساپيەۆ، ٴانشى قايرات نۇرتاس جانە اكتەر ٴادىل احمەتوۆ قابىلداعان بولاتىن.

ارى قاراي بايقاۋدا باحتيار ارتايەۆ، ٴىلياس سۇلەيمەنوۆ، دەنيس تەن، گاليب دجافاروۆ، ارمان چيلمانوۆ، جاقسىلىق ۇشكەمپىروۆ، يگور مەلنيچەنكو، ارداك نازاروۆ، قانات يسلام سىندى بەلگى قازاقستاندىق سپورتشىلار قاتىسىپ ٴوز كۇشتەرىن كورسەتتى.

ەستافەتا قازاقستاندىق ەسترادا جۇلدىزدارىنا دا جەتىپ، مەملەكەتتىك قىزمەتكەرلەرگە دە جولداندى، ٴتىپتى ماڭعىستاۋ وبلىسىنىڭ اكىمى ەرالى توعجانوۆ سپورت الاڭىندا ٴوز كۇشىن كورسەتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي