USD 335.71 EUR 357.36 RUB 5.23
استانا:

ٴنۇرالى اليەۆ گەنناديي گولوۆكينمەن ارىپتەستىك ورناتتى

استانا قالاسى اكىمىنىڭ ەكس-ورىنباسارى، ەلباسىنىڭ جيەن-نەمەرەسى ٴنۇرالى اليەۆ tengrinews.kz تىلشىسىنە بەرگەن سۇحباتىندا تانىمال كاسىپقوي بوكسشى گەنناديي گولوۆكينمەن ارىپتەستىگى تۋرالى ايتىپ بەردى.

ٴنۇرالى اليەۆتىڭ كومپانياسى گولوۆكين مەن بريتاندىق كەلل برۋك اراسىنداعى كەزدەسۋدىڭ دەمەۋشىلەرىنىڭ ٴبىرى بولعان. بۇل جەكپە-جەك 10 قىركۇيەكتە لوندوندا وتكەن ەدى.

«گەنناديي گولوۆكيننىڭ لوندونداعى كەزدەسۋىنە دەمەۋشىلىك جاساۋ تۋرالى ەشقانداي جوسپار بولعان ەمەس ەدى. اياق استىنان وسىلاي بولعانىن تاپىشتەپ تۇسىندىرگىم كەلىپ تۇرعان جوق. دەگەنمەن ايتا كەتەيىن، گەنناديي جەكپە-جەكتىڭ وتۋىنە ٴبىر اي قالعاندا ٴوتىنىش جاسادى. سوندىقتان تەز ارادا جاقسى دوسىما كومەكتەسۋ قاجەت بولدى. گەنناديي ٴاربىر جەكپە-جەگىنە شىققاندا ٴوزىنىڭ عانا ابىرويىن ەمەس، ەلىمىزدىڭ دە نامىسىن جوعارى دەڭگەيدە قورعاپ ٴجۇر. سول سەبەپتى بۇل دەمەۋشىلىك عانا ەمەس، ەلىمىزدىڭ بەلگىلى برەندىنىڭ ٴبىرى – ggg-گە سالىنعان ينۆەستيسيا دەپ بىلەمىن. ٴبىزدىڭ بەرىك دوستىعىمىز، ىسكەرلىك ارىپتەستىگىمىز ٴارىقاراي جالعاسا بەرەدى»، – دەيدى اليەۆ.

ايتا كەتەيىك، گولوۆكين العاش رەت ۇلىبريتانيادا كەلل برۋكپەن جەكپە-جەكتە وتكىزگەن بولاتىن. كەزدەسۋ اقىلى تۇردەگى sky sport ارناسىنان كورسەتىلدى . جەرلەسىمىز وسى جولى ٴوزىنىڭ كارەراسىنداعى 36-شى جەڭىسىنە قول جەتكىزدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي