BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

نازىم قىزايباي: شەبەرلىك ساباقتارى بالالاردىڭ جەڭىسكە دەگەن جىگەرىن ارتتىرادى

بوكستان الەم جانە ازيا جەڭىمپازدارى مەن جۇلدەگەرلەرى الماتى قالاسى اكىمدىگىنىڭ قولداۋمىەن ىسكە قوسىلعان «باتىل بول» جوباسى اياسىندا جاعدايى تومەن وتباسىدان شىققان بالالارعا شەبەرلىك ساباعىن وتكىزدى، دەپ حابارلايدى baq.kz اقپارات اگەنتتىگى.

سپورتتىق شارا ناۋرىزباي اۋدانىڭدا ورنالاسقان سپورت كەشەندەرىنىڭ بىرىندە بوكس فەدەراسياسى وكىلدەرى، وسى جوبانىڭ ديرەكتورى مۇحتار تۇرسىنوۆ جانە الماتى قالاسى دەنە شىنىقتىرۋ جانە سپورت باسقارماسىنىڭ وكىلى نۇربەك مارس ۇلىنىڭ قاتىسۋىمەن ٴوتتى.

50-دەن استام بالالار جاڭا جاتتىۋعىلارمەن تانىسىپ، اتاقتى بوكسشى قىزدار نازىم قىزايباي، بالنۇر بولاتبەك، رانو پاركاتوۆا، ارايلىم ماياسار جانە «استانا ارلانس» بوكسشىلارى داستان بەكەن، سۇلتان ابدرايموۆ، بەكجان اسقانبايمەن بىرگە ٴوز شەبەرلىكتەرىن بايقادى.

«ماعان بۇل شەبەرلىك ساباعى قاتتى ۇنادى. نازىم قىزايباي مەن ۇلگى تۇتاتىن سپورتشىلاردىڭ ٴبىرى. ٴوزىم سول كىسى جانە گەنناديي گولوۆكين مەن قانات يسلام سەكىلدى بولعىم كەلەدى. بوكسپەن اينالىسىپ جۇرگەنىمە 6 اي بولدى، بىرنەشە جارىسقا قاتسىسىپ، بىرەۋىندە قولا الدىم»، - دەيدى 10 جاسار ماردەن ەسەن.

بۇل پيلوتتىق جوبانىڭ باستى ماقساتى جاعدايى تومەن جانە كوپبالالى وتباسىدان شىققان مەكتەپ جاسىنداعى بالالاردى شاحمات، بوكس، قازاق كۇرەسى جانە توعىزقۇمالاق سپورتىن تەگىن ۇيرەتۋ بولىپ تابىلادى. جوبا ازىرشە ناۋرىزباي اۋدانىندا ىسكە قوسىلعان.

«ٴقازىر بىزدە 6-دان 17-جاسقا دەيىنگى 800 بالا بار. وسى ٴتورت سپورت ٴتۇرىنىڭ ىشىندە سۇرانىسقا شاحمات سپورتى يە. وندا 350-دەن استام ادام وقيدى. بارلىعىن ٴوز ىستەرىنىڭ ماماندارى دايىندايدى. ٴبىز ەندى قازىرگى كورسەتكىشتى ٴوسىرىپ، جىلدىڭ سوڭىنا دەيىن جاقسى ناتيجەگە قول جەتكىزەمىز دەپ ويلايمىن»، - دەيدى «باتىل بول» جوباسىنىڭ ديرەكتورى مۇحتار تۇرسىنوۆ.

ٴوز كەزەگىندە ۇيىمداستىرۋشىلار بارلىق قاتىسۋشىلار مەن سپورتشىلارعا سىيلىقتار جانە ديپلومدار سىيلادى. ەكى دۇركىن الەم چەمپيونى نازىم قىزايبادىڭ ايتۋىنشا وسىنداي شەبەرلىك ساباقتارى ٴجيى ٴوتىپ تۇرسا، بالالاردىڭ جەڭىسكە دەگەن جىگەرى ارتادى دەيدى.

«وسى بالالار اراسىندا بولاشاقتا ٴبىز سياقتى چەمپيوندار وسەدى دەپ ويلايمىن. قالا اكىمدىگىنىڭ بۇل باستاماسى وتە كەرەمەت، مەن ريزامىن»، - دەپ نازىم قىزايباي ٴوز ويىن ٴبىلدىردى.

ايتا كەتەر جايت، الماتى قالاسى اكىمدىگىنىڭ قولداۋىمەن ناۋرىز ايىنىڭ باسىندا قۇرىلعان «باتىل بول» جوباسىنىڭ باستى ماقساتى جاعدايى تومەن جانە كوپبالالى وتباسىدىن شىققان بالالار مەن جاسوسپىرىمدەردى سالاۋاتتى ٴومىر سالتىنا بەيىمدەپ، ولاردىڭ اراسىندا دارىندى سپورتشىلاردى انىقتاۋ بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي