BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

مارات جىلانبايەۆ مارافونعا شاقىرادى

فوتو: Автор

استانا، baq.kz ٴتىلشىسى. 23 جەلتوقسان كۇنى استانادا ەكىنشى قىسقى مارافون بولادى. ازيا، افريكا، امەريكا جانە اۆستراليانىڭ ەڭ ٴىرى شولدەرىن جۇگىرىپ وتكەن الەمدەگى جالعىز ادام مارات جىلانبايەۆ استانا تۇرعىندارى مەن قوناقتارىن ەكىنشى قىسقى مارافونعا شاقىرادى.

مارافونشى، الەمدىك دەڭگەيدەگى سپورت شەبەرى مارات جىلانبايەۆ قالالىقتار مەن قالا قوناقتارى مارافوندا قانشا قاشىقتىقتا جۇگىرەتىندەرىن ايتتى.

«مارافوندا 5، 10، 21، 42 شاقىرىم قاشىقتىقتا جۇگىرىپ وتەمىز. اۋا رايى جاعدايىنا قاراماي، كەز كەلگەن جەردە ٴاردايىم جۇگىرۋگە بولادى. قىستا جۇگىرۋ – دەنساۋلىققا پايدالى. قىستا جۇگىرەتىندەردىڭ يممۋنيتەتتەرى جاقسى بولادى. ەڭ باستىسى، جۇگىرۋ – ەڭ قولجەتىمدى سپورت ٴتۇرى»، - دەيدى ول.

مارافونشى مارافون نەگە باسقا ەمەس، استانا قالاسىندا وتەتىنى تۋرالى ايتتى.

«استانا – الەم بويىنشا ەڭ سۋىق قالالاردىڭ ٴبىرى. استانادا سۋىققا دا، ىستىققا دا، جەلگە دە، بورانعا دا ەتى ۇيرەنىپ قالعان مىقتى، شىدامدى ادامدار تۇرادى. سوندىقتان مارافوننىڭ بۇل قالادا ٴوتۋى تاڭ قالارلىق نارسە ەمەس. استاناداعى ترياتلون ساياباعى – قىستا تازالانىپ وتىراتىن ساياباق، سول سەبەپتى مۇندا جۇگىرۋ وتە قولايلى. ەگەر اياققا سالماقتى دۇرىستاپ ٴتۇسىرۋدى ۇيرەنسەڭىز – اياعىڭىز دا اۋىرمايدى، تىزەڭىز دە شىعىپ كەتپەيدى»، - دەيدى مارات جىلانبايەۆ.

بۇعان دەيىن مارات جىلانبايەۆتىڭ ٴومىر جولى مەن الەمدەگى ەڭ ٴىرى شولدەردى جۇگىرىپ ٴوتۋ بارىسىنداعى قىزىقتى وقيعالارى تۋرالى جازعان بوالتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي