BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

كوشپەندىلەر ويىندارىندا اۋدارىسپاققا قاتىسقان قازاقستاندىقتارعا ادىلەتسىزدىك جاسالعان

ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان ەلىمىزدىڭ سپورتشىلارى اۋدارىسپاقتان كوشپەندىلەر ويىندارىندا نەگە ەكىنشى ورىن العانىن ٴتۇسىندىردى، دەپ حاارلايدى baq.kz اقپارات اگەنتتىگى.

«اۋدارىسپاققا ٴبىزدىڭ ەڭ مىقتى بالۋاندارىمىز باردى. كىلەڭ ازيانىڭ، حالىقارالىق جارىستاردىڭ چەمپيوندارى. بەس سالماق بويىنشا بەسەۋى دە فينالعا جەتتى. ٴسويتىپ، بەسەۋىنىڭ دە فينالدا قاتارىنان جەڭىلگەنى كىم-كىمنىڭ دە كۇمانىن تۋعىزباي تۇرمايدى عوي. بۇعان دەيىن جاۋىرىندارى جەر يىسكەمەگەن، جەكپە-جەكتە بىرنەشە جىل بىردە-بىر رەت جەڭىلىپ كورمەگەن ٴبىرجان قوساليەۆتىڭ، سىرىم ٴىزباساروۆتىڭ، بيىلعى ازيا چەمپيوندارى ارمان ساعىنبايەۆ پەن ازامات سەرعازيندەردىڭ، ەرنازار بايعونوۆتىڭ ۇتىلعانى ەلەۋسىز قالدىرا سالاتىن جاعداي ەمەس قوي. ٴبىرجاندى قارسىلاسى اتپەن قاعىپ قۇلاتقان. سىرىم باسىنان قاتتى سوققى الىپ، اياعىنان دا جارقاتتانىپ، سول جەردەن اۋرۋحاناعا جونەلتىلگەن. ارينە، «پروتەستىك» حات جازىلدى. جاسىراتىنى جوق، تورەشىلەر تاراپىنان جىبەرىلگەن بۇرا تارتۋشىلىقتىڭ، ازداعان ادىلەتسىزدىكتەردىڭ جاسالعانى راس» - دەيدى بەكبولات تىلەۋحان.

الايدا ۇلتتىق سپورت تۇرلەرى قاۋىمداستىعىنىڭ پرەزيدەنتى بۇل ولقىلىقتاردى الداعى ۋاقىتتا جىبەرمەۋگە تىرىساتىنىن ايتتى.

«جارىس ٴوتىپ كەتكەن سوڭ ونىڭ ٴوزى ٴبىر ونبەيتىن داۋ سياقتى نارسە عوي. مۇنداي ادىلەتسىزدىكتەر باسقاسى باسقا، وليمپيادالىق ويىنداردا دا بولعان. جەڭىلىپ، ەسەڭگىرەپ تۇرعان بوكسشىعا جەڭىستى بەرىپ كەپ جىبەرگەندە، كەزىندەگى اتاقتى بوكسشى لەۆيتتىڭ سول ساتتە قالىڭ جانكۇيەرگە قاراتىپ «ت-س-سس!» دەپ ەسكەرتۋ جاساعانى جەر جاھانعا تاراپ كەتكەن. سول سياقتى بىزگە دە بۇل تۇستا بىر-بىرىمىزگە «ت-س-سس!» دەپ، سابىر قىلعاننان باسقا امال جوق» - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي