BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

كورەيگە قاراعاندا قازاق ەكەنىمدى ۇقتىم – دەنيس تەن ەكسكليۋزيۆ

فوتو: liter.kz

2014 جىلعى سوچي وليمپياداسىنىڭ قولا جۇلدەگەرى دەنيس تەن baq.kz تىلشىسىنە بەرگەن سۇحباتىندا ٴوز ەلىمىزدە تاربيەلەنگەن سپورتشىلاردىڭ جەتىستىككە جەتۋى قازاقستان ٴۇشىن قانشالىقتى ماڭىزدى ەكەنىن ايتتى.

«قازاقستانداعى مانەرلەپ سىرعاناۋ دەڭگەيى تۋرالى ايتساق، جاقسى جاقتارى دا، كەم تۇستارى دا بار. وسى سپورتپەن شۇعىلداناتىن بالالاردىڭ سانى ارتقانى وتە جاقسى. ولار ەڭبەكقور، بىرنارسە بولسىن ۇيرەنگىسى كەلەدى. ال كەمشىن تۇستارعا كەلەر بولساق، بىزدە سپورتشىلاردى دايىندايتىن ناقتى جۇيە جوق، كادرلار جەتىسپەيدى، كاسىبي ٴارى امبيسياسى جوعارى ماماندار تىم از»، - دەدى ول.

سپورتشى بۇل ماسەلەنى شەتەلدەن ماماندار شاقىرۋ ارقىلى شەشۋ جەتكىلىكسىز ەكەنىن ايتتى.

«وزىمىزدەن مامانداردىڭ شىققانى ماڭىزدى. باسقا ەلدەن جاتتىقتىرۋشى اكەلۋدىڭ ناتيجەسى ۇزاققا بارمايدى. ٴوز ەلىمىزدە جاتتىققان دميتريي بالاندين وليمپيادا ويىندارىندا چەمپيون اتانعان كەزدە قالاي ماقتاندىق. الماتىلىق ەكەنىن بىلەمىن، ول ٴومىر بويى وسى جەردە جاتتىقتى. وليمپيادا مەدالىن العان ناعىز فەنومەن. ٴوز ەلىڭنەن شىققان سپورتشىنىڭ وتانىن قانشالىقتى جاقسى كورەتىنىن تۇسىنەسىڭ. گولوۆكين جەڭىسكە جەتكەندەگى ماقتانىش سەزىمىن ايتىپ جەتكىزۋ قيىن. ادامدار ونىڭ قازاقستاندىق ەكەنىن، مەنتاليتەتى بىزدىكى ەكەنىن بىلەدى. مەنىڭ اتا-تەگىم كورەي بولعان سوڭ «كورەي قازاعىسىڭ با، الدە قازاق كورەيىسىڭ بە» دەپ سۇرايدى. ومىرلىك قۇندىلىقتار مەن كوزقاراستارىمدى سالىستىرا كەلە كورەيگە قاراعاندا قازاققا ۇقساس ەكەنىمدى ۇقتىم. «باسقا جەرگە كەتكەندە وتانىڭ ٴاردايىم سەنىمەن بىرگە» دەگەن ٴسوز بار. مەن مۇنى كىشىگىرىم نارسەلەردەن-اق بايقايمىن. 10 جاسىمدا ماسكەۋگە، 17 جاسىمدا امەريكاعا كەتتىم. سوندا دا جان-تانىممەن ٴوز ەلىمدە قالا بەرەتىنىمدى سەزدىم. جۇرەگى قازاقستان دەپ سوعاتىن سپورتشىلار ارتادى دەپ ۇمىتتەنەمىن»، - دەدى سپورتشى.

دەنيس تەن شەتەلدەن مامانداردى ەڭ الدىمەن قازاقستاندىق جاتتىقتىرۋشىلاردى دايارلاۋ ٴۇشىن شاقىرۋ كەرەك ەكەنىن ايتادى.

«مەنىڭ ويىمشا، ەڭ الدىمەن، جاتتىقتىرۋشىنى وقىتۋ كەرەك، سودان سوڭ سپورتشىعا ۇيرەتۋ كەرەك. بەس كۇندىك ماستەر-كلاستا ادام فيزيكالىق تۇردە كولەمدى اقپاراتتى قابىلداي المايدى. بۇل ٴۇشىن قانشاما جىلعا ارنالعان باعدارلاما قاجەت»، - دەدى دەنيس تەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي