BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قازاقستاننىڭ «اسكەر بارىسى» انىقتالدى

شىمكەنت قالاسىندا اسكەري قىزمەتشىلەر اراسىندا قازاق كۇرەسىنەن ەل بىرىنشىلىگى ٴوتتى. «اسكەر بارىسى» دەپ اتالاتىن بالۋاندار باسەكەسىندە بارلىق كۇشتىك قۇرىلىمداردان كەلگەن وتىز جىگىت ٴوزارا مىقتىنى انىقتادى، دەپ حابارلايدى baq.kz اقپارات اگەنتتىگى "حابار-24" ارناسىنا سىلتەمە جاساپ.

قورعانىس مينيسترلىگىنىڭ سپورت كوميتەتى مەن ارميا ورتالىق سپورتتىق كلۋبى ۇيىمداستىرعان سايىستا جەڭىسكە جەتكەن بالۋان «قازاقستان بارىسى» رەسپۋبليكالىق تۋرنيرىنە جولداما الادى. وتكەن جىلى «اسكەر بارىسى» ٴتۋرنيرىنىڭ جەڭىمپازى اتانعان ەلامان ەرعاليەۆ قازاقستان بارىسىن دا قوسا جەڭىپ العان بولاتىن.

سونىمەن شىمكەنت قالاسىندا وتكەن تۋرنيردە جەڭىس تۇعىرىنا قارسىلاس شاق كەلتىرمەگەن ارميا ورتالىق سپورتتىق كلۋبىنىڭ پالۋانى ەراسىل كاجىبايەۆ كوتەرىلسە، ەكىنشى ورىنعا مەملەكەتتىك كۇزەت قىزمەتىنەن كەلگەن الىبەك زەكەنوۆ يە بولدى. ال ٴۇشىنشى ورىن ۇلتتىق ۇلان وكىلى ولجاس شىنىكەەۆكە بۇيىردى.

«ماقسات ىرىكتەپ ٴبىر اسكەري قىزمەتشىنى «قازاقستان بارىسىنا» قاتىستىرۋ. ول ىرىكتەۋسىز جارىسقا قاتىسادى. 2017 جىلدىڭ «اسكەر بارىسى» ەراليەۆ ەلامان «قازاقستان بارىسى» اتاندى» - دەيدى قر قورعانىس مينيسترلىگى سپورت كوميتەتىنىڭ ٴتوراعاسى راسۋل مەيىرمانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي