BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

قازاقستاندىق سپورتشىلار گەرمانيادا وتكەن الەم كۋبوگىنان 37 مەدال اكەلدى

فوتو: mix.tn.kz

ەرەكشە قاجەتتىلىكتەرى بار ادامداردان قۇرالعان قازاقستان كومانداسى گەرمانيادا وتكەن الەم كۋبوگىندا تابىستى ناتيجە كورسەتتى، دەپ حابارلايدى baq.kz اقپارات اگەنتتىگى sports.kz سايتىنا سىلتەمە جاساپ.

قازاقستان قۇراماسىنىڭ قورجىنىندا: 13 التىن، 9 كۇمىس جانە 15 قولا مەدال. قازاقستاندىق جۇزۋشىلەر ٴتورت كۇن بويى 47 مەملەكەتتەن كەلگەن سپورتشىلارمەن باق سىناستى. ناتيجەسىندە جالپى 37 مەدالگە قول جەتكىزدى. بۇل - سوڭعى ٴۇش جىلداعى ۇزدىك ناتيجە، قۇرامانىڭ ٴار مۇشەسى ۇيگە مەدالمەن ورالادى دەگەن ٴسوز.

قازاقستان قۇراماسىندا «100 جاڭا ەسىم» جوباسىنىڭ جەڭىمپازدارى ٴزۇلفيا گابيدۋللينا (التىن جانە كۇمىس) مەن شاحان جولداسبايەۆ (قولا) بار. ٴزۇلفيا گابيدۋللينا مەن ناتاليا زۆياگينسەۆا وزگەلەرىنە قاراعاندا جوعارى ناتيجە كورسەتتى. ەكەۋى قارسىلاستارىنان باسىپ وزىپ قانا قويماي، ٴابسوليۋتتى بىرىنشىلىككە ٴوتتى. ساراپشىلار مۇنىڭ سپورتتاعى ٴىرى جەتىستىك ەكەنىن ايتادى. وتاندىق سپورتشىلاردى قولداۋعا ديپلوماتتار باردى. جەڭىمپازداردى العاش قۇتتىقتاعان دا سولار بولدى.

«ٴوز كلاسىمدا ٴبىرىنشى ورىن العانىم راس. ٴبىراق مەن ابسوليۋتتە ٴبىرىنشى ورىن العىم كەلدى. ٴالى دە تابىسقا قول جەتكىزۋ ٴۇشىن ٴارى قاراي ەڭبەكتەنۋىم قاجەت. جەتىستىكتەر قانشالىقتى كوپ بولسا، ناتيجە دە سوعۇرلىم جوعارى بولادى نەمەسە جەتكەن ناتيجەڭ جەتىستىگىڭنىڭ ايقىن كورىنىسىنە اينالادى. ٴبىزدىڭ سپورتشىلار ٴالى جاس، ەنەرگيالارى وتە كوپ. اسىرەسە، ەستافەتا كەزىندە ولار تاماشا ويىن كورسەتتى. بۇل سونداي جاقسى بولدى! بىزدەگى سپورتشىلاردىڭ بارلىعى جاقسى جانە ولاردىڭ ٴارقايسىسى سپورتتىڭ بيىك شىڭىنا شىعۋعا اسىعادى»، - دەيدى ٴزۇلفيا گابيدۋللينا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي