BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستان ۇوك ەلىمىزدىڭ بارلىق وبلىستارىندا street workout الاڭقايلارىن اشتى

وتكەن دەمالىس كۇندەرى قازاقستانننىڭ ەكى قالاسىندا street workout-پەن شۇعىلدانۋعا ارنالعان الاڭقايلاردىڭ سالتاناتتى تۇردە اشىلۋ ٴراسىمى ٴوتتى. مۇنداي سىيلىقتى قر ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىبايەۆ تارتۋ ەتكەن بولاتىن، دەپ حابارلايدى baq.kz اقپارات اگەنتتىگى.

قوستاناي قالاسىنداعى street workout الاڭقايىنىڭ اشىلۋىنا اكىمدىك وكىلدەرى، قالا تۇرعىندارى مەن قوناقتارى قاتىستى. street workout-تان ەلىمىزدەگى ەڭ مىقتى كوماندا سانالاتىن bar bars توبى تۇرعىندار الدىندا ونەر كورسەتىپ، شەبەرلىك ساعاتتارىن وتكىزدى.

ولار جەرگىلىكتى حالىقتى سپورتپەن شۇعىلدانۋعا شاقىرعان بولاتىن. اشىلۋ سالتاناتىنا قاتىسقان قالا تۇرعىندارىناقازاقستان street workout فەدەراسياسىنىڭ اتىنان سىيلىقتار تاراتىلدى.

سونداي-اق، 8 قىركۇيەك كۇنى پاۆلودار قالاسىندا ارنايى الاڭقايلار اشىلدى. سالتاناتتى ٴىس-شارانى ەركىن كۇرەستەن كسرو سپورت شەبەرى، پاۆلودار قالاسىنىڭ قۇرمەتتى ازاماتى ايتماعامبەتوۆ امانگەلدى ساپارعالي ۇلى اشتى.

ول ٴوز سوزىندە بۇقارالىق سپورتتى دامىتۋعا ولشەۋسىز ۇلەس قوسقان ەلباسىعا، ەل تۇرعىندارىنا سپورتپەن شۇعىلدانۋعا مۇمكىندىك بەرگەن ۇلتتىق وليمپيادالىق كوميتەت باسشىسىنا العىس ايتتى.

قالا تۇرعىندارى جاڭا الاڭقايلاردىڭ اشىلعانىنا ريزاشلىعىن بىلدىرسە، جاستار مەن جاسوسپىرىمدەردىڭ قۋانىشىندا شەك بولعان جوق. ايتا كەتەلىك، street workout – ەڭ قولجەتىمدى سپورت تۇرلەرىنىڭ ٴبىرى. بۇل سپورتپەن اينالىسۋ ٴۇشىن الاڭقاي مەن ەرىك-جىگەر عانا قاجەت.

2016 جىلدان بەرى ۇلتتىق وليمپيادالىق كوميتەت تۇرعىندارىنا قازاقستان street workout فەدەراسياسىمەن بىرلەسە وتىرىپ، ەل تۇرعىندارىنىڭ دەنە شىنىقتىرۋ جانە سپورتپەن اينالىسۋىنا مۇمكىندىك بەرەتىن جوبانى جۇزەگە اسىرۋدا. وتكەن جىلى قر ۇوك باسشىسىنىڭ باستاماسىمەن ەلىمىزدە 60-تان اسا الاڭقايلار پايدا بولدى.

ارنايى سپورت الاڭقايى الماتى، اقتاۋ، اقتوبە، جاڭاوزەن، شىمكەنت، قىزىلوردا، تاراز، قاراعاندى، كوكشەتاۋ، سەمەي، وسكەمەن جانە استانا قالالارىندا اشىلدى. ەندى اتالعان تىزىمگە قوستاناي مەن پاۆلودار ەنىپ وتىر.

تيمۋر ق ۇلىبايەۆتىڭ قولداۋىمەن قازاقستان بويىنشا 80 سپورت الاڭى اشىلىپ، قازاقستان street workout-تى قارقىندى دامىتىپ وتىرعان ۇزدىك ٴۇش ەلدىڭ قاتارىنا ەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي