BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان تاەكۆوندودان ازيا چەمپيوناتىندا 22 مەدال يەلەندى 

استانا، baq.kz. قازاقستان مالايزيا استاناسى كۋالا-لۋمپۋردا وتكەن itf تاەكۆوندودان ازيا چەمپيوناتىنا ٴبىرىنشى رەت قاتىسىپ وتىر. ەل قورجىنىندا 14 التىن، 2 كۇمىس پەن 6 قولا مەدال بار. بۇل جونىندە استانا اكىمدىگى حابارلادى.

"سپورتشىلارعا ۇلكەن ٴۇمىت پەن جاۋاپكەرشىلىك جۇكتەلدى. ەندى ٴبىز قۇراما كوماندا لايىقتى جارىس كورسەتتى دەي الامىز. ۇزدىكسىز ەڭبەك پەن باپكەرلەردىڭ ستراتەگيالىق دۇرىس ويلاستىرىلعان جۇمىسى، اتا-انالاردىڭ قولداۋى ارقاسىندا ولار جوعارى ناتيجەگە قول جەتكىزدى"، - دەپ جازىلعان حابارلامادا.

ٴار ەلدەن بارلىعى 600-گە جۋىق سپورتشى ٴوز شەبەرلىكتەرىن كورسەتۋ ٴۇشىن كەلگەن. ازيا چەمپيونى اتاعى ٴۇشىن مالايزيا، يران، سۋدان، قىتاي، قازاقستان جانە تاعى ٴبىرقاتار ەل تالاستى.

قازاقستاننىڭ ۇلتتىق قۇراماسىن 12 سپورتشى تانىستىردى: بولات بيبارىس، ەسقاليەۆ ايدىن، امانگەلدينوۆ ارسەن، ماۋلەن ايبەك، ەگيزبايەۆ ايبەك، انوحين ستەپان، نۇرپەرزەنتوۆا ەكاتەرينا، ونجانوۆا جادىرا، سوي ۆياچەسلاۆ، سايدالين تالعات، ني يگور جانە انۋاربەك يسلام.

ەكى التىن مەدال مەن ٴابسوليۋتتى ازيا چەمپيونى اتاعىن يەلەنگەندەر: انوحين ستەپان، سايدالين تالعات جانە ەكاتەرينا نۇرپەرزەنتوۆا مەن بولات بيبارىس. ول نەبارى 8 جاستا جانە تۋرنيردەگى ەڭ جاس سپورتشى.

سونداي-اق، قازاقستان قورجىنىنا التىن مەدال اكەلگەندەر: امانگەلدينوۆ ارسەن، ەسقاليەۆ ايدىن، سوي ۆياچەسلاۆ، انۋاربەك يسلام. ال ونجانوۆا جادىرا كۇمىس مەدال جەڭىپ السا، ەگيزبايەۆ ايبەك، ماۋلەك ايبەك، ني يگور قولا جۇلدەلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي