USD 334.89 EUR 361.61 RUB 5.28
استانا:

قازاقستان فۋتبول فەدەراسياسىنىڭ جاڭا پرەزيدەنتى سايلاندى

بۇگىن استانادا قازاقستان فۋتبول فەدەراسياسىنىڭ xiv كەزەكتەن تىس سايلاۋ كونفەرەنسياسى ٴوتىپ، جاڭا پرەزيدەنت سايلاندى، دەپ حابارلايدى baq.kz ٴتىلشىسى.

ەرلان قوجاعاپانوۆ ٴوز ەركىمەن قىزمەتىنەن كەتكەن سوڭ، كەزەكتەن تىس سايلاۋ ۇيىمداستىرىلعان ەدى. فەدەراسيا پرەزيدەنتتىگىنە جالعىز ۇمىتكەر تىركەلگەن. بۇل قىزمەتكە ارداگەر فۋتبولشى، ٴبىر كەزدەرى قازاقستان فۋتبول وداعىن باسقارعان، سوڭعى ۋاقىتتا فەدەراسيا پرەزيدەنتى مىندەتىن اتقارىپ جۇرگەن سەيىلدا بايشاقوۆ سايلاندى. كونفەرەنسياعا قاتىسقان قفف وكىلدەرى مەن فەدەراسيا اتقارۋشى كوميتەتىنىڭ مۇشەلەرى ٴبىراۋىزدان قولداپ، داۋىس بەردى. ەندى سەيىلدا يكرام ۇلى بۇل قىزمەتى 2020 جىلعا دەيىن اتقارادى.

سەيىلدا يكرام ۇلى بايشاقوۆ 1950 جىلدىڭ 28 تامىزىندا دۇنيەگە كەلگەن.

«قايرات» فك (الماتى) مەن كسرو ۇلتتىق قۇراماسىندا وينادى.

ٴارتۇرلى قىزمەتتەردى اتقاردى:

- «قايرات» فۋتبول كلۋبى» اق ٴبىرىنشى ۆيسە-پرەزيدەنتى;

- قر شاعىن فۋتبول قاۋىمداستىعىنىڭ پرەزيدەنتى;

- قفف بالالار جانە جاسوسپىرىمدەر فۋتبولىنىڭ جەتەكشى مامانى;

- قازاقستان فۋتبول وداعىنىڭ ۆيسە-پرەزيدەنتى;

- قازاقستان فۋتبول وداعىنىڭ تورەشىلەر كوميتەتىنىڭ ٴتوراعاسى;

- ۇلتتىق فۋتبول ليگاسىنىڭ ديرەكتورى;

2007 جىلدىڭ 28 تامىزىنان باستاپ – قفف ۆيسە-پرەزيدەنتى;

2013 جىل – تەحنيكالىق كوميتەتتىڭ ٴتوراعاسى;

2016 جىلدىڭ 19 قازانىنان باستاپ – قفف پرەزيدەنتىنىڭ مىندەتىن اتقارۋشى;

كسرو سپورت شەبەرى، حالىقارالىق دارەجەدەگى سپورت شەبەرى، قر ەڭبەك سىڭىرگەن جاتتىقتىرۋشىسى;

قر ارداگەرلەر فۋتبولى وداعىنىڭ پرەزيدەنتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي