USD 334.89 EUR 361.61 RUB 5.28
استانا:

قازاقستان» ارناسى «ەۋرازيا بارىسىن» كورسەتەدى

1 جەلتوقسانىندا «الماتى ارەنا» (الماتى ق.) مۇز سارايىندا وتەتىن «ەۋرازيا بارىسى» ٴداستۇرلى حالىقارالىق ٴتۋرنيرىن «قازاقستان» ۇلتتىق تەلەارناسى ساعات 13:00- دەن باستاپ تىكەلەي ەفيردە كورسەتەدى، دەپ حابارلايدى baq.kz .

2013 جىلدان وتكىزىلىپ كەلە جاتقان بايراقتى باسەكەگە بيىل 8 ەلدىڭ بالۋانى كەلەدى. بۇل جولعى دوداعا قازاق باتىرلارىنان وزگە گرۋزيا، موڭعوليا، پولشا، رەسەي، تاجىكستان، تۇركيا، وزبەكستان سپورتشىلارى قاتىسادى. بيىلعى تۋرنير قاتىسۋشىلارىنىڭ اراسىندا الەمدىك جۇلدىزدار كوپ. گرۋزيا قۇراماسى اتىنان سامبودان ٴتورت مارتە چەمپيون ۆ.چيدراشۆيلي، ەۋروپانىڭ ەكى دۇركىن چەمپيونى د.لاريوشۆيلي، الەم مەن ەۋروپا چەمپيوناتتارىنىڭ جەڭىمپازدارى شىعادى. موڭعوليانىڭ نامىسىن سامبو بويىنشا الەم چەمپيونى ا.باياراا، دزيۋدودان الەمدىك گران-پريلەر جەڭىمپازى ح.گانبولد، سونداي-اق «ەۋرازيا بارىسى» ٴتۋرنيرىنىڭ 2014 جىلعى جەڭىمپازدارى قورعايدى.

ال قازاقستاننىڭ نامىسىن قورعايتىن سپورتشىلار اراسىندا قاجىمۇقاننىڭ مۇراگەرلەرى اتىنا لايىق مارات نىعماتۋللايەۆ، ەرجان ماعاۋينوۆ، باقداۋلەت ٴسابيتوۆ، ايدوس عالىموۆ، داۋلەت پاحريدەنوۆ، ايبول ايتبەك جانە مۇحيت تۇرسىنوۆ پەن ايبەك نۇعىماروۆ سەكىلدى سوم بىلەكتى، ارىستان جۇرەكتى جىگىتتەر بار.

«قازاقستان» ۇلتتىق تەلەارناسى ٴباسپاسوز قىزمەتىنىڭ مالىمەتىنشە، ٴار كوماندا 1 تورەشى، 1 باپكەر جانە 8 سالماق دارەجەسىندە شىعاتىن (55 كەلى، 60 كەلى، 66 كەلى، 74 كەلى، 82 كەلى، 90 كەلى، 100 كەلى جانە 100 كەلىدەن جوعارى) 8 بالۋاننان تۇرادى. بالۋانداردىڭ جاسى مىندەتتى تۇردە 18-دەن اسقان جانە ٴوزى كەلگەن ەلدىڭ ازاماتى بولۋى شارت. سونىمەن قاتار، ولار مىندەتتى تۇردە مەديسينالىق تەكسەرۋدەن، سالماق ولشەۋدەن، دوپينگ-تەستتەن جانە دايىندىق جاتتىعۋدان وتەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي