BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قاراعاندىدا سال اۋرۋىنا شالدىققان بالالارعا ارنالعان فۋتبول مەكتەبى اشىلادى

فوتو: FonWall

استانا، baq.kz. قاراعاندىدا سال اۋرۋىنا شالدىققان بالالار ٴۇشىن فۋتبول مەكتەبىن قۇرۋ تۋرالى مەموراندۋمعا قول قويىلدى. بۇل تۋرالى قاراعاندى وبلىسى اكىمدىگىنىڭ ٴباسپاسوز قىزمەتى مالىمدەدى.

كەلىسىم التى ۆەدومستۆو اراسىندا جاسالدى: قاراعاندى وبلىستىق ٴبىلىم باسقارماسى، دەنە شىنىقتىرۋ جانە سپورت باسقارماسى، «شاحتەر» فك، «نۇر وتان» پارتياسىنىڭ قاراعاندى وبلىستىق فيليالى، ٴبىلىم مينيسترلىگىنىڭ دەنە شىنىقتىرۋ عىلىمي-ساياسي ورتالىعى جانە قازاقستان فۋتبول فەدەراسياسىنىڭ بۇقارالىق فۋتبول دەپارتامەنتى.

«بۇل وتە ماڭىزدى الەۋمەتتىك جوبا، بىزگە سال اۋرۋىنا شالدىققان بالالاردى قولداۋ قاجەت. وكىنىشكە وراي، بىزدە وسىنداي دياگنوزى بار ادامدار كوپ. فۋتبول مەكتەبىندە سونىمەن قاتار شالعايداعى اۋىلداردان كەلگەن بالالار دا سپورتپەن شۇعىلدانا الادى. ولار قاراعاندى تەحنيكالىق-قۇرىلىس كوللەدجى بازاسىندا قۇرىلاتىن ينتەرناتتا مەكەندەي الادى. قازىرگى تاڭدا وندا فۋتبول الاڭىن سالۋ بويىنشا قۇرىلىس جۇمىستارى باستالىپ كەتتى»، - دەدى قازاقستان فۋتبول فەدەراسياسىنىڭ بۇقارالىق فۋتبول دەپارتامەنتىنىڭ ديرەكتورى ەرلان جامانتايەۆ.

فۋتبول مەكتەبى سال اۋرۋىنا شالدىققان 10 جاستان جوعارى 70 بالانى قابىلداي الادى. ەرەكشە بالالارعا ارنالعان ويىن شارتتارى دا وزگەشە بولادى: كوماندالار 7 ادامنان قۇرالادى، ماتچ 20 مينۋتتىق ەكى تايمعا بولىنگەن.

ەرەكشە بالالارعا ارنالعان سپورت مەكتەبىن قۇرۋ جوباسىن ۋەفا دا قولدادى. اتالمىش فەدەراسيانىڭ ماماندارى قاراعاندىعا كەلىپ، «شاحتەر» فك ۇسىناتىن جاتتىقتىرۋشىلاردى مۇمكىندىگى شەكتەۋلى بالالارمەن جۇمىس ىستەۋ شەبەرلىگىنە ۇيرەتۋدى جوسپارلاپ وتىر.

كەلەسى جىلى قاراعاندىنىڭ فۋتبولشىلارى سال اۋرۋىنا شالدىققان بالالار اراسىنداعى فۋتبول بويىنشا الەم چەمپيوناتىنا قاتىسادى دەگەن جوسپار بار.

بۇگىنگى تاڭدا وسىنداي مەكتەپ الماتى قالاسىندا جۇمىس ىستەيدى. ونى اعىمداعى جىلدىڭ مامىرىندا اشقان. ەستەرىڭىزگە سالا كەتەيىك، وتكەن جىلى قازاقستان فۋتبول فەدەراسياسى سال اۋرۋىنا شالدىققان بالالار اراسىنداعى حالىقارالىق فۋتبول فەدەراسياسىنا ەنىپ، ٴبىرىنشى چەمپيوناتىن وتكىزگەن بولاتىن. قازاننىڭ ٴ1-ى مەن ٴ5-ى ارالىعىندا وتكەن بيىلعى جىلعى چەمپيوناتقا الماتى سپورت مەكتەبىنىڭ تاربيەلەنۋشىلەرى قاتىسىپ ۇلگەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي