BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

«كانەلو» گولوۆكينگە تابىستى ٴبولىسۋ تۋرالى جاڭا ۇسىنىس جاسادى

مەكسيكالىق بوكسشى ساۋل «كانەلو» الۆارەستىڭ (49-1-2، 34 كو) ٴىسىن جۇرگىزەتىن golden boy promotions پروموۋتەرلىك كومپانياسى ورتا سالماقتاعى wbc، wba (super) جانە ibo نۇسقاسى بويىنشا الەم چەمپيونى گەنناديي گولوۆكينگە (38-0-1، 34 كو) قارىمتا كەزدەسۋدەن تۇسكەن تابىستى بولىسۋگە قاتىستى جاڭا ۇسىنىس ايتتى، دەپ حابارلايدى baq.kz اقپارات اگەنتتىگى vesti.kz پورتالىنا سىلتەمە جاساپ.

قوس بوكسشى اراسىنداعى جەكپە-جەك وسى جىلدىڭ قىركۇيەگىندە ٴوتۋى مۇمكىن.

golden boy promotions اتالعان كەزدەسۋدەن تۇسەتىن تابىستى الۆارەستىڭ پايداسىنا 57،5% تە 42،5% دەپ ٴبولۋدى ۇسىنىپ وتىر. بۇل تۋرالى اتالعان كومپانيانىڭ پرەزيدەنتى ەريك گومەس espn تەلەارناسىنا بەرگەن سۇحباتىندا مالىمدەدى.

الايدا ولار گولوۆكينگە شەشىم قابىلداۋعا از ۋاقىت بەرگەن. قازاقستاندىق بوكسشى اتالعان ۇسىنىستى cارسەنبى كۇنى تىنىق مۇحيت ۋاقىتىمەن ساعات 12-گە دەيىن كەشىكپەي قابىلداۋى ٴتيىس (استانا ۋاقىتىمەن 14 ماۋسىم، تۇنگى ساعات 01:00-گە دەيىن). ەگەر گولوۆكين بۇل ۇسىنىستى قۇپ كورمەسە، الۆارەس كەزەكتى جەكپە-جەكتى وتكىزۋ ٴۇشىن اقش-تىڭ ەكس-چەمپيونى دەنيەل دجەيكوبسپەن (34-2، 29 كو) كەلىسىمگە قول قويادى. ٴتىپتى مەكسيكالىق بوكسشى 15-قىركۇيەككە لاس-ۆەگاس قالاسىنداعى t-mobile ارەناسىن برونداپ قويعان.

وسى ورايدا مەكسيكالىق بوكسشى ساۋل «كانەلو» الۆارەستىڭ پروموۋتەرى golden boy promotions كومپانياسىنىڭ پرەزيدەنتى ەريك گومەس قازاقستاندىق گەنناديي گولوۆكينگە قويعان تالاپقا قاتىستى ٴوز پىكىرىن ٴبىلدىردى. ونىڭ ايتۋىنشا، ولار گولوۆكينگە قىركۇيەكتە بولۋى مۇمكىن قارىمتانىڭ كىرىسىن ٴبولىسۋ تۋرالى سوڭعى ۇسىنىستارىن ايتقان.

«بۇل سوڭعى ۇسىنىس. ٴبىز بارلىق كەدەرگىدەن وتتىك، ەندى ەشقانداي كەزدەسۋ بولمايدى. گولوۆكين تۇسكە دەيىن شەشىم قابىلداسىن نەمەسە باس تارتادى. باس تارتسا – جولى بولسىن. قارىمتانى وتكىزۋ ٴۇشىن بارىمىزدى سالىپ جاتىرمىز. كانەلو «بۇل جەكپە-جەكتى جانكۇيەرلەر ٴۇشىن وتكىزگىسى كەلەدى، سول ٴۇشىن عانا جەڭىلدىكتەرگە باردىق»، - دەيدى ەريك گومەس.

سونىمەن قاتار ول قارىمتا كەزدەسۋدەن تۇسەتىن پايدانىڭ تەڭ بولىنەتىنىن اتاپ ٴوتىپ، ونىڭ بۇل جاعدايمەن كەلىسپەيتىنىن اشىق ايتتى.

«باستاپقىداعى كەلىسىم گولوۆكينگە ۇلەستىڭ 35 پايىزىن بەرۋ ەدى. ٴبىراق كەيىن ول 50-50 العىسى كەلدى. بۇل كۇلكىلى. قارسى ۇسىنىس جاساۋ ٴۇشىن ٴبىز جەڭىلدىككە بارۋعا دايىنبىز. الايدا سەيسەنبىدە توم لەففلەرگە قوڭىراۋ شالىپ، ولاردا شەشىم قابىلداۋعا 24 ساعات بارىن ايتتىم. ايتپەسە ٴبىز دەنيەل دجەيكوبسپەن جۇدىرىقتاسامىز. ول گولوۆكينمەن سويلەسىپ، كوندىرۋگە تىرىساتىنىن ايتتى. ٴقازىر گولوۆكينگە وتە ۇلكەن قارجى ۇسىنىلىپ وتىر. ەگەر ول باس تارتسا، مۇنشا اقشانى باسقا جەردەن ەشقاشان كورمەيدى. بۇل ماسەلە تالاي رەت ٴسوز ەتىلدى»، - دەيدى golden boy promotions كومپانياسىنىڭ پرەزيدەنتى.

ەستەرىڭىزگە سالا كەتەيىك، گولوۆكين مەن «كانەلو» اراسىنداعى العاشقى جەكپە-جەك 2017 جىلدىڭ 16 قىركۇيەگىندە لاس-ۆەگاستاعى t-mobile ارەناسىندا ٴوتىپ، تورەشىلەر شەشىمى بويىنشا كەزدەسۋ تەڭ اياقتالعان.

ول كەزدە قازاقستاندىق بوكسشى تۇسكەن تابىستىڭ 30%ٴ-ىن عانا العان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي