BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

گولوۆكيننىڭ جاتتىقتىرۋشىسى دوپينگپەن ۇستالعان الۆارەستى جازالاۋدى ۇسىندى

فوتو: Sports.kz

ورتا سالماقتاعى wba (super)، ibo، wbc جانە ibf چەمپيوندىق بەلبەۋلەرىنىڭ يەگەرى گەنناديي گولوۆكيننىڭ (37-0-1، 33 كو) جاتتىقتىرۋشىسى ابەل سانچەس مەكسيكالىق بوكسشى ساۋل «كانەلو» الۆارەستى (49-1-2، 34 كو) جازالاۋدىڭ جولدارىن ۇسىندى، دەپ حابارلايدى baq.kz اقپارات اگەنتتىگى vesti.kz پورتالىنا سىلتەمە جاساپ.

«كانەلو» قارىمتا كەزدەسۋگە 2 اي ۋاقىت قالعاندا ۇستالىپ قالدى. بىردەن ونىڭ ەكى سىناماسىنان تىيىم سالىنعان كلەنبۋتەرول پرەپاراتى تابىلدى. مەكسيكالىق بوكسشىنىڭ كومانداسى مۇنى تاعامعا قوسىلىپ كەتكەن دەپ اقتالىپ وتىر. الايدا ابەل سانچەس مۇنداي دالەلدەر ورىنسىز ەكەنىن ايتىپ، «الۆەرەستىڭ ٴىسى» ادىلەتتى تەرگەلەدى دەگەن ۇمىتتە ەكەنىن جاسىرمادى.

«مەنىڭ تاراپىمنان بۇل تاقىرىپتى ٴوز ماقساتىما كوزدەپ، ٴسوز قوزعاۋ ادەپسىزدىك بولار ەدى. مەنىڭ ويىمشا، ساراپشىلار مۇقيات زەرتتەۋ جۇرگىزۋ قاجەت. مەن مۇنداي ٴىستى «جىلى جاۋىپ قويا سالۋعا بولمايدى» دەگەن پىكىردەمىن. بۇل – بوكس ٴۇشىن جانە ٴبىزدىڭ سپورتتىڭ بولاشاعى ٴۇشىن ٴقاۋىپتى. وعان ٴوزىنىڭ «تازا» ەكەنىن دالەلدەۋ كەرەك ەدى نەمەسە ول سپورتتان شەتتەتىلىپ، ايىپپۇلدى تولەۋ قاجەت بولاتىن. ەگەر ٴتيىستى شارالار قولدانىلماسا، ٴبىزدى پروبلەمالار كۇتىپ تۇر»، - دەدى ابەل سانچەس sky sports باسىلىمىنا بەرگەن سۇحباتىندا.

سونىمەن قاتار، ول گەنناديي گولوۆكيننىڭ اتالعان جاعدايدان كەيىن قانداي كوڭىل-كۇيدە بولعانىن ايتتى.

«وسىدان كەيىن گەننادييدىڭ كوڭىل-كۇيى بولعان جوق. ونىڭ «كانەلونىڭ» كومانداسىنان كوڭىلى قالدى. سەبەبى، ولار تاماقتانۋ ماسەلەسىنە دۇرىس قاراماعان. ٴبىراق ول بۇل ويىننىڭ ٴبىر بولىگى ەكەنىن بىلەدى. سوندىقتان گولوۆكين جاتتىعۋىن جالعاستىرۋدا. مەنىڭ ويىمشا، بارلىعى جاقسى بولادى. ٴبىز ماسەلەنىڭ انىق-قانىعى انىقتالعانشا جاتتىعۋىمىزدى جالعاستىرا بەرەمىز»، - دەپ تۇيىندەدى ٴسوزىن ابەل سانچەس.

ايتا كەتەيىك، وسىعان دەيىن ساۋل «كانەلو» الۆارەستىڭ سىناماسىنان تىيىم سالىنعان پرەپارات تابىلعان. ونىڭ كومانداسى مۇنى تاعامعا قوسىلىپ كەتكەن دەپ اقتالىپ وتىر.

ەستەرىڭىزگە سالا كەتەيىك، بىلتىر گولوۆكين-الۆارەس اراسىنداعى جەكپە-جەكتە جەڭىمپاز انىقتالماعان. تورەشىلەر تەڭ ويىن بولدى دەپ ەكەۋىنىڭ دە قولىن كوتەرگەن.

ەندى قوس بوكسشى اراسىنداعى ەكىنشى كەزدەسۋ 5 مامىر كۇنى لاس-ۆەگاستاعى t-mobile arena-دا وتەدى.

اتالعان كەزدەسۋدە گەنناديي گولوۆكين ٴوزىنىڭ بارلىق چەمپيوندىق بەلبەۋىن باسكە تىگەدى. ال الۆارەس وزىنە تيەسىلى the ring بەلبەۋىن جانە ورتا سالماقتاعى جەلىلىك چەمپيون بەلبەۋىن ساراپقا سالماق.

ال بۇعان دەيىن الەمگە تانىمال بوكسشىلاردىڭ كانەلونى سپورتتان ٴبىرجولاتا الاستاتۋ كەرەك دەگەن پىكىرلەرى جاريالانعان. سونداي-اق وسىعان قاتىستى گەنناديي گولوۆكيننىڭ باپكەرى ابەل سانچەس «كانەلونىڭ» دوپينگ ٴىسىنىڭ ٴادىل تەرگەلەتىنىنە كۇمانمەن قارايتىنىن ايتقان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي