BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

گولوۆكيننىڭ العاشقى مۇراجايىنان نەنى كورۋگە بولادى؟

فوتو: автор

تورتكۇل دۇنيەگە تانىمال ايگىلى بوكسشى گەنناديي گولوۆكينگە تۋعان جەرى قاراعاندىدا مۇراجاي اشىلعان بولاتىن. baq.kz ايماقتاعى ٴتىلشىسى داڭقتى سپورتشىنىڭ جەتىستىكتەرى كورسەتىلگەن مۇراجايدا بولىپ، ەكسپوناتتارمەن تانىسىپ قايتقان بولاتىن.

گ. گولوۆكيننىڭ بالالىق شاعى وتكەن، ونىڭ العاش رەت بوكس الەمىنە قادام باسقان مايقۇدىق اۋدانىندا بىلتىر سپورت كەشەنى اشىلىپ، وعان اتاقتى بوكسشىنىڭ اتى بەرىلگەن. وسى سپورت سارايىندا گەنانىڭ سپورتتاعى جەتىستىكتەرىن وسكەلەڭ ۇرپاققا كورسەتۋ ماقساتىندا كىشىگىرىم مۇراجاي اشىلعان بولاتىن.

اۆتور

سپورت كەشەنى باسشىسىنىڭ ايتۋىنشا ەكسپوناتتاردى مۇراجايعا گەننادييدىڭ اناسى سىيلاعان.

«كۋميرىمىزدىڭ جەتىستىكتەرىن كورسەتەتىن، جەرلەستەرى ونىمەن ماقتانا الاتىن شاعىن بولسا دا مۇراجاي اشۋ ويىمىزدا بولعانتىن. سەبەبى بۇل سپورت كەشەنى گەنناديي گولوۆكيننىڭ اتىندا. ياعني ٴبىزدىڭ ورتالىقتاعى بالالار ونىڭ گراموتالارى مەن كۋبوكتارىن، العىس حاتتارىن، بوكسەرلىك قولعابىن كورۋلەرى قاجەت. ٴوسىپ كەلە جاتقان ۇرپاق وسىعان قاراپ مىقتى بولۋعا، جەتىستىكتەرگە جەتۋگە ۇمتىلاتىن بولادى»، - دەيدى دەنەشىنىقتىرۋ-ساۋىقتىرۋ كەشەنىنىڭ جەتەكشىسى رۋسلان سايفيميليۋكوۆ.

اۆتور

كەشەننىڭ كىرە بەرىس حوللىندا ورنالاسقان مۇراجايدا بوكسشىنىڭ العاشقى ديپلومدارى مەن ماقتاۋ قاعازدارى، العىس حاتتار مەن كۋبوكتارى، بىلعارى قولعابى مەن اياق كيىمى قويىلعان. سونداي-اق، مۇراجاي سورەلەرىنەن بوكسشى وليمپيادا ويىندارىنا قاتىسقان كەزىندە كيگەن شولاق شالبارى، مايكاسى مەن جامىلعىسى قويىلعان. سپورتشىنىڭ الەمدىك بوكس دودالارىندا شارشى الاڭعى شىعاردا كيگەن «ggg» دەپ التىن ارىپتەرمەن جازىلعان شاپانى دا ٴوز ورنىن تاپقان.

«بالامىز وسى ورتالىقتا سپورتپەن اينالىسادى. ول گەنانىڭ اتىمەن اتالاتىن سپورت ورتالىعىندا بوكسپەن اينالىساتىنىن ماقتان تۇتادى. گەناداي اتاقتى سپورتشى بولۋدى ارماندايدى»، - دەيدى قالا تۇرعىنى ابزال جۇكەنوۆ.

مۇراجايدا بىردەن كوزگە تۇسەتىنى جارىقديودتى «ggg» ارىپتەرى. سپورت كەشەنىنە كەلگەن ٴاربىر بالا وسى ارىپتەردىڭ جانىندا سۋرەتكە ٴتۇسىپ، داڭقتى جەرلەسىمەن ماقتاناتىندىعى ٴسوزسىز.

اۆتور

ەسكە سالايىق، گەنناديي گولوۆكين مەن ساۋل الۆارەستىڭ رەۆانشتى جەكپە-جەگى 15 قىركۇيەك كۇنى (استانا ۋاقىتى بويىنشا 16 قىركۇيەكتە) لاس-ۆەگاستا وتەدى. شارشى الاڭداعى شوۋدى qazsport جانە qazaqstan ارنالارى تىكەلەي ەفيردە كورسەتەتىن بولادى. كوپتەن كۇتكەن جەكپە-جەكتى ۇلكەن ەكراننان كورۋگە نيەت بىلدىرگەندەر ٴۇشىن قاراعاندىنىڭ ٴۇش جەرىندە led ەكراندار ورناتىلعان. سپورت سۇيەر قاۋىم شوۋدى بۇقار جىراۋ داڭعىلىنىڭ بويىندا ورنالاسقان كەنشىلەر مادەنيەت سارايىنىڭ، جاڭا مايقۇدىق مادەنيەت ٴۇيىنىڭ جانە شاحتەروۆ داڭعىلىنىڭ بويىنداعى دوستىق ٴۇيىنىڭ الدىندا ورناتىلعان ەكرانداردان كورە الادى.

پرەزيدەنتتىڭ تەلەراديوكەشەنى مەملەكەت باسشىسى نۇرسۇلتان نازاربايەۆ پەن الەم چەمپيونى گەنناديي گولوۆكيننىڭ كەزدەسۋىنەن ۆيدەو ٴۇزىندى جاريالادى.

كەشە لاس-ۆەگاستا wbc، wba (super) جانە ibo نۇسقالارى بويىنشا ورتا سالماقتاعى الەم چەمپيونى گەنناديي گولوۆكين (38-0-1، 34 كو) مەن ساۋل «كانەلو» الۆارەستىڭ رەۆانش الدىنداعى سوڭعى كونفەرەنسياسى ٴوتتى. بوكسشىلاردىڭ ەكەۋى بىردەي قاتىسقان العاشقى شارادا الۆارەس جەكپە-جەك الدىنداعى كوز تۇيىستىرۋدەن باس تارتتى.

wbc، wba (super) جانە ibo نۇسقالارى بويىنشا ورتا سالماقتاعى الەم چەمپيونى گەنناديي گولوۆكيننىڭ باپكەرى ابەل سانچەس تالىمگەرىنىڭ ساۋل «كانەلو» الۆارەسپەن ەكىنشى كەزدەسۋدە ايتارلىقتاي پروبلەما بولماۋى ٴتيىس ەكەنىن ايتتى.

ەسكەرتۋ!

baq.kz سايتىندا جاريالانعان اۆتورلىق ماتەريالداردىڭ بارلىق قۇقىقتارى قورعالعان جانە اقپارات اگەنتتىگىنىڭ مەنشىگى بولىپ تابىلادى. كوشىرىپ باسۋ رەداكسيانىڭ رۇقساتىمەن جۇزەگە اسادى. ماتەريالدى كوشىرىپ باسۋ كەزىندە baq.kz سايتىنا توتە سىلتەمە كورسەتۋ تالاپ ەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي