BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

گولوۆكين «كانەلومەن» وتەتىن جەكپە-جەكتەن قانشا اقشا الادى؟

فوتو: Informburo.kz

the ring جۋرنالى ورتا سالماق دارەجەسىندەگى wbc، wba (super) جانە ibo نۇسقاسى بويىنشا الەم چەمپيونى گەنناديي گولوۆكيننىڭ (38-0-1، 34 كو) مەكسيكالىق ساۋل «كانەلو» الۆارەسپەن (49-1-2، 34 كو) ەكىنشى رەت وتەتىن جەكپە-جەكتەن الۋى مۇمكىن تابىسىن اتادى، دەپ حابارلايدى baq.kz اقپارات اگەنتتىگى.

بۇگىن عانا ggg مەن «كانەلو» اراسىنداعى رەۆانش 15 قىركۇيەكتە لاس-ۆەگاستاعى (اقش، نەۆادا شتاتى) t-mobile ارەناسىندا وتەدى دەپ رەسمي حابارلاندى. ٴبىر جىل بۇرىن وسى ارەنادا العاش رەت كەزدەسكەن ەكى بوكسشى تەڭ تۇسكەن بولاتىن.

ggg مەن «كانەلو» كوماندالارىنىڭ كەلىسسوزدەرى رەسمي مالىمدەمە جاساۋعا جارتى ساعات قالعاندا ٴوتتى. مەكسيكالىق بوكسشىنىڭ پروموۋتەرى وسكار دە لا حوييا espn-گە بەرگەن سۇحباتىندا «ەكىنشى جەكپە-جەك بولمايدى، بۇل 100%» دەپ مالىمدەگەننەن 5 مينۋت وتكەن سوڭ ەكى تاراپ تاعى دا تالقىلاۋ جاسادى.

الۆارەستىڭ پروموۋتەرلەرى گولوۆكيننىڭ وكىلدەرىنە تابىستى مەكسيكالىقتىڭ پايداسىنا 57،5 جانە 42،5 دەپ ٴبولۋ تۋرالى، بۇلاي بولماسا كەلىسسوزدەن باس تارتىپ، رەۆانشتان باس تارتۋ سوڭعى ۇسىنىسىن قويعان بولاتىن. ال قازاقستاندىق بوكسشى 45 پروسەنت ۇلەسكە يە بولۋدى قالاعان ەدى.

گولوۆكين مەن «كانەلو» رەۆانش تۋرالى قالاي مالىمدەمە جاسادى

the ٴring-تىڭ مالىمەتىنشە، گولوۆكين الداعى جەكپە-جەكتە 40 ملن دوللاردان كوپ پايدا تابۋى مۇمكىن. ال الۆارەستىڭ تابىسى ٴالى ناقتىلانبادى.

forbes-تە بار دەرەكتەردە گولوۆكين ٴبىرىنشى جەكپە-جەگىندە 24 ميلليون دوللار، ال الۆارەس 42 ميلليون دوللار تاپقانىن جانە كوپ اقشا تولەنەتىن الەمدىك سپورتشىلار رەيتينگىسىندە مەكسيكالىق 15-ورىن، ال قازاقستاندىق 72-ورىنعا تۇراقتاعانى كورسەتىلگەن. بۇل جەكپە-جەك 70-تە 30 «كانەلونىڭ» پايداسىنا شەشىلدى.

ايتا كەتسەك، گولوۆكين-الۆارەس رەۆانشى العاشىندا 5 مامىرعا جوسپارلاندى. الايدا مەكسيكالىقتىڭ دوپينگ-سىناماسى وڭ ناتيجە كورسەتكەن سوڭ ول جەكپە-جەكتەن باس تارتقان بولاتىن. گولوۆكين تەز ارادا قارسىلاس تاۋىپ، 5 مامىردا امەريكالىق ۆانەس مارتيروسيانمەن بوكستاسىپ، ەكىنشى راۋندتا نوكاۋتقا ٴتۇسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي