BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

گولوۆكين بەلبەۋىن تارتىپ العان ۇيىمنىڭ توپ-10 رەيتينگىنەن شىعىپ قالدى

فوتو: © BoxingScene.com

استانا، baq.kz. قازاقستاندىق گەننادييي گولوۆكين (38-1-1، 34 كو) حالىقارالىق بوكس قاۋىمداستىعىنىڭ (ibf) قازان ايىنداعى جاڭارتىلعان رەيتينگىندە ٴتورتىنشى ورىننان 11-گە ٴتۇسىپ كەتكەن، - دەپ حابارلايدى vesti.kz.

ماۋسىمنان بەرى بوس قالعان ibf بەلبەۋىن ۋكراينالىق سەرگەي دەرەۆيانچەنكونى (12-1، 10 كو) جەڭگەن امەريكالىق دەنيەل دجەيكوبس (35-2، 29 كو) يەلەنىپ وتىر.

ibf جاسعان ورتا سالماق رەيتينگى ۇيىمنىڭ رەسمي سايتىندا جاريالانعان جانە وندا ٴبىرىنشى ورىن جوق. مۇنىڭ الدىندا رەيتينگتى دەرەۆيانچەنكو باستاپ تۇرعان، الايدا، ول كەزدە ەكىنشى ورىن جوق ەدى.

ورتا سالماقتا ibf ۇيىمىنىڭ توپ-10 رەيتينگى:

2. دجەك كۋلكاي (25-3، 13 كو - ەكۆادور).

3. مارتين ميۋررەي (37-4-1، 17 كو - ۇلىبريتانيا).

4. سەرگەي دەرەۆيانچەنكو (12-1، 10 كو - ۋكراينا).

5. كاميل شەرەمەتا (18-0، 4 كو - پولشا).

6. داۆيد لەمە (40-4، 34 كو - كانادا).

7. ريوتا مۋراتا (14-2، 11 كو - جاپونيا).

8. پاتريك ۆويجيتسكي (12-0-1، 4 كو - گەرمانيا).

9. دجەيسون ۋەلبورن (24-6، 7 كو - ۇلىبريتانيا).

10. روب برانت (24-1، 16 كو - اقش).

گولوۆكين ibf بەلبەۋىن 2015 جىلدىڭ قازانىنان 2018 جىلدىڭ ماۋسىمىنا دەيىن يەلەنگەن. قازاقستاندىق بۇل بەلبەۋدى كانادالىق داۆيد لەمەدەن تارتىپ العان ەدى. ال بيىل مىندەتتى قارسىلاس دەرەۆيانچەنكومەن جۇدىرىقتاسۋ تۋرالى جازباشا راستاۋ بەرمەگەنى ٴۇشىن ايىرىلىپ قالعان.

قازىرگى تاڭدا ibf ۇيىمىنىڭ بارلىق سالماعىنداعى توپ-10 رەيتينگىندە بىردە-بىر قازاقستاندىق جوق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي