BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

گولوۆكين الۆارەستەن جەڭىلىپ قالدى

فوتو: ашық дереккөзден

اقش-تىڭ لاس-ۆەگاس قالاسىندا وتكەن بوكس كەشىندە ورتا سالماقتاعى wba (super)، wbc جانە ibf تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكين (38-0-1، 34 كو) مەكسيكالىق ساۋل «كانەلو» الۆارەستەن (49-1-2، 34 كو) جەڭىلىپ، چەمپيوندىق بەلبەۋلەرىنەن ايىرىلىپ قالدى، دەپ حابارلايدى baq.kz ٴتىلشىسى.

t-mobile ارەناسىندا وتكەن كەزدەسۋدە گەنناديي گولوۆكين wbc، wba (super)، ibf چەمپيوندىق اتاقتارىن، ال مەكسيكالىق بوكسشى the ring جۋرنالىنىڭ بەلبەۋىن باسكە تىككەن.

العاشقى راۋندتان-اق وتانداسىمىز قارسىلاسىن جويقىن سوققىلاردىڭ استىنا الدى. الايدا الۆارەس تە ورايى كەلگەن ساتتە ەسەسىن جىبەرمەۋگە تىرىستى. سوڭعى راۋندتاردا گولوۆكين باسىمدىقتى ٴوز قولىنا الىپ، سەريالى سوققىلار جاساعان بولاتىن. الايدا تورەشىلەردىڭ شەشىمىمەن ساۋل «كانەلو» الۆارەسكە جەڭىسكە جەتتى. ال قازاقستاندىق بوكسشى كاسىبي بوكستا تۇڭعىش رەت جەڭىلىسكە ۇشىرادى.

جەكپە-جەكتى تىكەلەي ەفيردەن qazaqstan جانە qazsport تەلەارنالارى كورسەتتى.

ايتا كەتەيىك، بىلتىر قوس بوكسشىنىڭ اراسىنداعى كەزدەسۋدە جەڭىمپاز انىقتالماعان. تورەشىلەر تەڭ ويىن بولدى دەپ، ەكەۋىنىڭ دە قولىن كوتەرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي