BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

فۋتبولدان الەم چەمپيوناتىنىڭ اشىلۋىن قايدان كورۋگە بولادى

بۇگىن 14 ماۋسىمدا رەسەي فەدەراسياسىندا فۋتبولدان ٴ21-ىنشى الەم چەمپيوناتى باستالادى. ايتۋلى فۋتبول دوداسىنىڭ رەسمي اشىلۋىن qazaqstan تەلەارناسى تىكەلەي ەفيردەن كورسەتەدى، دەپ حابارلايدى baq.kz ٴتىلشىسى.

چەمپيوناتتىڭ اشىلۋ سالتاناتى ماسكەۋدەگى «لۋجنيكي» ستاديونىندا وتەدى. وعان fifa پرەزيدەنتى دجانني ينفانتينو، رەسەي پرەزيدەنتى ۆلاديمير پۋتين، قازاقستان پرەزيدەنتى نۇرسۇلتان نازاربايەۆ پەن وزگە دە بىرنەشە مەملەكەت باسشىلارى قاتىسپاق. سونداي-اق، قازاقستاندىق بوكسشى گەنناديي گولوۆكين دە وسى ماقساتتا ماسكەۋگە كەلىپ ۇلگەردى.

الەمنىڭ 32 ۇزدىك ۇلتتىق قۇراماسى باق سىنايتىن چەمپيونات 14 ماۋسىم مەن 15 شىلدە ارالىعىندا رەسەيدىڭ 11 قالاسىندا: ماسكەۋ، سانكت-پەتەربۋرگ، نيجنيي نوۆگورود، قازان، سوچي، ۆولگوگراد، كالينينگراد، ەكاتەرينبۋرگ، روستوۆ-نا-دونۋ، سامارا جانە سارانسكتا وتەدى.

قازاقستاندىقتار fifa- 2018 ويىندارىنىڭ اشىلۋ سالتاناتىن استانا ۋاقىتىمەن ساعات 20.30-دا، ال رەسەي مەن ساۋد ارابياسى اراسىنداعى ماتچىن استانا ۋاقىتىمەن 21.00-دە qazaqstan تەلەارناسىنان تىكەلەي ەفيردە تاماشالاي الادى. رەسەي ٴوز تاريحىندا تۇڭعىش رەت الەم چەمپيوناتىن ۇيىمداستىرۋ مۇمكىندىگىنە يە بولدى.

استانا تۇرعىندارى مەن قالا قوناقتارى 14 ماۋسىم كۇنى 19.30-دان باستاپ «قازمەديا» ورتالىعىنىڭ ۇلكەن ەكرانىنان اشىق اسپان استىندا الەم چەمپيوناتىنىڭ اشىلۋ ٴراسىمى مەن رەسەي-ساۋد ارابياسى اراسىنداعى توپتىق كەزەڭ ماتچىن كورە الادى.

توپتىق كەزەڭ 28 ماۋسىمدا اياقتالسا، فينالدىق ويىندار 15 شىلدەدە اياقتالادى. qazaqstan مەن qazsport ارنالارى الەم چەمپيوناتىندا وتەتىن 64 ماتچتىڭ بارلىعىن تىكەلەي ەفيردەن كورسەتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي