BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

فۋتبول: پرەمەر-ليگانىڭ 5-تۋر ويىندارىنا شولۋ

baq.kz اقپارات اگەنتتىگى فۋتبولدان قازاقستان پرەمەر-ليگا ويىندارىنا شولۋىن جالعاستىرادى. بۇل تۋر «استانانىڭ» ۇپاي جوعالتۋىمەن، «ورداباسىنىڭ» سەنساسيالىق جەڭىلىسىمەن، «قىزىلجاردىڭ» تۇڭعىش جەڭىسىمەن جانە «توبىلدىڭ» تۋرنير كەستەسىندە ەكىنشى ورىنعا كوتەرىلگەنىمەن ەستە قالدى. بۇگىن وسى جانە باسقا دا قىزىقتى مالىمەتتەرى تۋرالى ٴسوز قوزعايمىز.

«قىزىلجار» – «جەتىسۋ» 1:0 (1:0) گول: براتيسلاۆ پۋنوشەۆاس 26 (1:0).

پرەمەر-ليگاعا اراعا 9 جىل سالىپ قايتا ورالعان پەتروپاۆل قالاسىنىڭ «قىزىلجار» كومانداسى العاشقى جەڭىسىنە جانە العاشقى ٴۇش ۇپايىنا قول جەتكىزدى. «قىزىلجار» ٴوز الاڭىندا تالدىقورعاننىڭ «جەتىسۋ» كومانداسىن قابىلداپ، براتيسلاۆ پۋنوشەۆاستىڭ سوققان جالعىز گولىنىڭ ارقاسىندا جەڭىسكە جەتتى.

«استانا» – «قايرات» 1:1. گول: باقتيەر زاينۋتدينوۆ 52 (1:0)، اندرەي ارشاۆين 71 (1:1)

جاسىراتىن جوق، 5-تۋردىڭ ورتالىق ويىن وسى ەكى كوماندا اراسىندا ٴوتتى. تارتىستى ويىنعا «استانا» دا، «قايرات» تا جەڭىس ٴۇشىن تاس ٴتۇيىن دايىن كەلگەن ەدى. وتكەن تۋردا «استانا» سىرت الاڭدا «ەرتىس» كلۋبىن 6:1 ەسەبىمەن جەڭگەن بولسا، «قايرات» ٴوز الاڭىندا «اقجايىق» كومانداسىنا جاۋاپسىز ٴۇش گول سوققان ەدى. سۋپەركۋبوك ويىنىندا ەلوردالىقتار الماتىلىق قوناقتاردى 3:0 ەسەبىمەن جەڭگەن ەدى. اراعا اي سالىپ، ەكى ۇجىم قايتا كەزدەسىپ، تەرەزەسى تەڭ ويىن كورسەتتى. ٴسويتىپ «استانا» ٴبىرىنشى رەت ۇپاي جوعالتسا، «قايرات» ەكىنشى رەت تەڭ وينادى.

«اقجايىق» – «ورداباسى» 4:1 (3:1). گولدار: يۆان انتيپوۆ 13 (1:0)، ەركەبۇلان نۇرعاليەۆ 17 (2:0)، تيمۋر دوسماعامبەتوۆ 38 (2:1)، حابيب ەسەولا ادەرينسولا 44 (3:1)، ادەرينسولا حابيب ەسەولا 78 (4:1)

تۋرنير كەستەسىندە «استانامەن» بىرگە توپ باستاپ كەلە جاتقان «ورداباسىنىڭ» وسى تۋردا كوش باستايتىن تاماشا مۇمكىندىگى بولعان. ٴبىراق شىمكەنتتىڭ كومانداسى «استانانىڭ» «قايراتپەن» تەڭ ويناعانىن ٴتيىمدى پايدالانا الماعانى بىلاي تۇرسىن، سىرت الاڭدا «اقجايىقتان» ٴىرى ەسەپپەن جەڭىلىپ قالدى. ال «اقجايىق» كومانداسى بيىل ٴوز الاڭىندا ەكىنشى رەت جەڭىسكە جەتتى. ٴۇشىنشى تۋردا «ەرتىس» كلۋبىن جەڭسە، بۇل تۋردا «ورداباسى» كومانداسىن ۇپايسىز قالدىردى. وسى جەڭىستەن سوڭ «اقجايىق» 7 ۇپايمەن التىنشى ورىنعا كوتەرىلىپ الدى.

«اقتوبە» – «توبىل» 0:1 (0:1). گول: انتون شيندەر 6 (0:1)

«استانا» مەن «قايرات» ۇپاي ٴبولىسىپ، «ورداباسى» جەڭىلگەنىن قوستانايدىڭ «توبىلى» ٴتيىمدى پايدالانىپ كەتتى. سىرت الاڭدا «اقتوبەنى» 0:1 ەسەبىمەن جەڭگەن ۆلاديمير نيكيتەنكو شəكىرتتەرى 12 ۇپايمەن تۋرنير كەستەسىنىڭ ەكىنشى ساتىسىنا كوتەرىلدى. وتكەن تۋردا «اتىراۋ» قاقپاسىنا 2 گول سوققان انتون شيندەر بىرىنشىلىكتەگى كەزەكتى گولىنا قول جەتكىزدى. ۋكراينالىق قورعاۋشى ٴقازىر مەرگەندەر قاتارىندا ٴجۇر.

«قايسار» – «ەرتىس» 0:0 (0:0).

چەمپيونات باستالعالى بەرى جەڭىس نە ەكەنىن بىلمەي كەلە جاتقان «قايسار» كلۋبى بۇل جولى تەڭ وينادى. ٴوز الاڭىندا پاۆلوداردىڭ «ەرتىس» كومانداسىن قابىلداعان قىزىلوردالىقتار بىرىنشىلىكتەگى ەكىنشى تەڭ ويىنىنا قول جەتكىزدى. وتكەن تۋردا «استانادان» ٴىرى ەسەپپەن جەڭىلگەن سوڭ «ەرتىس» ٴالى ٴوز بابىنا كەلە قويماعان سياقتى. ٴتىپتى، بۇل ويىندا گول سوعۋعا دا شامالارى جەتپەدى. پاۆلوداردىڭ كومانداسى بۇلاي ۇپاي جوعالتا بەرسە، بيىل ۇزدىك ۇشتىككە ەنبەي قالاتىن ٴتۇرى بار.

«اتىراۋ» – «شاحتەر» 0:0 (0:0)

جەڭىلىستەن كوز اشپاي كەلە جاتقان «اتىراۋ» وسى تۋر الدىندا ۆاحيد ماسۋدوۆتى وتستاۆكاعا جىبەرىپ، كوماندا تىزگىنىن مولدوۆالىق ادريانۋ سوسنوۆسكو ۇستاعان بولاتىن. جاڭا باپكەر قول استىندا «اتىراۋ» جەڭىسكە جەتۋدى كوزدەگەن بولاتىن. دەگەنمەن تۋرنير كەستەسىندە بەسىنشى ورىندا كەلە جاتقان «شاحتەر» كومانداسىمەن تەڭ ويناپ، ۇپاي بولىسكەننىڭ ٴوزى مۇنايلى ولكەنىڭ فۋتبولشىلارى ٴۇشىن جەڭىسپەن پارا-پار. ٴبىر قىزىعى، «اتىراۋدىڭ» تەڭ ويىنىنان كەيىن، پرەمەر-ليگادا ۇپاي يەلەنبەگەن كوماندا قالمادى.

5-تۋردىڭ ستاتيستيكالىق ناتيجەلەرى:

بەسىنشى تۋردىڭ التى ويىنىن تاماشالاۋعا – 22 300 كورەرمەن كەلدى. ٴۇشىنشى تۋردا 20 100 جانكۇيەر كەلگەن-دى. ەڭ كوپ جانكۇيەر «استانا» – «قايرات» ماتچىندا جينالدى. 12 000 جانكۇيەر. ال ەڭ از جانكۇيەر «اقتوبە» – «توبىل» ويىنىنا كەلدى. 900 ادام.

التى ويىندا 9 گول سوعىلدى. ەڭ كوپ گول «اقجايىق» – «ورداباسى» ماتچىندا سوعىلدى. 5 گول. ال «قايسار» – «ەرتىس» جانە «اتىراۋ» – «شاحتەر» ويىنىندا گول سوعىلمادى. ٴار ويىندا ورتاشا ەسەپپەن 1،5 گول سوعىلدى. ٴبىر گول 11 مەترلىك ايىپ سوققىسىنان سوعىلدى.

فۋتبولشىلارعا 24 سارى قاعاز كورسەتىلدى. ەڭ كوپ سارى قاعازدى – «قايرات» كلۋبىنىڭ فۋتبولشىلارىنا بەرىلدى. 4 سارى قاعاز.

پرەمەر-ليگادا قىزىل قاعاز العان ٴبىرىنشى فۋتبولشى تىركەلدى. ول – سپاحيا حرۆوە («ورداباسى»)

«اتىراۋ» كومانداسى ٴبىر ۇپاي يەلەنىپ، پرەمەر-ليگادا ۇپاي الماعان كوماندا قالمادى.

باقتيەر زاينۋتدينوۆ («استانا») 4 گول گولمەن سۇرمەرگەندەر كوشىن باستادى.

التىنشى تۋردىڭ كەستەسى:

21.04. 2018

«جەتىسۋ» – «ەرتىس»

«قايرات» – «قايسار»

«قىزىلجار» – «اتىراۋ»

«ورداباسى» – «استانا»

«توبىل» – «اقجايىق»

«شاحتەر» – «اقتوبە».

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي