BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

فيفا توڭىرەگىندە داۋ-داماي نەمەن اياقتالادى؟

فوتو: Ruspekh.ru

استانا، baq.kz ٴتىلشىسى. قاراشا ايى باستالعالى الەمدىك فۋتبولدا تاعى دا داۋ-داماي ۋشىعىپ كەتتى. football leaks اتتى فۋتبول ترانسفەرلەرىن، ويىنشىلاردىڭ جالاقىلارى تۋرالى جازاتىن پورتال بىرنەشە سەنساسيالىق جاڭالىقتى جاريالاپ، كوپشىلىكتىڭ جاعاسىن ۇستاتتى.

كاتار الەم چەمپيوناتىن ساتىپ العان

داۋ-دامايدىڭ اراسىنداعى كوپشىلىكتىڭ تالقىلاسىنا تۇسكەن 2022 جىلعى كاتاردىڭ الەم چەمپيوناتىن وتكىزۋ قۇقىعىن جەڭىپ الۋى. ازىرگە ناقتى دالەلدى ەشكىمدى تاپقان جوق. ٴبىراق نەگىزگى ايىپتاۋ بىلاي. 2010 جىلى سول كەزدەگى فرانسيانىڭ پرەزيدەنتى نيكولاي ساركوزي كاتاردىڭ مۇراگەر حانزاداسى تاميم بين حاماد ال تانيمەن كەزدەسكەندە وعان 2022 الەم چەمپيوناتىن الىپ بەرۋگە كومەكتەسەتىنىن ايتىپ، ۋادە بەرگەن. ارينە، ونىڭ قارىمتاسى بار. ياعني حانزاداعا پسج كلۋبىن ساتىپ الىپ جانە فرانسيادا bein sports ارناسىن اشۋدى سۇراعان. ٴسويتىپ، كاتارعا الەم چەمپيوناتىن وتكىزۋگە ميشەل پلاتيني كومەكتەسەتىن بولىپ شەشىلەدى (پلاتيني 2015 جىلى فۋتبولدان 8 جىلعا شەتتەتىلگەن بولاتىن).

كاتار تاراپى ٴوز مىندەتىن ورىندايدى: 2011 جىلى 31 مامىردا qatar sports investments پسج كلۋبىنىڭ 70% اكسياسىن ساتىپ الادى. bein sports ارناسى ٴوز قىزمەتىن 2012 جىلدىڭ 1 ماۋسىمىنان باستايدى. ال كاتار الەم چەمپيوناتىن وتكىزۋ قۇقىعىنا 2010 جىلى 2 جەلتوقساندا يە بولدى.

نەگىزى، بۇل داۋ ەڭ العاش 2015 جىلى باستالعان. سول تۇستا فيفا-نىڭ پرەزيدەنتى قىزمەتىنەن شەتتەتىلگەن يوزەف بلاتتەر the financial times-قا بەرگەن سۇحباتىندا جايىپ سالعان بولاتىن. ونىڭ ايتۋىنشا، 2010 جىلعى رەسمي تۇردە داۋىس بەرۋگە دەيىن اۋىزشا تۇردە كەلىسىم جاسالىپ قويعان.

«ول كەلىسىم بويىنشا ەكى ۇلى دەرجاۆا رەسەي مەن اقش-تى تاڭدايتىنمىز بەلگىلى بولعان ەدى. رەسەي 2018 جىلعى چەمپيوناتتى، ال اقش 2022 جىلعى دودانى وتكىزگىسى كەلگەن بولاتىن»، - دەيدى بلاتتەر.

الايدا داۋىس بەرۋ كەزىندە 2022 جىلعى چەمپيوناتتى اقش ەمەس، كاتار جەڭىپ الادى. سوڭعى كەزدەرى جەمقورلىققا بايلانىستى شۋدىڭ شىعۋىنا وسى داۋىس بەرۋ اسەر ەتكەن. اقش 2022 جىلعى بىرىنشىلىكتى جەڭىپ الا الماعاندىقتان، فيفا باسشىلارىنىڭ قىلمىسىن اشكەرەلەۋگە كوشكەن.

«ەشقاشان شىعىس ەۋروپادا الەم چەمپيوناتى وتپەگەن. سوندىقتان ٴبىر ٴتۋرنيردى رەسەيگە بەرسەك، 2022 جىلعى دودانى اقش جەرىندە وتكىزسەك دەگەن ىشكى تۇيسىگىمىز بولدى. باسىندا ٴبارى جاقسى ەدى. فيفا الەمنىڭ ۇلى دەرجاۆالارى اتانعان ەكى ەلدە كەرەمەت چەمپيونات وتەدى دەپ جوسپارلادى. سول كەزدەگى فرانسيا پرەزيدەنتى نيكولا ساركوزي كاتاردىڭ مۇراگەر حانزاداسى تاميم بين حاماد ال تانيمەن كەزدەسكەنشە ٴبارى جاقسى بولدى. ال ەكەۋى كەزدەسكەننەن كەيىن جاعداي كۇرت وزگەردى. ول ۋەفا باسشىسى ميشەل پلاتينيگە 2022 جىلى كاتارعا بارساق دۇرىس بولار ەدى دەپ ايتادى. وسىدان سوڭ بارلىق كارتامىز اشىلدى. داۋىس بەرۋگە قاتىساتىن ٴتورت ەۋروپالىق ٴوز داۋىستارىن اقش-قا ەمەس، كاتارعا بەرىپ جىبەرەدى. ناتيجەسىندە كاتار 12:10 ەسەبىمەن جەڭىسكە جەتتى»، - دەيدى بلاتتەر the financial times-قا بەرگەن سۇحباتىندا.

پسج مەن «مانچەستەر ٴسيتيدىڭ» قارجىلىق قۋلىعى

2011-2013 جىلدار ارالىعىندا «مانچەستەر سيتي» مەن پسج كلۋبتارىنىڭ بيۋدجەتىندە ايتارلىق دەفيسيت بايقالىپ قينالعان ەدى (45 ميلليون ەۋرو كولەمىندە دەفيسيت). ولاردىڭ قارجىلىق فەير-پلەيدى بۇزعانى انىقتالىپ، چەمپيوندار ليگاسىنا قاتىسۋ قۇقىعىنان ايىرىلىپ قالۋ ٴقاۋىپى تۋىنداعان ەدى. ەكەۋىنىڭ دە قوجايىنى تاياۋ شىعىس ەلدەرىنەن.

پسج سول كەزدە شارتتى دەمەۋشىلىك كومەك تۇرىندە كاتاردىڭ تۋريزم مينيسترلىگىنەن جىلىنا 215 ميلليون ەۋرودان العان. ۋەفا ساراپشىلارى بۇل كەلىسىمشارتتىڭ نارىقتاعى قۇنىن بار-جوعى 2،8 ميلليون ەۋرو دەپ باعالاعان. ول كەزدە «مانچەستەر ٴسيتيدىڭ» جىلدىق شىعىنى 566 ميلليون ەۋرونى قۇراعان. بۇل رۇقسات ەتىلگەن قارجىلىق فەير-پلەيدەن بەس ەسەگە كوپ. نەگىزى ليميت 45 ميلليون ەۋرو كولەمىندە.

بۇل تۇستا قازىرگى فيفا باسشىسى دجانني ينفانتينو ۋەفا-نىڭ باس حاتشىسى بولعان. ول ەكى كلۋبتىڭ بۇل ارەكەتىنەن حاباردار بولعان. بىرنەشە رەت قۇپيا تۇردە ەكى كلۋبتىڭ جەتەكشىلەرىمەن كەزدەسكەن. 2014 جىلى مامىر ايىندا «مانچەستەر سيتي» مەن پسج ۋەفا-مەن ورتاق كەلىسىمگە كەلەدى. ٴسويتىپ، بۇل كلۋبتارعا بولماشى ايىپپۇل سالىنادى. ٴارقايسىسىنا 20 ميلليون ەۋرو كولەمىندە. سوسىن قارجىلىق فەير-پلەي كوميتەتىنىڭ ٴتوراعاسى بولعان شوتلانديالىق ساراپشى براين كۋينن قىزمەتىنەن كەتەدى. ول بۇل جازانى «تىم جۇمساق» دەپ سانايدى.

كەلەسى جىلى «مانچەستەر سيتي» مەن پسج جاڭا ويىنشىلاردى ساتىپ الۋعا 1 ميللياردتان استام قارجى جۇمساعان. فيفا باسشىسى دجانني ينفانتينو football ٴleaks-تىڭ ايىپتاۋىنا قاتتى اشۋلانعانىن ايتىپ، corriere dello sport سايتىنا سۇحبات بەردى. ول «مانچەستەر سيتي» جانە پسج كلۋبىنىڭ باسشىلارىمەن كەزدەسكەنىن ٴبىراق ەشقانداي زاڭبۇزۋشىلىق بولماعانىن ايتادى.

«ٴبىزدىڭ ماقسات – كلۋبتارعا كومەكتەسۋ. پسج جانە «مانچەستەر سيتي» كلۋبىنىڭ وكىلدەرىمەن كەزدەستىم. ويتكەنى ول مەنىڭ جۇمىسىم. جاعدايدى رەتتەۋ، كەلىسۋ سوسىن ولارمەن سوتقا بارۋ. ولار تاۋەلسىز تۇردە شەشىم قابىلدايدى. بۇل ەكى كلۋبقا 20 ميلليون ەۋرو كولەمىندە ايىپپۇل سالىندى. 30 كلۋبتىڭ اراسىندا تەك ەكەۋىنە عانا ايىپپۇل سالىنعان جوق. ولاردىڭ اراسىندا «ميلان» كلۋبى دا بار. ٴبىراق ولار cas ارقىلى سوتتا جەڭىپ شىقتى. ەۋروكۋبوكتاردان كلۋبتاردى شەتتەتۋىمىزدىڭ سەبەبى – ولاردىڭ كوبىسى فۋتبولشىلارعا قارىزدارىن تولەمەگەن. بۇل نازار اۋداراتىن جاعداي. بىزدە سۇيىكتى كلۋبىمىز نەمەسە ٴفاۆوريتىمىز جوق. ونىڭ ٴبارى مەنىڭ فيفا باسشىسى رەتىندە جۇمىسىم»، - دەيدى ينفانتينو.

فيفا باسشىسىنا ۇنامايتىن سۋپەرليگا

football leaks زەرتتەۋىنە جۇگىنەتىن بولسا، ەۋروپانىڭ توپ-كلۋبتارى ۋەفا-دان شىعىپ، وزدەرىنىڭ جەكە سۋپەرليگالارىن قۇرعىلارى كەلەدى ەكەن. 2016 جىلى وسى يدەيانىڭ باستاماشى توبى سانالاتىن جەتى كلۋبتىڭ باسشىلارى («باۆاريا»، «رەال»، «بارسەلونا»، «مانچەستەر يۋنايتەد»، «يۋۆەنتۋس»، «ميلان» جانە پسج) ٴوزارا كەزدەسكەن. ولار زاڭگەرلەردى شاقىرىپ، وسى ليگا جايلى اقىلداسقان. مىسالى، ويىنشى كلۋب پەن فەدەراسيادان شىققاننان كەيىن ٴبىرجاقتى كەلىسىمشارتتى بۇزا الادى. بۇل جاعداي «باۆاريا» ٴۇشىن وتە كۇردەلى پروبلەما كورىنەدى: ولاردىڭ ويىنشىلارىنىڭ كەلىسىمشارتتارى بۋندەسليگاعا باعىنىشتى. باستاماشى توپ جاڭادان قۇرىلاتىن سۋپەرليگانى 2021 جىلدان باستاۋدى كوزدەيدى ەكەن. بۇل تۋرنير چەمپيوندار ليگاسىن الماستىرماق. ٴبىراق قاتىسۋشىلار سانى شەكتەۋلى.

سۋپەرليگاعا قاتىساتىن العاشقى 11 كلۋبتىڭ قاتارىنا انگليانىڭ «مانچەستەر يۋنايتەد»، «مانچەستەر سيتي»، «ليۆەرپۋل»، «چەلسي» جانە «ارسەنال» كلۋبتارى، يسپانيانىڭ «رەال» مەن «بارسەلوناسى»، يتاليادان «يۋۆەنتۋس» پەن «ميلان»، فرانسيادان پسج، گەرمانيادان «باۆاريا» ەنگەن. ولاردىڭ سۋپەرليگاعا قاتىسۋ كەپىلدىگى 20 جىلعا بەرىلگەن. سونداي-اق بەس كوماندا قوناق رەتىندە شاقىرىلادى. مۇنداي ستاتۋسقا «ينتەر»، «روما»، «اتلەتيكو»، «بورۋسسيا د»، «مارسەل» يە. رەگلامەنت بويىنشا قوناقتار اۋىسىپ تۇرادى. ودان بولەك، سۋپەرليگانىڭ بازاسىندا تاعى ٴبىر تۋرنير قۇرىلماق. ونىڭ جەڭىمپازى 5 قوناق كوماندانىڭ بىرەۋىن الماستىرىپ وتىرادى.

سۋپەرليگانىڭ فورماتى چەمپيوندار ليگاسىنىڭ فورماتىنا ۇقساس. تۋرنير ەكى كەزەڭنەن تۇرادى: الدىمەن توپتىق كەزەڭ سوسىن پلەي-وفف باستالادى. سۋپەرليگا 34 اپتاعا سوزىلادى. ويىندار اپتانىڭ سەيسەنبى، سارسەنبى جانە سەنبى كۇندەرى وتەدى.

وسىنداي تۋرنير وتكىزۋ يدەياسىن «باۆاريا» پرەزيدەنتى كارل-حاينس رۋممەنيگگە ۇسىنعان. زەرتتەۋ جۇمىستارىنىڭ قورىتىندىسىنا سايكەس، «باۆاريا» شىنىمەن دە، 2016 جىلى بۋندەسليگادان شىققىسى كەلگەن. جاڭا تۋرنيردە توپ-كلۋبتار جىلىنا 500 ميلليون ەۋرو كولەمىندە تابىس تابۋ مۇمكىندىگى كوزدەلگەن. مىسالى، بۇل چەمپيوندار ليگاسىنىڭ جەڭىمپازىنا بەرىلەتىن سىياقىدان 5 ەسەگە كوپ.

اتالعان جوبانىڭ ۇلگىسىن امەريكالىق فۋتبول مەنەدجەرى چارلي ستيلليتانو جاساپ شىققان. ول بىرنەشە جوبا تۇرلەرىن ۇسىنعان. سونىڭ بىرەۋى قاتىسۋشىلاردىڭ سانىنا بايلانىستى. ٴچارليدىڭ پىكىرىنشە، سۋپەرليگاعا انگليا، يسپانيا، يتاليا، گەرمانيا، فرانسيانىڭ 17 كومانداسى كىرەدى. ويتكەنى، بۇل ەلدەگى كوماندالاردىڭ تەلەۆيزيالىق رەيتينگىسى جوعارى بولادى.

ال 18-قاتىسۋشى رەتىندە پورتۋگاليا، رەسەي، نيدەرلاندى، تۇركيا كوماندالارىنىڭ بىرەۋىن شاقىرۋدى جوسپارلاعان. الايدا، ٴدال ٴقازىر football leaks تاپقان قۇجاتتا تەك 16 كوماندا دەپ جازىلعان. بۇل جاڭالىقتى ەستىگەن فيفا پرەزيدەنتى دجانني ينفانتينو، سۋپەرليگاعا قاتىسقان ويىنشى الەم چەمپيوناتىنان شەتتەتىلەتىنىن ايتتى.

«فۋتبولشىلاردىڭ الدىندا ٴبىر عانا تاڭداۋ بار. نە ٴبىزدى نە سۋپەرليگانى قۇرۋشىلاردىڭ بىرەۋىن تاڭداۋ كەرەك. ەگەر سۋپەرليگادا وينايتىن بولسا، الەم نەمەسە ەۋروپا چەمپيوناتىنا قاتىسپايتىن بولادى»، -دەيدى ينفانتينو ap اگەنتتىگىنە بەرگەن سۇحباتىندا.

چەمپيوندار ليگاسىنىڭ جەڭىمپازدارى دوپينگ قولدانعان

تاعى ٴبىر شۋ دوپينگكە قاتىستى. ياعني اتالعان پورتال چەمپيوندار ليگاسىن جەڭگەن فۋتبولشىلاردىڭ اراسىندا تىيىم سالىنعان پرەپارات قولدانعاندارى بار ەكەنىن انىقتاعان.

ازىرگە بۇل قاي ۋاقىت ارالىعىندا، چەمپيوندار ليگاسىنا عانا قاتىستى ما الدە چەمپيوندار كۋبوگى كەزىندە بولعان با، ازىرگە بۇل سۇراقتاردىڭ جاۋابى اشىق كۇيىندە قالىپ وتىر. «رەال» قاتارىنان ٴۇش جىل چەمپيوندار ليگاسىن جەڭىپ العانى بەلگىلى. «بارسەلونادا» جاڭا عاسىردا قىسقا ۋاقىت ارالىعىندا بۇل ٴتۋرنيردى وسىنشالىقتى رەت ۇتقان بولاتىن. «ينتەر» مەن «بەنفيكا» 60 جىلدارى دۇرىلدەدى، «اياكس» پەن «باۆاريانىڭ» داۋرەنى 70 جىلدارعا تيەسىلى، «ليۆەرپۋل» – 80 جىلدارى، «ميلاننىڭ» تەڭدەسىز كەزەڭى – 90 جىلدارمەن بايلانىستى.

گۆارديولا «باۆاريادان» كەتپەي تۇرىپ، «سيتيمەن» كەلىسىمگە كەلگەن

football leaks پورتالى تاپقان شۋلى دەرەكتەردىڭ اتارىندا حوسەپ گۆارديولانىڭ «مانچەستەر سيتيمەن» گەرمانيانىڭ «باۆاريا» كلۋبىندا ٴجۇرىپ، كەلىسىمشارت جاساعانى بار. گۆارديولا 2015 جىلدىڭ 10 قازانىندا «مانچەستەر سيتيمەن» ورتاق كەلىسىمگە كەلگەن. قۇپيا تۇردە جاسالعان. بۇل كەزدە بۋندەسليگانىڭ جاڭا ماۋسىمىنىڭ باستالعانىنا 2 اي بولعان. mirror جانە وزگە دە انگليانىڭ بەدەلدى باسىلىمدارى بۇل تۋرالى بىلگەن. حوسەپ انگيليا كومانداسىمەن ورتاق مامىلەگە كەلگەن كەزدە، «باۆاريامەن» كەلىسىمشارتىنىڭ اياقتالۋىنا ٴالى 1،5 جىلى بار بولعان.

رەسمي تۇردە «مانچەستەر سيتي» يسپانيالىق باپكەرمەن كەلىسىمشارت جاساعانىن 2016 جىلدىڭ ٴبىرىنشى اقپانىندا حابارلادى. گۆارديولا قىزمەتىنە سول جىلى 1 شىلدەدە كىرىستى. دەرەكتەرگە سۇيەنسەك، «مانچەستەر سيتي» گۆارديولاعا العاشقى ەكى ماۋسىمدا 30 ميليلون ەۋرو كولەمىندە جالاقى تولەگەن.

مباپپە «رەالدىڭ» ۇسىنىسىنان باس تارتىپ، پسج-دان جەكە ۇشاق سۇراعان

بيىلعى جىلى الەم چەمپيوناتىندا «ەڭ ۇزدىك جاس فۋتبولشى» اتانعان فرانسيا قۇراماسىنىڭ شابۋىلشىسى كيليان مباپپە 2017 جىلى «موناكو» كلۋبىنان 8 ميلليون جالاقى سۇراعان. مۇنداي ايلىق تابىس كلۋبتا تەك رادامەل فالكاوعا تيەسىلى بولاتىن. مباپپە بۇعان دەيىن اتالعان سومادان 16 ەسەگە تومەن الىپ كەلگەن. سوسىن كلۋب باسشىلىعى فۋتبولشىنى «رەالعا» ساتۋعا كەلىسەدى. ترانسفەر قۇنى 180 ميلليون دوللار كولەمىندە، وعان 30 ميلليون تاعى بونۋس بار. يسپانيا مەملەكەتىنىڭ سالىعىن قوسا ەسەپتەگەن ترانسفەر قۇنى 214 ميلليون ەۋرو شىعىپ كەتەدى ەكەن. «رەال» بۇل شىعىننىڭ بارلىعىن كوتەرەتىنىن ايتقان.

الايدا، ترانسفەرلىك تەرەزەنىڭ سوڭعى كۇنىندە كيليان پسج-نى تاڭدايدى. كەلىسىمشارتقا سوڭعى 10 ساعاتتىڭ ىشىندە قول قويىپ ۇلگەرەدى. پاريج كلۋبى «موناكودان» فۋتبولشىنىڭ 145 ميلليون ەۋروعا ساتىپ الادى جانە بونۋس رەتىندە 35 ميلليون بەرۋگە كەلىسەدى. پسج كلۋبىنىڭ باسشىلىعى مباپپەگە بونۋس رەتىندە 5 ميلليون ەۋرو بەرىپ، اي سايىن 10 ميلليون جالاقى تولەپ تۇراتىن 5 جىلدىق كەلىسىمشارتقا وتىرادى.

فۋتبولشى سونداي-اق «التىن دوپ» ۇتقاننان كەيىن اۆتوماتتى تۇردە پسج-نىڭ ەڭ تابىسى جوعارى فۋتبولشىسى اتانۋدى سۇرايدى. پاريج كلۋبى جەكەلەگەن تروفەي ٴۇشىن تەك قوسىمشا 500 مىڭ ەۋرو بەرۋگە كەلىسەدى. ودان بولەك، مباپپە جەكە ۇشاقپەن 50 ساعات ۇشۋدى سۇرايدى. ٴبىراق مەنەدجەرى وعان تەك اي سايىن جەكە ۇشاقپەن ۇشۋعا دەپ 30 مىڭ ەۋرو عانا بەرەتىنىن جانە ٴۇش كومەكشى بولاتىنىن ايتادى.

مىنە، بۇگىنگى تاڭداعى فيفا اياسىنداعى داۋ-دامايدىڭ ٴبىر پاراسى وسىنداي. بۇل داۋلاردىڭ قاشان اياقتالارى دا بەلگىسىز. بۇل جەردەگى داۋدىڭ ەڭ ماڭىزدىسى 2022 جىلى كاتاردا وتەتىن الەم چەمپيوناتى. ەگەر football leaks پورتالى سەريالى ماتەريالدارىن جاريالاۋدى توقتاتپاسا، كەلەسى بىرىنشىلىكتىڭ وتۋ-وتپەۋ سۇراق استىندا قالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي