BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ەۋرو-2020: قازاقستاننىڭ مۇمكىندىگى قانداي بولماق؟ ساراپتاما

استانا، baq.kz ٴتىلشىسى. 2022 جىلعى ەۋروپا چەمپيوناتىنىڭ جەرەبەسى تارتىلدى. قازاقستان i توبىنا تۇسكەن. ەۋرو-2020 جەرەبەسى يرلانديا استاناسى دۋبلين قالاسىنداعى كورمە ورتالىعىندا ٴوتتى. سالتاناتتى ٴىس-شاراعا يرلانديانىڭ جانە پورتۋگاليانىڭ ەكس-فۋتبولشىلارى قاتىستى: رونني ۋيلان، روببي كين، نۋنو گومەش پەن ۆيتور باييا.

العاش رەت ەۋروپا چەمپيوناتىنىڭ ىرىكتەۋ باسەكەسىنە كارى قۇرلىقتىڭ 55 قۇراماسى قاتىسادى. ولار 10 توپقا ٴبولىندى: بەس توپتا – بەسەۋدەن، تاعى بەسەۋىندە – التاۋدان بولدى. دۋبليندەگى جەرەبەگە 600-گە جۋىق قوناق كەلگەن. ولاردىڭ اراسىندا فەدەراسيا مۇشەلەرى، ەۋرو-2020 ٴتۋرنيرىنىڭ فينالدىق كەزەڭىن قابىلدايتىن ۇيىمداستىرۋشى ەلدەردىڭ وكىلدەرى، باپكەرلەر بار. 300-دەن استام باق وكىلى تىكەلەي سول جەردەن اقپارات تاراتتى.

«العاش رەت ەۋروپا چەمپيوناتى قۇرلىقتىڭ بارلىق ايماعىن قامتىماق. ەۋرو-2020 چەمپيوناتى 12 قالادا وتەدى. ٴبىز بۇعان قۋانىشتىمىز. وسىنشالىقتى قالا مەن مەملەكەتتى فۋتبول ارقىلى بىرىكتىرەتىن بولامىز»، – دەگەن ۋەفا پرەزيدەنتى الەكساندەر چەفەرين ۇيىمنىڭ رەسمي سايتىنا بەرگەن سۇحباتىندا.

ۇلتتار ليگاسى اياقتالعان سوڭ، ەۋرو-2020 توپتىق كەزەڭىنىڭ سەبەتى انىقتالدى:

1-سەبەت: پورتۋگاليا، شۆەيساريا، نيدەرلاندى، انگليا، بەلگيا، فرانسيا، يسپانيا، يتاليا، حورۆاتيا، پولشا.

2-سەبەت: گەرمانيا، يسلانديا، بوسنيا جانە گەرسەگوۆينا، ۋكراينا، دانيا، رەسەي، اۆستريا، ۋەلس، چەحيا، شۆەسيا.

3-سەبەت: سلوۆاكيا، تۇركيا، يرلانديا، سولتۇستىك يرلانديا، نورۆەگيا، سەربيا، فينليانديا، يزرايل، بولگاريا، شوتلانديا.

4-سەبەت: ۆەنگريا، رۋمىنيا، گرەكيا، البانيا، چەرنوگوريا، كيپر، ەستونيا، گرۋزيا، ليتۆا، سلوۆەنيا.

5-سەبەت: ارمەنيا، ٴازىربايجان، بەلارۋس، گيبرالتار، قازاقستان، كوسوۆو، ليۋكسەمبۋرگ، ماكەدونيا، مولدوۆا، فارەر ارالدارى.

6-سەبەت: مالتا، اندوررا، لاتۆيا، ليحتەنشتەين، سان-مارينو.

قازاقستان بەسىنشى سەبەتكە تۇسكەن بولاتىن.

جەرەبەدەگى شەكتەۋ

ايتپاقشى، ۋەفا اتقارۋ كوميتەتىنىڭ شەشىمىمەن كەيبىر كوماندالار ٴبىر توپقا تۇسپەيتىن بولدى: رەسەي مەن ۋكراينا، ارمەنيا مەن ٴازىربايجان، گيبرالتار مەن يسپانيا، بوسنيا جانە گەرسەگوۆينا مەن كوسوۆو، سونداي-اق كوسوۆو مەن سەربيا. ونىڭ بارىنە وسى ەلدەر اراسىنداعى ساياسي جانجالدار سەبەپ.

ودان بولەك ٴبىر توپتا اۋا-رايى قولايسىز، قىس ەرتە تۇسەتىن ەلدەردىڭ سانى ەكەۋدەن اسپاۋ كەرەك دەگەن دە قاراستىرىلدى. مىسالى، مۇنداي ەلدەرگە ۋكراينا، بەلارۋس، يسلانديا، لاتۆيا، ليتۆا، نورۆەگيا، رەسەي، فارەر ارالدارى، فينليانديا، ەستونيا جاتادى.

سونداي-اق الىس ساپارلاردىڭ سانىن دا شەكتەۋ جاعى دا قاراستىرىلدى. ٴبىر توپتا ماكسيمۋم ٴبىر سونداي عانا جۇپ بولۋ كەرەك: قازاقستان (استانا) — انگليا (لوندون)، اندوررا (بارسەلونا)، گيبرالتار (گيبرالتار)، يرلانديا (دۋبلين)، يسلانديا (رەيكياۆيك)، يسپانيا (مادريد)، مالتا (ۆاللەتتا)، پورتۋگاليا (ليسسابون)، سولتۇستىك يرلانديا (بەلفاست)، ۋەلس (كارديفف)، فارەر ارالدارى (تورسحاۆن)، فرانسيا (پاريج)، شوتلانديا (ەدينبۋرگ) سەكىلدى.

جەرەبە قورىتىندىسى

قازاقستان جەرەبەنىڭ قورىتىندىسى بويىنشا i توبىنا ٴتۇستى. ٴبىزدىڭ توپتا بەلگيا، رەسەي، شوتلانديا، كيپر، سان-مارينو قۇرامالارى بار.

ا توبى: انگليا، چەحيا، بولگاريا، چەرنوگوريا، كوسوۆو;

b توبى: پورتۋگاليا، ۋكراينا، سەربيا، ليتۆا، ليۋكسەمبۋرگ;

c توبى: گوللانديا، گەرمانيا، سولتۇستىك يرلانديا، ەستونيا، بەلارۋس;

d توبى: شۆەيساريا، دانيا، يرلانديا، گرۋزيا، گيبرالتار;

e توبى: حورۆاتيا، ۋەلس، سلوۆاكيا، ۆەنگريا، ازەربايجان;

f توبى: يسپانيا، شۆەسيا، نورۆەگيا، رۋمىنيا، فارەر ارالدارى، مالتا;

g توبى: پولشا، اۆستريا، يزرايل، سلوۆەنيا، ماكەدونيا، لاتۆيا;
h توبى: فرانسيا، يسلانديا، تۇركيا، البانيا، مولدوۆا، اندوررا;
i توبى: بەلگيا، رەسەي، شوتلانديا، كيپر، قازاقستان، سان-مارينو;
j توبى: يتاليا، بوسنيا جانە گەرسەگوۆينا، فينليانديا، گرەكيا، ارمەنيا، ليحتەنشتەين.

ىرىكتەۋ كەزەڭىنىڭ كۇنتىزبەسى:

1-تۋر: 2019 جىلدىڭ 21--23 ناۋرىزى

2-تۋر: 24--26 ناۋرىز

(ۋەفا ۇلتتار ليگاسىنىڭ جارتىلاي فينالى: 5−6 ماۋسىم 2019 جىل)

3- تۋر: 7-8 ماۋسىم

(ۋەفا ۇلتتار ليگاسىنىڭ فينالى: 9 ماۋسىم 2019 جىل)

4تۋر: 10-11ماۋسىم

5-تۋر: 5-7 قىركۇيەك

6-تۋر: 8-10 قىركۇيەك

7-تۋر: 10-12 قازان

8-تۋر: 13-15 قازان

9-تۋر: 14-16 قاراشا

10-تۋر: 17-19 قاراشا.

ىرىكتەۋ كەزەڭىنىڭ قورىتىندىسى بويىنشا ( 2019 جىلدىڭ 21 ناۋرىزى مەن 19 قاراشا ارالىعى) فينالدىق كەزەڭگە ەكى قۇراما جولداما الادى. سونداي-اق ۇلتتار ليگاسى ارقىلى 4 جولداما ۇلەستىرىلەدى.

ەۋروپا چەمپيوناتىنىڭ فينالدىق كەزەڭىن قابىلدايتىن قالالار

ەۋروپا چەمپيوناتىنىڭ جارتىلاي فينالى مەن فينالى انگليادا وتەدى. لوندون قالاسىنداعى «ۋەمبلي» ستاديونى شەشۋشى سىندا وينايتىن كوماندالاردى قابىلدايدى.

ەۋروپا چەمپيوناتىنىڭ فينالدىق كەزەڭىندەگى ويىنداردى قابىلدايتىن قالالار:

باكۋ، ازەربايجان: «وليمپيادالىق»

ميۋنحەن، گەرمانيا: «ميۋنحەن ارەنا»

ريم، يتاليا: «وليمپيكو»

سانكت-پەتەربۋرگ، رەسەي: «سانكت-پەتەربۋرگ»

امستەردام، نيدەرلاندى: «يوحان كرويفف ارەنا»

بيلباو، يسپانيا: «سان-مامەس»

بۋحارەست، رۋمىنيا: «ناسيونالە ارەنا»

بۋداپەشت، ۆەنگريا: «فەرەنس پۋشكاش»

گلازگو، شوتلانديا: «حەمپدەن پارك»

دۋبلين، يرلانديا: «دۋبلين ارەنا»

كوپەنگاگەن، دانيا: «پاركەن»

لوندون، انگليا: «ۋەمبلي».

جۇلدە قورى

ەۋروپا چەمپيونى 10 ملن ەۋروعا يە بولادى. فيناليستكە – 7 ملن، جارتىلاي فينالعا شىققاندار – 5 ملن ەۋرودان، شيرەك فينالدا ويناعاندار – 3،25 ملن ەۋرودان، 1/8 فينالعا جەتكەندەر – 2 ملن ەۋرودان الادى. سونداي-اق توپتاعى ٴاربىر جەڭىسكە – 1،5 ملن ەۋرو، تەڭ ويىنعا 750 مىڭ ەۋرو بەرىلەدى.

قازاقستاننىڭ قارسىلاستارى

ٴبىزدىڭ توپتىڭ كوشباسشىسى – بەلگيا قۇراماسى. بيىلعى جىلى الەم چەمپيوناتىندا قولا جۇلدە جەڭىپ العان. الەمدىك رەيتينگتىڭ كوشىن باستاپ تۇر. قازاقستان مەن بەلگيا بۇعان دەيىن 4 رەت كەزدەسكەن. 2008 جىلعى ەۋروپا چەمپيوناتىنىڭ ىرىكتەۋ كەزەڭىندە ارنو پايپەرس جاتتىقتىراتىن قۇرامامىز ەكى ويىندا دا تەڭ تۇسكەن بولاتىن.

ودان كەيىن 2012 جىلعى ەۋروپا چەمپيوناتىنىڭ ىرىكتەۋ كەزەڭىندە ەكى ويىندا دا ۇتىلىپ قالدىق. بەلگيا ساپىندا بۇگىنگى تاڭدا الەمنىڭ تاڭداۋلى ويىنشىلارى ونەر كورسەتەدى. ەدەن ازار، تيبو كۋرتۋا، رومەلۋ لۋكاكۋ، دريس مەرتەنس، اكسەل ۆيتسەل ت.ب جۇلدىزدار وتە كوپ. بەلگيا ٴسوزسىز بۇل توپتىڭ ٴفاۆوريتى. قۇرامانى يسپانيالىق روبەرتو مارتينەس جاتتىقتىرادى.

رەسەي قۇراماسى – بيىلعى جىلى ٴوز ەلدەرىندە وتكەن الەم چەمپيوناتىندا شيرەك فينالعا جەتتى. سودان كەيىن ستانيسلاۆ چەرچەسوۆ شاكىرتتەرى قاناتتانىپ، جاقسى ويناپ ٴجۇر. بۇل قۇراما ساپىندا ناتۋراليزاسيا جاسالعان ويىنشىلار جەتەرلىك. برازيليالىق ماريو فەرناندەس، اري، گيلەرمە، نەمىس كونستانتين راۋش پەن رومان نويشتەدتەر رەسەي ازاماتتىعىن الىپ، وسى ەلدىڭ قۇراماسىندا ويناپ ٴجۇر. فيفا-نىڭ رەيتينگىندە رەسەي 41-ورىنعا ورنالاسقان. بۇعان دەيىن قازاقستان مەن رەسەي تەك جولداستىق كەزدەسۋدە جولىققان. ياعني 2020 جىلعى ەۋروپا چەمپيوناتىندا العاش رەت رەسمي تۇردە ويناپ كورەمىز. 2008 جىلى 0:6 ەسەبىمەن جەڭىلسەك، 2015 جىلى تەڭ تۇسكەنبىز.

شوتلانديا قۇراماسىمەن قازاقستان بۇرىن-سوندى كەزدەسىپ كورمەگەن. الەمدىك رەيتينگتە 38-ورىنعا جايعاسقان. ايتارلىقتاي جەتىستىگى جوق قۇراما. ٴبىراق بىرنەشە رەت الەم، ەۋروپا چەمپيوناتتارىنا قاتىسقان. ويىنشىلارىنىڭ كوبىسى، شوتلانديا جانە انگليا چەمپيوناتتارىندا وينايدى. «ليۆەرپۋلدە» وينايتىن قورعاۋشى ەندريۋ روبەرتسون، «سەلتيكتىڭ» جارتىلاي قورعاۋشىسى دجەيمس فوررەست، ارداگەر شابۋىلشى ستيۆەن فلەتچەردى ەرەكشە اتاپ كەتۋگە بولادى.

كلۋبتىق دەڭگەيدە قازاقستان مەن شوتلانديانىڭ جولى ٴجيى ٴتۇيىسىپ تۇرادى. «سەلتيك»، «ابەردين» كوماندالارى بىرنەشە رەت كەلگەن. ەندى ۇلتتىق قۇرامامىز العاش رەت بىر-بىرىمەن جولىقپاق.

كيپر قۇراماسى فيفا-نىڭ رەيتينگىندە 86-ورىنعا جايعاسقان. قازاقستانمەن رەسمي ويىنداردا جولىعىپ كورمەگەن. تەك جولداستىق كەزدەسۋلەردە ويناعان. ەكى ماتچتا دا تۋريستىك ەلدىڭ قۇراماسى جەڭگەن بولاتىن. 2004 جىلى حالىقارالىق تۋرنيردە بەسىنشى ورىن ٴۇشىن تالاستا ماتچ 2:1 ەسەبىمەن اياقتالعان. ٴبىر گولدى رومان ۋزدەنوۆ سوققان بولاتىن.

ال بىلتىر بوروديۋكتىڭ تۇسىندا لارناكاداعى ويىندا كيپر 3:1 ەسەبىمەن ۇتتى. قازاقستان قۇراماسىنان نوسەربايەۆ ەسەپ اشقان بولاتىن. سان-مارينو فيفا-نىڭ رەيتينگىندەگى ەڭ سوڭعى 211-ورىندا. قازاقستانمەن ەشقاشان ويناپ كورمەگەن. ەندى سان-مارينونى ەكى ويىندا ۇتپاساق، قازاقستانعا فۋتبول ويناپ كەرەك ەمەس شىعار...

باپكەرلەر مەن فۋتبولشىلاردىڭ پىكىرى

«وتە جاقسى توپ. ٴاربىر ويىنعا تەك جەڭىس ٴۇشىن شىعامىز. ارينە، ەشقايسىسى جەڭىل بولمايدى. بەلگيا مەن رەسەي – توپتىڭ ٴفاۆوريتى. ەكەۋى دە الەم چەمپيوناتىنا قاتىسقان. وسىنداي قۇرامالارمەن ويناۋ قىزىقتى. ازىرگە ناقتى بولجام ايتۋ قيىن. بارلىعى دا ٴبىزدىڭ ويىندارعا بايلانىستى بەلگىلى بولادى»، – دەيدى قازاقستان قۇراماسىنىڭ كاپيتانى دميتريي شومكو vesti.kz سايتىنا بەرگەن سۇحباتىندا.

قازاقستاننىڭ قارسىلاستارىنىڭ ٴبىرى رەسەي قۇراماسىنىڭ ويىنشىلارى دا پىكىر ٴبىلدىرىپ جاتىر. مىسالى، رەسەيدىڭ كاپيتانى ارتەم دزيۋبا سان-مارينوعا قۋانىشتى ەكەنىن ايتتى.

«جەرەبەنى ۇيدەن كورىپ باستادىم، سوسىن اۋەجايعا بارۋعا تۋرا كەلدى. جولدا دوستارىم قارسىلاستاردىڭ كىم تۇسكەنىن جازىپ جىبەردى. بىزگە وتە قيىن توپ تۇسكەن. بەلگيا – توپتىڭ كوشباسشىسى، فرانسيا جانە يسپانيامەن بىرگە الەمدەگى تاڭداۋلى قۇرامالاردىڭ قاتارىنا كىرەدى. شوتلانديامەن ويناۋ وڭاي ەمەس. اسىرەسە، ولاردىڭ ستاديونىندا. كيپر دە ٴوز الاڭىندا جاقسى وينايدى. قازاقستان استانادا كەز كەلگەن قارسىلاستى ۇتىپ جىبەرۋى مۇمكىن. جالعىز ماعان ۇناعان سان-مارينونىڭ تۇسكەنى. بۇل كوماندا ٴۇشىن ٴاردايىم قۋانىشتىمىن. جالپى، وڭاي توپ ەمەس. جولداما ٴۇشىن ايانىپ قالمايمىز»، – دەيدى ارتەم دزيۋبا رەسەي فۋتبول فەدەراسياسىنىڭ رەسمي سايتىنا بەرگەن سۇحباتىندا.

الەكس ماكليش، شوتلانديا قۇراماسىنىڭ باس باپكەرى:

– ٴبىز كوپتەن بەرى ٴىرى تۋرنيرلەردىڭ فينالدىق كەزەڭىنە شىققان جوقپىز. وتە قيىن تاپسىرما كۇتىپ تۇر. دەگەنمەن، قولىمىزدان كەلەدى دەپ ويلايمىن. رەسەيمەن ويىن وتە ماڭىزدى، سونداي-اق كيپر، قازاقستان جانە سان-مارينوعا قوناققا بارامىز. ٴبارى دە جەڭىس ٴۇشىن وينايتىنى انىق. ەگەر وتكەن ايداعىداي ويناساق بىزدە مۇمكىندىك بولادى، دە پىكىر بىلدىرگەن قازاقستان فۋتبول فەدەراسياسىنىڭ رەسمي سايتىنا.

ستانيسلاۆ چەرچەسوۆ، رەسەي قۇراماسىنىڭ باس باپكەرى:

– ٴبىزدىڭ توپتاعى قارسىلاستاردان بەلگيا قۇراماسىن عانا جاقسى تانيمىز. ولار رەيتينگتە ٴبىرىنشى ورىندا تۇر. الەم چەمپيوناتىندا قولا جۇلدەگە يە بولدى. قالعان قۇرامالاردىڭ ەشقايسىسىنىڭ ويىنىن سوڭعى ەكى جىلدا كورگەن ەمەسپىن. ويتكەنى، ولارمەن كەزدەسپەدىك. شوتلانديانىڭ «رەيندجەرس» كومانداسىن ەۋروپا ليگاسىنان بايقادىم، قازاقستان قۇراماسىنىڭ باس باپكەرىن جاقسى بىلەمىن، وتە مىقتى مامان. سوندىقتان كومانداسى دا ساپالى بولسا كەرەك. كيپردە ٴبىزدى قىزىقتى ويىن كۇتىپ تۇر. ەندى قارسىلاستار تۋرالى اقپارات جينايمىز، دەيدى چەرچەسوۆ كفف سايتىنا بەرگەن سۇحباتىندا.

ٴبىزدىڭ ۇلتتار ليگاسىنداعى جولىمىز بولعان جوق. ەندى ەۋروپا چەمپيوناتىنا شىعاتىن جالعىز جول وسى ىرىكتەۋ سايىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي