BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

ەلوردادا حالىقارالىق astana marathon ٴوتىپ جاتىر

فوتو: Автор

بۇگىن 16 قىركۇيەكتە استانادا جىل سايىنعى astana marathon 2018 حالىقارالىق مارافونى باستالدى، دەپ حابارلايدى baq.kz ٴتىلشىسى.

تاڭ اتپاستان قاتىسۋشىلار ەكسپو ماڭايىنا كەلە باستادى. فەلەتون الدىنا افريكادان كەلگەن مارافونشىلار جينالدى. ساعات 7.00-دە استانا قالاسىنىڭ اكىمى باقىت سۇلتانوۆتىڭ ستارتىنان سوڭ اتلەتتەر جۇگىرە باستادى. سونداي-اق، astana marathon ٴانۇرانى قويىلدى. قاتىسۋشىلار اراسىندا تانىمال تۇلعالار مەن شەنەۋنىكتەر كورىنبەدى. ال مارە سىزىعى ورنالاسقان الاڭداعى ۇلكەن ەكراننان قازاقستاندىق كاسىپقوي بوكسشى گولوۆكين مەن ساۋل الۆارەس "كانەلو" جەكپە-جەگى كورسەتىلەدى.

ۇيىمداستىرۋشىلاردىڭ مالىمەتىنشە، مارافونعا قاتىسۋعا قازاقستاننان جانە شەت مەملەكەتتەردەن 5000-نان استام ادام نيەت بىلدىرگەن. ولاردىڭ اراسىندا كەنيا مەن ەفيوپيادان كەلگەن ەليتالى اتلەتتەر بار. قاشىقتىقتارعا كەلەر بولساق بيىل 21.1 كم الىنىپ تاستالدى. 18-دەن اسقان قاتىسۋشىلار تولىق مارافون جۇگىرسە،16 جاستان جوعارىلارعا 10 كم قاشىقتىقتى باعىندىرۋ مۇمكىن بولدى. ساعات 13.00-دەن كەيىن مارە سىزىعىن كەسە الماعاندار ديسكۆاليفيكاسيالانىپ، باعىتتان الىنادى.

سونىمەن قاتار وسى شارا اياسىندا بۇگىن مارافون مەن تاس جولدا 10 شاقىرىمعا جۇگىرۋدەن قازاقستان چەمپيوناتى ٴوتىپ جاتىر.چەمپيوناتقا قازاقستاندىق 32 سپورتشى قاتىسىپ وتىر.

"كەلەسى جىلى اكىمدىكتىڭ كومەگىمەن جارتىلاي مارافوندى جەكە وتكىزۋدى جوسپارلاپ وتىرمىز. بيىل مادەنيەت جانە سپورت مينيسترلىگى، ۇلتتىق وليمپيادا كوميتەتى، جەڭىل اتلەتيكا فەدەراسياسى، استانا اكىمدىگىنىڭ قولداۋىمەن مارافوندى ۇيىمداستىردىق. بۇل ٴتورتىنشى مارافونىمىز. نەگىزى 2009 جىلى جۇگىرۋدى ۇيىمداستىرا باستادىق. ەليتالى مارافونشىلاردىڭ سانى بيىل رەكوردتى كورسەتكىشكە جەتىپ وتىر. نەگە بيىل وتكەن جىلدارعا قاراعاندا قاتىسۋشىلار سانى از بولىپ وتىر دەگەنگە جاۋاپ بەرسەم، سەبەبى جارتىلاي مارافوندى الىپ تاستادىق. الداعى ۋاقىتتا 10 شاقىرىمدى دا الىپ تاستاۋدى جوسپارلاپ وتىرمىز. وسىلايشا 42.2 كم تولىق مارافوندى وتكىزەتىن بولامىز. الەمدەگى نيۋ-يورك، بوستون، چيكاگو، توكيو، بەرلين، لوندوننان كەيىنگى ەڭ ۇزدىك جەتىنشى مارافون بولعىمىز كەلەدى"، - دەدى astana marathon ديرەكتورى گاۋحار براملەي-فەنتون.

وسىنداي ماڭىزدى مالىمدەمە جاساعان ديرەكتور بۇل ماقساتقا جەتۋگە شامامەن 20 جىل قاجەت ەكەنىن اتاپ ٴوتتى.

"استانا دايىن. قالا تەڭىز دەڭگەيىنەن كىشكەنە عانا بيىك. قالامىز ۇزاق قاشىقتىققا جۇگىرەتىندەرگە وتە قولايلى. باسقا مارافوندارمەن جاعالاسپاس ٴۇشىن كۇنىن قايتا بەلگىلەۋ كەرەك. بۇگىن بەرليندە دە وسىنداي شارا بولىپ جاتىر. سوعان وراي بىزگە مىقتى اتلەتتەر كەلە المايدى. ال گولوۆكيننىڭ جەكپە-جەگى سايكەس كەلگەنى وتە قىزىق بولىپ وتىر، بىلتىر دا وسى كۇنى بولعان. ٴبىزدىڭ باتىرىمىز جەكپە-جەك الدىندا ٴبىزدىڭ جەيدەمىزدى كيىپ شىققانىن قالار ەدىم، ارينە، بۇل - ارمان. كۇندەردىڭ ٴبىر كۇنىندە گولوۆكين ٴبىزدىڭ مارافونىمىزدا تىم بولماسا 10 كم جۇگىرەدى دەپ ويلايمىن"، - دەدى ول.

ەسكە سالا كەتسەك، بىلتىر مارافون قازاقستان مەن 19 شەت ەلدەن كەلگەن 5000-نان استام قاتىسۋشىنى جينادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي