BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

ەلىمىزدىڭ 10 ايماعىندا زاماناۋي سپورت الاڭدارى ورناتىلا باستادى

قازاقستاننىڭ 10 ايماعىندا جاڭا سپورت الاڭدارىن ورناتۋ جۇمىستارى باستالدى. جالپى اۋماعى شامامەن 1 280 شارشى مەتردى قۇرايتىن ٴار امبەباپ كەشەن فۋتبول/حوككەي الاڭى، جاتتىعۋ ايماعى جانە بالالار ويىن الاڭىنان تۇرادى، دەپ حابارلايدى baq.kz ٴتىلشىسى.

بيىلعى جىلدىڭ سوڭىنا دەيىن قازاقستاننىڭ 10 وبلىسىندا 53 مىڭ شارشى مەتردەن استام اۋماقتا 40-تان استام جاڭا الاڭ پايدا بولادى. قازىرگى زامانعى تەحنولوگيالارعا ساي جيناقتالعان امبەباپ پلاتفورمالار حالىق اراسىندا سالاۋاتتى ٴومىر سالتىن قالىپتاستىرۋعا باعىتتالعان.

«samruk-kazyna trust» الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبى بار ايماقتاردا «مەنىڭ ەلىم» الەۋمەتتىك ينۆەستيسيالار باعدارلاماسىن ىسكە اسىرۋدى جالعاستىرىپ كەلەدى. باعدارلاما اياسىندا ماڭعىستاۋ، اتىراۋ، اقتوبە، باتىس قازاقستان، پاۆلودار، شىعىس قازاقستان، اقمولا، قىزىلوردا، تۇركىستان وبلىستارىندا جانە شىمكەنت قالاسىندا 40-تان استام امبەباپ سپورت جانە بالالار ويىن الاڭى سالىنادى. سونىمەن قاتار، جاڭاوزەن قالاسىندا 10 جاتتىعۋ الاڭى (workout) ورناتىلادى.

اتىراۋ، باتىس قازاقستان، اقتوبە، قىزىلوردا، ماڭعىستاۋ جانە پاۆلودار وبلىستارىنىڭ ٴارقايسىسىندا بەس الاڭنان سالىنسا، اقمولا، تۇركىستان جانە شىعىس قازاقستان وبلىستارىندا ٴۇش الاڭنان، ال شىمكەنت قالاسىنىڭ وزىندە ەكى الاڭ ورناتىلادى.

«جالپى اۋماعى شامامەن 1 280 شارشى مەتردى قۇرايتىن ٴار امبەباپ الاڭ كەشەنى فۋتبول/حوككەي الاڭى، جاتتىعۋ ايماعى جانە بالالار ويىن الاڭىنان تۇرادى. ويىن الاڭدارى جاساندى گازونمەن، ال بالالار الاڭى مەن جاتتىعۋ ايماعى جاراقاتتاردىڭ الدىن الاتىن رەزينادان جاسالعان تارتان ماتەريالىمەن جابىلادى. تاعى ٴبىر ايتا كەتەتىن ٴجايت، الاڭدار ينكليۋزيا ەلەمەنتتەرىن قامتيدى، سوندىقتان ەرەكشە قابىلەتى بار بالالارعا دا قولجەتىمدى»، - دەپ حابارلادى «samruk-kazyna trust» الەۋمەتتىك جوبالاردى دامىتۋ قورىنىڭ ٴباسپاسوز قىزمەتى.

«امبەباپ الاڭدار قۇرىلىسى – 2016 جىلدان بەرى جۇزەگە اسىرىلىپ كەلە جاتقان «مەنىڭ ەلىم» باعدارلاماسىنىڭ نەگىزگى باعىتتارىنىڭ ٴبىرى. وڭىرلەردە وسىنداي سپورتتىق زونالاردى ورناتۋ ارقىلى ٴبىز سالاۋاتتى ٴومىر سالتى مەن سپورتپەن اينالىسۋعا قازاقستاندىقتاردىڭ كوبىرەك تارتىلاتىنىنا ۇمىتتەنەمىز. سونىمەن قاتار، بالالارعا ارنالعان قوسىمشا ٴقاۋىپسىز ويىن الاڭدارى پايدا بولاتىنى قۋانتادى. وتكەن جىلى وسى باعدارلامانىڭ ارقاسىندا جاڭا الاڭدار اقمولا، اقتوبە، پاۆلودار، ماڭعىستاۋ جانە باتىس قازاقستان وبلىستارىندا ورناتىلعان ەدى. بيىل ٴبىز وبلىستار سانىن 10-عا دەيىن ۇلعايتتىق»، - دەيدى «samruk-kazyna trust» الەۋمەتتىك جوبالاردى دامىتۋ قورىنىڭ باس ديرەكتورى دياس ازبەرگەنوۆ.

د.ازبەرگەنوۆتىڭ ايتۋىنشا، تۇرعىنداردى زاماناۋي سپورتتىق ينفراقۇرىلىممەن قامتاماسىز ەتۋ ماقساتىندا «سامۇرىق-قازىنا» اق كومپانيالار توبى الاڭداردى بار ايماقتاردا ورناتۋعا تىرىسادى.

اتاپ وتسەك، «مەنىڭ ەلىم» الەۋمەتتىك ينۆەستيسيالار باعدارلاماسى «سامۇرىق-قازىنا» اق كومپانيالار توبى بار ايماقتاردا الەۋمەتتىك-ەكونوميكالىق جاعدايدى جاقسارتۋعا باعىتتالعان. باعدارلاما «samruk-kazyna trust» الەۋمەتتىك جوبالاردى دامىتۋ قورىمەن الەۋمەتتىك ينفراقۇرىلىمدى دامىتۋ جانە جەرگىلىكتى تۇرعىنداردىڭ ٴومىر ٴسۇرۋ ساپاسىن ارتتىرۋ ارقىلى جۇزەگە اسىرىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي