BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

«ەلىمە كەرەكپىن». سپورتقا ورالعان يليا يلين جوسپارلارىمەن ٴبولىستى

فوتو: ашық дереккөзден

اۋىر اتلەتيكادان ٴتورت دۇركىن الەم چەمپيونى يليا يلين ەكى جىلعا جارىستان شەتتەتۋ مەرزىمى اياقتالعان سوڭ ۇلكەن سپورتقا قايتا ورالعانىن ايتىپ، الداعى جوسپارىمەن ٴبولىستى، دەپ حابارلايدى baq.kz ٴتىلشىسى.

«جارىستان شەتتەتىلگەن 2 جىلدا جاتتىقتىم، سپورتپەن اينالىستىم. الەۋمەتتىك جەلىدە اشىقپىن، جاڭالىقتارىممەن حالىقپەن بولىسكەن ۇنايدى. ادامدار مەنىڭ جاتتىعۋلارىمدى قاراپ وتىرادى. اعىلشىن ٴتىلىمدى جاقسارتتىم. اقش-قا بارىپ، بوستوندا وقىدىم، مادەنيەتىن كوردىم»، - دەدى يليا يلين.

جارىستاردان 2 جىلعا شەتتەتىلگەننەن كەيىن ۇلكەن سپورتقا ورالعان اۋىر اتلەت الداعى جوسپارلارىمەن ٴبولىستى.

«مەن ەلىمە كەرەكپىن. ماعان كومەكتەسكەن قۇرامانى قۇردىق. ەرتەڭ توكيو وليمپياداسى بولادى. فەدەراسيا پرەزيدەنتىنە ەرەكشە العىس ايتامىن. بولاشاق جوسپارلارىما كەلەر بولساق، قاي سالماقتا سىنعا تۇسەتىنىم ٴبىر ايدان كەيىن ٴمالىم بولادى. سالماعىم 101-103 كەلى، الدىن الا ايتساق 100 كەلى سالماق دارەجەسىندە دەپ وتىرمىز. ناتيجەم جاقسى، ٴقازىر سەرپە دە 172 كەلى، جۇلقا دا 212 كەلى كوتەرەمىن. بۇل جاقسى ناتيجە. جاتتىعۋ كەرەك، ورگانيزمدى، اياعىمدى قالپىنا كەلتىرۋى كەرەك. جاقسى فورمادامىن. قازىرگى جاعدايىم 95%-عا جاقسى دەپ ايتا الامىن. ەندىگى كەزەكتە قازاقستان چەمپيوناتىنا قاتىسامىن. ودان كەيىن الەم چەمپيوناتىنا قاتىسۋ جوسپاردا بار. وليمپيادا ليسەنزياسىن الۋعا دا ۇمتىلامىز. ٴقازىر قازاقستان چەمپيوناتىندا جەڭىمپاز اتانۋدى قالايمىن. جەڭىسكە شولدەدىم»، - دەدى يليا يلين ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا.

ەسكە سالا كەتسەك، 2008 جانە 2012 جىلدارداعى وليمپيادا ويىندارىنىڭ دوپينگ-سىنامالارى قايتا تەكسەرىلگەننەن كەيىن يليا يلين، زۋلفيا چينشانلو، سونىمەن قاتار ماييا مانەزا مەن سۆەتلانا پودوبەدوۆا التىن مەدالدارىنان ايىرىلىپ، ەكى جىلعا جارىستاردان شەتتەتىلگەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي