BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بۇگىن «استانا» مەن چەحيالىق «يابلونەس» وينايدى

فوتو: Нұржас Жақсыбай

استانا، baq.kz ٴتىلشىسى. بۇگىن «استانا» كومانداسى ٴوز الاڭىندا ەۋروپا ليگاسى توپتىق كەزەڭىنىڭ 4-تۋرىندا چەحيانىڭ «يابلونەس» كومانداسىنا قارسى وينايدى. وسى ورايدا ەكى كوماندانىڭ باس باپكەرلەرى ويىن الدىنداعى فۋتبولشىلاردىڭ دايىندىعىمەن ٴبولىستى.

«استانا» باس باپكەرىنىڭ مىندەتىن ۋاقىتشا اتقارۋشى گريگوريي بابايان ويىن الدىندا جانكۇيەرلەردىڭ قولداۋى وتە ماڭىزدى ەكەنىن ايتتى.

«قيىن ويىن بولاتىنىن تۇسىنەمىز. چەحياداعى ويىندا ٴبىرشاما قيىندىققا تاپ بولدىق. ٴبىرىنشى تايمدا تاكتيكالىق جاعىنان قيىندىقتار بولدى. ٴقازىر ۇيىمشىلدىقپەن ويناۋعا تىرىسىپ جاتىرمىز. جانكۇيەرلەر كوپتەپ كەلىپ، ستاديون اتموسفەراسى تاماشا بولادى دەپ ۇمىتتەنەمىن. چەحتاردىڭ شابۋىل شەبى مىقتى، سوندىقتان ولارعا بوس كەڭىستىك قالدىرماي، ۇيىمشىل ويناۋىمىز قاجەت»، - دەدى بابايان ٴباسپاسوز ٴماسليحاتىندا.

ول «يابلونەس» كومانداسىنىڭ چەحيا چەمپيوناتىندا سىرت الاڭداعى سوڭعى ەكى ويىندا 12 گول سوققان كوماندا ەكەنىن اتاپ ٴوتتى.

«اشىق ويىن كورسەتپەكپىز، ٴبىراق قورعانىستى ۇمىتپاۋ كەرەك. شابۋىل شەبىنە جاتىپ الۋدىڭ قاجەتى جوق. چەحتاردىڭ شابۋىل شەبى مىقتى. بىزگە جازدا كەلىپ قوسىلعان فۋتبولشىلار بابىنا كەلۋ ٴۇشىن ۋاقىت كەرەك. ارينە، ولاردىڭ الەۋەتى جوعارى. كىم گول سوعىپ جاتقانى ماڭىزدى ەمەس، ۇجىممەن شابۋىلداپ، قولايلى ساتتەردى پايدالانۋ ماڭىزدى»، - دەدى باپكەر.

«يابلونەس» كومانداسىنىڭ باس باپكەرى پەتر رادانىڭ ويىنشا، جاساندى الاڭ «استانا» ٴۇشىن ارتىقشىلىق بولىپ وتىر.

«كوماندا ساپىنداعى 20 فۋتبولشى ويىنعا تولىقتاي دايىن. ولاردىڭ اراسىنان ٴ18-ىن تاڭداپ الامىز. «استاناعا» كەلەر بولساق، ول وسىعان دەيىن تالاي رەت ەۋروپالىق كەزدەسۋلەردە ويناپ، تاجىريبە جيناعان مىقتى كوماندا. بۇل كوماندانىڭ دايىندىعى وتە كەرەمەت. «استانا» قورعانىستان قارىمتا شابۋىلعا جىلدام شىعۋعا تىرىسىپ، كومبيناسيالىق فۋتبول وينايدى. «استانانىڭ» شابۋىل شەبىندە كومانداعا قوسىمشا كۇش بەرەتىن وتە جاقسى لەگيونەرلەر بار»، - دەدى پەتر رادا.

ول كوماندادا ەكى ۇپاي عانا بارىن، تۋرنيرلىك كەستەدەگى ورىندارىن جاقسارتۋ ٴۇشىن بۇگىنگى ويىندا كوپ ۇپاي الۋعا تىرىساتىندارىن ايتتى.
ماتچ بۇگىن استانا-ارەنادا ساعات 21.50-دە باستالادى. چەحيادا وتكەن ماتچتا ەكى كوماندا 1:1 ەسەبىمەن تەڭ تۇسكەن بولاتىن.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي