BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

بەس قازاقستاندىق geebee تۋرنيرىندە چەمپيون اتاندى

حەلسينكيدە 6 قازاقستاندىق قاتىسقان بوكستان ٴ37-شى حالىقارالىق geebee ٴتۋرنيرى اياقتالدى. بارلىعى فينالعا دەيىن جەتكەنىمەن، ولجاس باينيازوۆ شەشۋشى جەكپە-جەكتە فرانسۋز سپورتشىدان ۇتىلىپ، قانجىعاسىنا كۇمىس مەدال بايلادى. قالعان بەس بوكسشىمىز التىن الدى، دەپ حابارلايدى baq.kz اقپارات اگەنتتىگى.

2017 جىلعى الەم چەمپيونى قايرات ەراليەۆ 2015 جىلعى ەۋروپا چەمپيوناتىنىڭ جۇلدەگەرى ۆەنگەرلىك بوكسشى ناندور چوكتى 5:0 ەسەبىمەن ۇتتى. ازيا مەن الەم چەمپيوناتتارىنىڭ جۇلدەگەرى ابىلايحان ٴجۇسىپوۆ ٴدال وسىنداي ەسەپپەن فينالدا حارريس اكباردى جەڭدى.

وليمپيادانىڭ كۇمىس جۇلدەسىنىڭ يەگەرى ۆاسيليي لەۆيت ەش قيىندىقسىز ۋكراينالىق كونستانتين پينچۋكتى جەڭسە، قامىشبەك كۇنقابايەۆ ەكىنشى راۋندتا جاراقات العانىنا قاراماستان قارسىلاسىنان باسىم ٴتۇستى.

فينالدا بەك نۇرماعانبەت ۇزدىك جۇدىرىقتاستى. ونىڭ قارسىلاسى – 2017 جىلعى رەسەي چەمپيوناتىنىڭ قولا جۇلدەسىنىڭ يەگەرى ارتەم اگەەۆ بولدى. قازاقستاندىق بوكسشى ٴبىرىنشى راۋندتىڭ 40-سەكۋندىندا قارسىلاسىن نوكاۋتقا جىبەردى.

وسىلايشا قازاقستاندىقتار تۋرنيردە كوماندالىق ەسەپ بويىنشا ٴبىرىنشى ورىن الىپ، ەلگە بەس التىن جانە ٴبىر كۇمىسپەن ورالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي