BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

بالتىق ايماعىندا العاش رەت توعىزقۇمالاقتان جارىس ٴوتتى

استانا، baq.kz. ولاينەدە (لاتۆيا) قازاقتىڭ زياتكەرلىك ۇلتتىق ويىنى – توعىزقۇمالاقتان قازاقستاننىڭ تۇڭعىش پرەزيدەنتى كۇنىنە وراي جارىس ٴوتتى. سايىستى قر ليتۆا جانە لاتۆياداعى ەلشىلىگى، دۇنيەجۇزىلىك توعىزقۇمالاق فەدەراسياسى جانە ولاينە قالاسى اكىمشىلىگى ۇيىمداستىردى.

جارىسقا 20 سپورتشى قاتىستى. سپورتشى س. اقتايەۆ مىڭجىلدىق تاريحى بار ويىننىڭ قىر-سىرىمەن تانىستىرىپ، ستراتەگيا قۇرۋ مەن جىلدام جەڭىسكە جەتۋ تاسىلدەرىمەن ٴبولىستى.

سايىس ناتيجەسىندە ەرەسەكتەر اراسىندا 1-ورىندى س. اقتايەۆ (قازاقستان)، 2-ورىندى د.ليپينا (لاتۆيا)، 3-ورىن د. كوزلوۆ (لاتۆيا) الدى.

ۇلدار اراسىندا: 1-ورىن د. ليپين (لاتۆيا)، 2-ورىن د. كوزلوۆ، 3-ورىن د. رامينيش.

قىزدار اراسىندا: 1-ورىن ۆ. چاگينا (لاتۆيا)، 2-ورىن e. چاگينا، 3-ورىن m.گەتمانيۋك يەلەندى.

ەلشىلىك پەن فەدەراسيا جارىستى جىل سايىن وتكىزىپ، ونىڭ اۋقىمىن كەڭەيتۋدى جوسپارلاۋدا. لاتۆياداعى توعىزقۇمالاق سپورتى بويىنشا سەكسيا ل. ازيموۆا باسشىلىعىنداعى «لوگيكا» ينتەللەكتۋالدى ۇستەل ويىندارى كلۋبىنىڭ بازاسىندا قۇرىلعان.

لاتۆيالىقتار قازاق مادەنيەتى كەشى اياسىندا قازاقستاننىڭ تابيعاتى تۋرالى فوتوكورمە مەن ۇلتتىق ٴبيدى تاماشالاپ، قازاقشا داستارحان مازىرىنەن ٴدام تاتتى. ولار قازاقستان تۋرالى ۆيكتوريناعا قاتىسىپ، ونىڭ اياسىندا پرەزيدەنت ن. نازاربايەۆتىڭ « ۇلى دالانىڭ جەتى قىرى» ماقالاسىنىڭ نەگىزگى مازمۇنىمەن تانىستى. لاتۆيالىق مەكتەپ حورى قازاقستاندىق تاراپقا سىيلىق رەتىندە «دۋداراي» ۇلتتىق ٴانىن ورىنداپ بەردى.

توعىزقۇمالاق تەك قازاقستاندا عانا ەمەس، سونىمەن قاتار گەرمانيا، چەحيا، فرانسيا، شۆەيساريا جانە ٴتىپتى كولۋمبيا سياقتى الەمنىڭ كوپتەگەن ەلىندە دە تانىمال.

قازاقستاندا توعىزقۇمالاقپەن ەكى ٴجۇز مىڭنان استام ادام شۇعىلدانادى. كەلەسى جىلى تۇركيادا توعىزقۇمالاقتان كەزەكتى v الەم چەمپيوناتى وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي